ಅಪೊಸ್ತಲ 14:23 - ಕೊಡವ ಬೈಬಲ್

²³ ಇದ್‍ಲ್ಲತೆ ಓರೋರ್ ಸಬೇಲು ಪೆರಿಯಯಿಂಗಳ ನೇಮಿಚಿಟ್ಟಿತ್, ಪಟ್ಟಣಿ ನಿಂದಿತ್ ಪ್ರಾರ್ಥನೆ ಮಾಡಿತ್, ಅಯಿಂಗ ನಂಬ್‍ನ ದೇವಡ ಕೈಕ್ ಅಯಿಂಗಳ ಒಪ್ಪ್‌ಚಿಟ್ಟತ್.

ಅಪೊಸ್ತಲ 14:23 ပူးပေါင်းရင်းမြစ်များ

ಮತ್ತಾಯ 17:21

ಆಚೇಂಗಿ ಈ ತರ ಕೂಳಿ ನಿಂಗಡ ಪ್ರಾರ್ಥನೆ ಪಿಂಞ ಉಪವಾಸತ್ಂಜ ಅಲ್ಲತೆ ಬೋರೆ ವಿಷಯತ್ಂಜ ಬುಟ್ಟ್ ಪೋಪುಲೆ.

ಮಾರ್ಕ 3:14

ಅಕ್ಕ ಅಂವೊ ಪನ್ನೆರಂಡ್ ಜನಳ ಆಯ್ಕೆ ಮಾಡಿತ್, ಅಯಿಂಗಕ್ ಅಪೊಸ್ತಲ ಎಣ್ಣುವ ಪೆದ ಇಟ್ಟತ್. ಅಯಿಂಗ ತಾಂಡಕೂಡೆ ಇಪ್ಪಕು, ಪ್ರಚಾರ ಮಾಡ್‌ವಕು,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:37

ಇಕ್ಕ ಅವಕ್ ಎಂಬತನಾಲ್ ವಯಸಾಯಿತ್ಂಜತ್. ಅವ ಎಲ್ಲಿಯು ಪೋಕತೆ ದೇವಾಲಯತ್‍ಲ್ ವಾಸ ಮಾಡಿಯಂಡ್, ಪೊಲಾಕ ಬೈಟ್ ದೇವನ ಆರಾದನೆ ಮಾಡಿಯಂಡ್, ಪಟ್ಟಣಿ ನಿಂದಂಡ್, ಪ್ರಾರ್ಥನೆ ಮಾಡಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:46

ಪಿಂಞ ಯೇಸು: ಅಪ್ಪ, ನಾಡ ಜೀವತ್‍ನ ನೀಡ ಕೈಯಿಕ್ ಒಪ್ಪ್‌ಚಿಡುವೀಂದ್ ಜೋರಾಯಿತ್ ಕೂತ್ ಕೊಡ್‌ಪಂಜಿ ಜೀವತ್‍ನ ಬುಟ್ಟತ್.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 1:24

ಅಯಿಂಗ ಇನ್ನನೆ ಪ್ರಾರ್ಥನೆ ಮಾಡ್‍ಚಿ. ದೇವ, ನೀಕ್ ಎಲ್ಲಾಡ ಹೃದಯ ಪಿಂಞ ಗೇನ ಗೊತ್ತುಂಡ್,

ಅಪೊಸ್ತಲ 11:30

ಅನ್ನನೆ ಅಯಿಂಗ, ಎಲ್ಲಾನ ಕೂಟಿತ್, ಬಾರ್ನಬ ಪಿಂಞ ಸೌಲಂಡ ಕೂಡೆ, ಯೆರೂಸಲೇಮ್‍ಲ್ ಉಳ್ಳ ಸಬೆರ ಪೆರಿಯಯಿಂಗಕ್ ಈ ಸಹಾಯತ್‍ನ ಕೊಡ್‌ತಿತ್ ಅಯಿಚತ್.

ಅಪೊಸ್ತಲ 14:26

ಅಲ್ಲಿಂಜ ಅಯಿಂಗ ಸಮುದ್ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ಕಡೇಕ್ ಅಂತಿಯೋಕ್ಯಕ್ ಎತ್ತ್‌ಚಿ. ಅಯಿಂಗ ಇಕ್ಕ ನೆರವೇರಿಚಿಟ್ಟಿತುಳ್ಳ ದೇವಡ ಸೇವೆಕಾಯಿತ್ ಜನ ಈ ಜಾಗತ್ಂಜಲೇ ಅಯಿಂಗಳ ದೇವಡ ಕೃಪೆಕ್ ಒಪ್ಪ್‌ಚಿಟ್ಟ್ ಅಯಿ‍ಚಿತ್ಂಜತ್.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:6

ಅಕ್ಕ, ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ ಈ ವಿಷಯತ್‍ನ ಚರ್ಚೆ ಮಾಡ್‌ವಕ್ ಕೂಡಿ ಬಾತ್.

