ಅಪೊಸ್ತಲ 14:25 - ಕೊಡವ ಬೈಬಲ್

²⁵ ಅದ್ಂಗ್ ಕೂಡ್‍ನ ಪೆರ್ಗೆ ಊರ್‌ಲ್ ದೇವಡ ವಾಕ್ಯತ್‍ನ ಪ್ರಸಂಗ ಮಾಡಿತ್, ಪಿಂಞ ಅತಾಲ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 14:25 ပူးပေါင်းရင်းမြစ်များ

ಮಾರ್ಕ 2:2

ಅಂವೊಂಡ ಮನೆಕ್ ದುಂಬ ಜನ ಬಂದಿತ್ ಕೂಡ್‍ಚಿ. ಮನೆರ ಒಳ್‍ಲ್, ಬಾಯಿಕಂಡಿಲ್ ಜನ ದುಂಬ್‌ನಗುಂಡ್ ಪೊರಮೆ ಕಂಡಿಲ್ ಸಹ ಜಾಗ ಇಲ್ಲತಾಚಿ. ಯೇಸು ಅಯಿಂಗಕ್ ದೇವಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2

ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ.

ಅಪೊಸ್ತಲ 13:13

ಅಲ್ಲಿಂಜ ಪೌಲ ಪಿಂಞ ಅಂವೊಂಡ ಕೂಡೆಯಿಂಜ ಎಲ್ಲಾರು ಪಾಫೋಸ್ ಎಣ್ಣುವ ಪಟ್ಟಣತ್‍ನ ಬುಟ್ಟಿತ್ ಸಮುದ್ರ ಮಾರ್ಗವಾಯಿತ್ ಪಂಫುಲ್ಯ ಸೀಮೆಕ್ ಕೂಡ್‍ನ ಪೆರ್ಗೆ ಎಣ್ಣುವ ಪಟ್ಟಣಕ್ ಬಾತ್. ಅಲ್ಲಿಕತ್ತನೆ ಅಯಿಂಗಡ ಕೂಡೆ ಬಂದಂಡಿಂಜ ಯೋಹಾನ ಅಯಿಂಗಳ ಬುಟ್ಟಿತ್ ಪುನಃ ಯೆರೂಸಲೇಮ್‌ಕ್ ವಾಪಸ್ ಪೋಚಿ.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.