ಅಪೊಸ್ತಲ 14:21 - ಕೊಡವ ಬೈಬಲ್

²¹ ಆ ಪಟ್ಟಣತ್‍ಲ್ ಅಯಿಂಗ ನಲ್ಲ ಸುದ್ದಿನ ಪ್ರಚಾರ ಮಾಡಿತ್, ದುಂಬ ಜನಳ ಶಿಷ್ಯಂಗಳಾಯಿತ್ ಮಾಡ್‍ನ ಪಿಂಞ, ಅಲ್ಲಿಂಜ ಪುನಃ ಲುಸ್ತ್ರಕ್, ಇಕೋನ್ಯಕ್, ಅಂತಿಯೋಕ್ಯಕ್ ಬಂದಿತ್:

ಅಪೊಸ್ತಲ 14:21 ပူးပေါင်းရင်းမြစ်များ

ಮತ್ತಾಯ 28:19

ಆನಗುಂಡ್ ನಿಂಗ ಪೋಯಿತ್, ಎಲ್ಲಾ ದೇಶತ್‍ರ ಜನತ್‍ನ ನಾಡ ಶಿಷ್ಯಂಗಳಾಯಿತ್ ಮಾಡಿ. ಅಯಿಂಗಕ್ ಅಪ್ಪ, ಮೋಂವೊ ಪಿಂಞ ಪವಿತ್ರಾತ್ಮಂಡ ಪೆದತ್‍ಲ್ ದೀಕ್ಷಾಸ್ನಾನ ಕೊಡಿ.

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 13:51

ಈಂಗ ತಂಗಡ ಕಾಲ್‌ಲ್ ಉಳ್ಳ ದೂಳ್‍ನ, ಅಯಿಂಗಕ್ ವಿರೋದವಾಯಿತ್ ಕೊಡ್‍ಕಿತ್, ಇಕೋನ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:26

ಅಲ್ಲಿಂಜ ಅಯಿಂಗ ಸಮುದ್ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ಕಡೇಕ್ ಅಂತಿಯೋಕ್ಯಕ್ ಎತ್ತ್‌ಚಿ. ಅಯಿಂಗ ಇಕ್ಕ ನೆರವೇರಿಚಿಟ್ಟಿತುಳ್ಳ ದೇವಡ ಸೇವೆಕಾಯಿತ್ ಜನ ಈ ಜಾಗತ್ಂಜಲೇ ಅಯಿಂಗಳ ದೇವಡ ಕೃಪೆಕ್ ಒಪ್ಪ್‌ಚಿಟ್ಟ್ ಅಯಿ‍ಚಿತ್ಂಜತ್.

ಅಪೊಸ್ತಲ 14:6

ಅಪೊಸ್ತಲಂಗ ಇದ್‍ನ ಅರಿಂಜಂಡ್ ಲುಕವೋನ್ಯ ಸೀಮೆರ ಲುಸ್ತ್ರ ಪಿಂಞ ದೆರ್ಬೆ ಪಟ್ಟಣತ್‍ರ ಪಕ್ಕ ಓಡಿ ಪೋಯಿತ್,

ಅಪೊಸ್ತಲ 14:7

ಅಲ್ಲಿಯತ್‍ರ ಜನಕ್ ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‍ಚಿ.

ಅಪೊಸ್ತಲ 14:8

ಲುಸ್ತ್ರತ್‍ಲ್ ಒರ್ ಮನುಷ್ಯ ಇಂಜತ್. ಅಂವೊ ಪುಟ್ಟ್‌ವಯಿಂಜಲೆ ಕುಂಟನಾಯಿತ್, ಅಂವೊಂಡ ಕಾಲ್‍ರ ಅಡಿಲ್ ಊಣನಾಯಿತ್, ಇಲ್ಲಿಕತ್ತನೆ ನಡ್‍ಕತಂವೊನಾಯಿತ್ ಅಲ್ಲಿ ಅಳ್‍ತಂಡಿಂಜತ್.

ಅಪೊಸ್ತಲ 15:36

ಚೆನ್ನ ದಿವಸ ಆನ ಪಿಂಞ ಪೌಲ, ಬಾರ್ನಬನ ನೋಟಿತ್: ನಂಗ ದೇವಡ ನಲ್ಲ ಸುದ್ದಿನ ಎಣ್ಣಿತುಳ್ಳ ಊರುಕೆಲ್ಲಾ ಪುನಃ ಪೋಯಿತ್ ಅಲ್ಲಿ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚ ಅಣ್ಣತಮ್ಮಣಂಗ ಎನ್ನನೆ ಉಂಡ್‍ೕಂದ್ ನೋಟನ ಬಾಂದ್ ಎಣ್ಣ್‌ಚಿ.

ಅಪೊಸ್ತಲ 16:2

ಲುಸ್ತ್ರ ಪಿಂಞ ಇಕೋನ್ಯ ಪಟ್ಟಣತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ತಿಮೊಥೆಯಂಗ್ ನಲ್ಲ ಸಾಕ್ಷಿ ಕೊಡ್‌ತಿತ್ಂಜತ್.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.