ಅಪೊಸ್ತಲ 20:17

ನಂಗ ಮಿಲೇತಕ್ ಎತ್ತ್‌ನ ಪಿಂಞ, ಪೌಲ ಎಫೆಸ ಪಟ್ಟಣತ್ ಸಬೆರ ಪೆರಿಯಯಿಂಗಳ ತಾಂಡ ಪಕ್ಕ ಬಪ್ಪಕ್ ಎಣ್ಣಿತ್ ಒಬ್ಬನ ಅಯಿಚತ್.

ಅಪೊಸ್ತಲ 20:32

ನಾನ್ ಇಕ್ಕ ನಿಂಗಳ ದೇವಂಗೂ ಅಂವೊಂಡ ಕೃಪೇರ ವಾಕ್ಯ‌ಕೂ ಒಪ್ಪ್‌ಚಿಟ್ಟಿತ್ ಪೋಪಿ. ಈ ಕೃಪೇರ ವಾಕ್ಯ ನಿಂಗಡ ಬಕ್ತಿ ಬೊಳಿವಕು, ಅಂವೊಂಗಾಯಿತ್ ಬೋರೆ ಮಾಡಿತುಳ್ಳ ಪವಿತ್ರವಾನ ಜನಕ್ ಬೆಚ್ಚಿತುಳ್ಳ ಬಾದ್ಯತ್‌ಲ್ ನಿಂಗಕು ಕ್‍ಟ್ಟ್‌ವನೆಕೆ ಮಾಡ್‌ವ.

2 ಕೊರಿಂಥ 8:19

ಅದಲ್ಲತೆ, ಒಡೆಯಂಗ್ ಮಹಿಮೆ ಕ್‍ಟ್ಟುವಕಾಯಿತ್, ನಿಂಗಡ ಮನಸ್ಸ್‌ರ ಆಸೆ ಗೊತ್ತಾಪಕು, ನಂಗಡ ಸೇವೇರ ಮೂಲಕ ಕೂಟ್‍ನ ದಾನತ್‍ರ ಪಣತ್‍ನ ಕೊಂಡ್ ಪೋಪಕ, ನಂಗಡ ಕೂಡೆ ಬಟ್ಟೇಲ್ ಬಪ್ಪಕಾಯಿತು, ಅಂವೊನ ಸಬೆ ಗೊತ್ತ್ ಮಾಡಿತ್ ನೇಮಿಚಿಟ್ಟತ್.

1 ತಿಮೊಥೆಯ 5:1

ವಯಸಾನಯಿಂಗಳ ಎಕ್ಕಾಲು ಜೋರ್ ಮಾಡತೆ, ನೀಡ ಅಪ್ಪಂಗ್ ಎನ್ನನೆ ಮರ್ಯಾದೆಲ್ ಬುದ್ದಿ ಎಣ್ಣ್‌ವಿಯೊ ಅನ್ನನೆ ಅಯಿಂಗಕ್ ಬುದ್ದಿ ಎಣ್ಣ್. ಯೌವನಸ್ತನ ನೀಡ ಸ್ವಂತ ಅಣ್ಣತಮ್ಮಣಂಗಡನೆಕೆ ನೋಟ್.

1 ತಿಮೊಥೆಯ 5:22

ದೇವಡ ಸೇವೇಕ್ ನೇಮಿಚಿಡ್‍ವಕ್ ಏದ್ ಮನುಷ್ಯಂಡ ಮಂಡೆರ ಮೇಲೆ ಅವಸರತ್‌ಲ್ ಕೈ ಬೆಕ್ಕತೆ. ಅನ್ನನೆ ಮಾಡ್‍ಚೇಂಗಿ, ಬೋರೆಯಿಂಗ ಮಾಡ್‌ವ ಪಾಪತ್‍ಲ್ ನೀನ್ ಸಹ ಪಾಲ್‍ದಾರನಾಯಿತ್‌ಪ್ಪಿಯ, ನೀನ್ ಪವಿತ್ರ ಉಳ್ಳಂವೊನಾಯಿತಿರ್.

2 ತಿಮೊಥೆಯ 1:12

ಇದ್ಂಗಾಯಿತ್ ನಾನ್ ಇಕ್ಕ ಕಷ್ಟಪಟ್ಟಂಡ್ ಉಳ್ಳ. ಆಚೇಂಗಿ ನಾಕ್ ಞಾಣ ಆಪುಲೆ, ಎನ್ನಂಗೆಣ್ಣ್‌ಚೇಂಗಿ, ನಾನ್ ದಾಡ ಮೇಲೆ ನಂಬಿಕೆ ಬೆಚ್ಚಿತ್ ಉಂಡ್‍ೕಂದ್ ನಾಕ್ ಗೊತ್ತುಂಡ್. ನಾನ್ ಅಂವೊಂಡ ಪಕ್ಕ ಒಪ್ಪ್‌ಚಿಟ್ಟದ್‍ನ, ಅಂವೊ ಆ ದಿನಕತ್ತನೆ ಕಾಪಾಡ್‌ವಕ್ ಶಕ್ತಿ ಉಳ್ಳಂವೊನಾಯಿತುಂಡ್‍ೕಂದ್ ನಾನ್ ದೃಡವಾಯಿತ್ ನಂಬಿತುಳ್ಳ.

