ಅಪೊಸ್ತಲ 14:18 - ಕೊಡವ ಬೈಬಲ್

¹⁸ ಅಯಿಂಗ ಇದ್‍ನೆಲ್ಲ ಎಣ್ಣ್‌ಚೇಂಗಿಯು, ಜನ ಅಯಿಂಗಕ್ ಬಲಿ ಕೊಡ್‍ಕತನೆಕೆ ತಡ್‍ಪಕ್ ಕಷ್ಟವಾಯಿತ್ಂಜತ್.

ಅಪೊಸ್ತಲ 14:18 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:6

ಪಿಂಞ ಯೆಹೋವ: ನೋಟ್! ಈಂಗೆಲ್ಲಾ ಒರೇ ಜನವಾಯಿತ್‌ ಒರೇ ತಕ್ಕ್‌ ಪರ್‌ಂದಂಡ್‌ ಇದ್‌ನ ಮಾಡ್‌ವಕ್‌ ಸುರು ಮಾಡಿತುಂಡ್. ಇಂಞು, ಅಯಿಂಗ ಗೇನ ಮಾಡ್‌ನದ್‌ನ ಮಾಡವಕ್‌ ಅಯಿಂಗಕ್‌ ಅಸಾದ್ಯವಾನದ್‌ ಒಂದೂ ಇಪ್ಪುಲೆಂದ್‌ ಗೇನಮಾಡಿಯಂಡುಂಡ್.

ಆದ್ಯತ್‌ರ ಪುಸ್ತಕ 19:9

ಅದ್‌ಂಗ್‌ ಅಯಿಂಗ: ನಂಗಕ್‌ ಬಟ್ಟೆ ಬುಡ್. ಇಂವೊ ನಂಗಡಲ್ಲಿಕ್‌ ಪರದೇಶಿಯಾಯಿತ್‌ ಬಾತ್. ಇಕ್ಕ ಇಂವೊ ನಂಗಕ್‌ ನ್ಯಾಯ ತಕ್ಕ್‌ ಪರಿಯುವಕ್‌ ಬಂದಂಡುಂಡ್. ಇಕ್ಕ ಅಯಿಂಗಕ್‌ ಮಾಡುವ ಕ್‍ೕಡ್‌ಕಿಂಜ ನೀಕ್‌ ದುಂಬ ಕ್‍ೕಡ್‌ ಮಾಡ್‌ವಾಂದ್‌ ಎಣ್ಣಿತ್, ಲೋಟನ ತಳ್ಳಿಯಂಡ್‌ ಮನೆರ ಪಡಿನ ಒಡೆಪಕ್‌ ಬಾತ್.

ಮತ್ತಾಯ 13:15

ಈ ಜನ ಕಣ್ಣಿಂಜ ಕಾಂಗತೆಯು, ಕೆಮಿಯಿಂಜ ಕ್‍ೕಕತೆಯು, ಹೃದಯತ್ಂಜ ಅರ್ಥ ಆಕತೆ ಅಯಿಂಗಡ ಮನಸ್ಸ್ ಬದ್‍ಲಾಕತೆ, ನಾನ್ ಅಯಿಂಗಳ ವಾಸಿ ಮಾಡತೆ ಇಪ್ಪನೆಕೆ ಅಯಿಂಗಡ ಹೃದಯ ಕಠಿಣವಾಯಿತು, ಕೆಮಿ ಕ್‍ೕಪಾನ ನಿಪ್ಪ್‌ಚಿಟ್ಟಿತು, ಕಣ್ಣ್‌ನ ಮುಚ್ಚಿತ್ ಉಂಡ್.

ಯೋಹಾನ 6:15

ಅಕ್ಕ, ಎಲ್ಲಾ ಜನಳು ಬಂತ್ ಅಂವೊನ ರಾಜನಾಯಿತ್ ಮಾಡ್‌ವಕ್ ಒತ್ತಾಯ ಮಾಡಿತ್ ಪುಡ್‍ಚಂಡ್ ಪೋಪಾಂದ್ ಗೊತ್ತಾನಗುಂಡ್, ಅಂವೊ ಪುನಃ ಒಬ್ಬನಾಯಿತೇ ಕುಂದ್‌ಕ್ ಪೋಚಿ.

ಅಪೊಸ್ತಲ 14:17

ಅಂವೊ ತಾಂಡ ವಿಷಯತ್‍ಲ್ ಸಾಕ್ಷಿ ಕೊಡ್‍ಕತೆ ಇಂಜಿತ್‌ಲ್ಲೆ. ಅಂವೊ ನಲ್ಲದ್‍ನ ಮಾಡಿತ್, ಬಾನತ್ಂಜ ಮಳೇನ ತಪ್ಪಂಜಿ, ನಂಗಕ್ ಚಾಯಿ ಬೊಳೆನ ತಂದಿತ್, ತಿಂಬಕ್ ತಂದಿತ್, ಮನಸ್ಸ್‌ನ ಕುಶೀಲ್ ದುಂಬ್‍ಚಿಟ್ಟತ್‍ೕಂದ್ ಅಯಿಂಗ ಎಣ್ಣ್‌ಚಿ.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.