ಅಪೊಸ್ತಲ 14:4 - ಕೊಡವ ಬೈಬಲ್

⁴ ಅಕ್ಕ ಆ ಪಟ್ಟಣತ್‍ಲ್ ಇಂಜ ಜನ ಈಂಗಡ ವಿಷಯತ್‍ಲ್ ದಂಡಾಯಿತ್ ನಿಂದತ್. ಚೆನ್ನ ಜನ ಅಪೊಸ್ತಲಂಗಡ ಬರಿಯು, ಇಂಞು ಚೆನ್ನ ಜನ ಯೆಹೂದ್ಯಂಗಡ ಬರಿಯು ನಿಂದತ್.

ಅಪೊಸ್ತಲ 14:4 ပူးပေါင်းရင်းမြစ်များ

ಯೋಹಾನ 7:43

ಇನ್ನನೆ ಅಂವೊನಗುಂಡ್ ಜನಾಂಗ ದಂಡ್ ಗುಂಪಾಯಿತ್ ಆಚಿ.

ಅಪೊಸ್ತಲ 13:2

ಅಯಿಂಗ ಒಡೆಯನ ಆರಾದನೆ ಮಾಡಿಯಂಡ್ ಪಟ್ಟಣಿ ನಿಂದಂಡ್ ಇಪ್ಪಕ, ಪವಿತ್ರಾತ್ಮ ಅಯಿಂಗಕ್: ನಾನ್ ಕಾಕ್‍ನ ವಿಶೇಷ ಸೇವೆಕಾಯಿತ್ ಬಾರ್ನಬ ಪಿಂಞ ಸೌಲನ, ನಿಂಗ ಬೋರೆ ಮಾಡಿತ್ ಅಯಿಂಕಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:14

ಅಪೊಸ್ತಲಂಗಳಾನ ಬಾರ್ನಬ ಪಿಂಞ ಪೌಲ ಇದ್‍ನ ಕ್‍ೕಟಿತ್, ತಂಗಡ ಬಟ್ಟೇನ ಕೀತಿಯಂಡ್, ಜನಡ ಗುಂಪ್‍ರ ಮದ್ಯತ್ ಕೂತ್ ಕೊಡ್‌ತಂಡ್ ನುಗ್ಗಿತ್:

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 14:5

ಯೆಹೂದ್ಯರಲ್ಲತ ಬೋರೆ ಜನಳು, ಯೆಹೂದ್ಯಂಗಳು ತಂಗಡ ಅದಿಕಾರಿಯಂಗಡ ಕೂಡೆ ಕೂಡಿತ್ ಅಪೊಸ್ತಲಂಗಳ ಅವಮಾನಪಡುತಿತ್, ಕೊಲ್ಲಂಡೂಂದ್ ಕಲ್ಲ್ ಕನಿಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 19:9

ಆಚೇಂಗಿ, ಚೆನ್ನ ಜನ ತಂಗಡ ಮನಸ್ಸ್‌ನ ಕಠಿಣ ಮಾಡಿಯಂಡ್ ನಂಬುಲೇಂದ್ ಎಣ್ಣ್‌ಚಿ. ಅಯಿಂಗ, ಎಲ್ಲಾಡ ಮಿಂಞತ್ ಈ ಬಟ್ಟೇರ ಬೋದನೆಕ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರ್ಂದಂಡ್ ಇಂಜತ್. ಅಕ್ಕ ಪೌಲ ಸಬಾಮಂದಿರತ್ಂಜ ಪೋಯಿತ್, ಯೇಸುನ ನಂಬ್‍ನಯಿಂಗಳ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ. ಬಯ್ಯ ತುರನ್ನ ಎಣ್ಣುವ ಒಬ್ಬಂಡ ಪಾಠಶಾಲೆಲ್ ಪ್ರತಿ ದಿನ ಚರ್ಚೆ ಮಾಡಿಯಂಡ್ ಬೋದನೆ ಮಾಡ್‍ಚಿ.

ಅಪೊಸ್ತಲ 28:24

ಅಂವೊ ಎಣ್ಣ್‌ನ ತಕ್ಕ್‌ನ ಚೆನ್ನ ಜನ ನಂಬ್‍ಚಿ; ಇಂಞು ಚೆನ್ನ ಜನ ನಂಬಿತ್‌ಲ್ಲೆ.

1 ಕೊರಿಂಥ 9:5

ಬೋರೆ ಅಪೊಸ್ತಲಂಗಳು, ಒಡೆಯಂಡ ತಮ್ಮಣಂಗಳು, ಪೇತ್ರನು ಮಾಡ್‌ವನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ನಂಗಡ ಪೊಣ್ಣ್‌ನ ನಂಗಡ ಕೂಡೆ ಕಾಕಿಯಂಡ್ ಪೋಪಕ್ ನಂಗಕ್ ಅದಿಕಾರ ಇಲ್ಲೆಯ?

1 ಥೆಸಲೊನೀಕ 2:14

ನಂಗಡ ಅಣ್ಣತಮ್ಮಣಂಗಳೇ, ಯೆಹೂದ್ಯ ಪ್ರಾಂತ್ಯತ್‍ಲ್ ಉಳ್ಳ ದೇವಡ ಸಬೇರನೆಕೆ ನಿಂಗಳು ಆಯಿತುಳ್ಳಿರ. ಯೆಹೂದ್ಯ ಸಬೆರ ಜನ ಎನ್ನನೆ ಯೇಸುನ ನಂಬತೆ ಅಯಿಂಗಡ ಸ್ವಂತ ಜನವಾಯಿತುಳ್ಳ ಯೆಹೂದ್ಯಂಗಡಗುಂಡ್ ಕಷ್ಟಪಟ್ಟತೋ ಅನ್ನನೆ ನಿಂಗಳು ಸಹ, ನಿಂಗಡ ಜನಾಂಗಡಗುಂಡ್ ಕಷ್ಟಪಟ್ಟಿರ.