2 ತಿಮೊಥೆಯ 2:2

ಎಚ್ಚಕೋ ಸಾಕ್ಷಿರ ಮಿಂಞತ್, ನಾನ್ ಮಾಡ್‍ನ ಬೋದನೇನೆಲ್ಲ ಕ್‍ೕಟ ನೀನ್, ಅದ್‍ನ, ಬೋರೆಯಿಂಗಕ್ ಪಡಿಪ್‍ಚಿಡ್‍ವಕ್ ಯೋಗ್ಯವಾನ ನಂಬಿಕಸ್ತಂಡ ಪಕ್ಕ ಒಪ್ಪ್‌ಚಿಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:5

ನಂಗ ಕ್ರೇತ ದ್ವೀಪತ್‍ಲ್ ಮಾಡಿಯಂಡಿಂಜ ದೇವಡ ಸೇವೇನ ಪೂರ್ತಿಮಾಡ್‌ವಕಾಯಿತು, ನಾನ್ ನೀಕ್ ಎಣ್ಣ್‌ನನೆಕೆ ಪಟ್ಟಣತ್ಂಜ ಪಟ್ಟಣಕ್ ಸಬೆರ ಪೆರಿಯಯಿಂಗಳ ನೇಮಿಚಿಡ್‌ವಕಾಯಿತು ನಾನ್ ನಿನ್ನ ಅಲ್ಲಿ ಬುಟ್ಟಿತ್ ಬಂದಿಯೆ.

ಯಾಕೋಬ 5:14

ನಿಂಗಡಲ್ಲಿ ದಾರ್‌ಕೇಂಗಿಯು ಸೌಕ್ಯ ಇಲ್ಲತೆ ಪೋಯಿತ್ಂಜತೇಂಗಿ, ಅಂವೊ ಸಬೆರ ಪೆರಿಯಯಿಂಗಳ ಕಾಕಡ್; ಅಯಿಂಗ ಒಡೆಯಂಡ ಪೆದತ್‍ಲ್ ಆ ಮನುಷ್ಯಂಗ್ ಎಣ್ಣೆ ಉದ್ದುವಂಜಿ ಪ್ರಾರ್ಥನೆ ಮಾಡಡ್.

1 ಪೇತ್ರ 5:1

ನಿಂಗಡಲ್ಲಿ ಉಳ್ಳ ಪೆರಿಯಯಿಂಗಕ್ ಮೂಪನಾಯಿತು, ಕ್ರಿಸ್ತಂಡ ಕಷ್ಟಕ್ ಸಾಕ್ಷಿಯಾಯಿತು, ಇಂಞು ಮಿಂಞಕ್ ಬಪ್ಪಕುಳ್ಳ ಮಹಿಮೇಕ್ ಪಾಲ್‍ದಾರನಾಯಿತು ಇಪ್ಪ ನಾನ್ ನಿಂಗಕ್ ಬೋಡ್‍ವದ್ ಎಂತ ಎಣ್ಣ್‌ಚೇಂಗಿ:

1 ಪೇತ್ರ 5:10

ಯೇಸು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ನಂಗಳ ತಾಂಡ ನಿತ್ಯ ಮಹಿಮೇಕ್ ಕಾಕ್‍ನ ಕೃಪೆ ದುಂಬ್‍ನ ದೇವ, ಚೆನ್ನ ಕಾಲ ಕಷ್ಟ ಅನುಬವಿಚಿಡುವ ನಿಂಗಳ ಚಾಯಿ ಮಾಡಿತ್, ಬಲಪಡ್‍ತಿತ್, ಸ್ತಿರಪಡ್‌ತಿತ್, ನಿಪ್ಪ್‌ಚಿಡಡ್.

2 ಯೋಹಾನ 1:1

ಮೂಪನಾನ ನಾನ್ ನೇರಾಯಿತ್ ಪ್ರೀತಿಚಿಡ್‍ವ ದೇವ ಗೊತ್ತ್ ಮಾಡ್‍ನ ಪ್ರೀತಿರ ಅವ್ವಂಗ್ ಪಿಂಞ ಅವಡ ಮಕ್ಕಕ್ ಒಳ್‍ದ್‍ವ ಕಾಗದ. ನಾನ್ ಒಬ್ಬ ಮಾತ್ರ ಅಲ್ಲ, ಆಚೇಂಗಿ ನೇರಾನ ಸತ್ಯ ಗೊತ್ತುಳ್ಳ ಎಲ್ಲಾರು ನಿಂಗಳ ಪ್ರೀತಿ ಮಾಡ್‌ವ.

3 ಯೋಹಾನ 1:1

ಮೂಪನಾನ ನಾನ್, ನೇರಾಯಿತ್ ಪ್ರೀತಿಚಿಡುವ ಪ್ರಿಯ ಗಾಯಂಗ್ ಒಳ್‍ದ್‍ವದ್ ಎಂತ ಎಣ್ಣ್‌ಚೇಂಗಿ,