ಅಪೊಸ್ತಲ 14:17 - ಕೊಡವ ಬೈಬಲ್

¹⁷ ಅಂವೊ ತಾಂಡ ವಿಷಯತ್‍ಲ್ ಸಾಕ್ಷಿ ಕೊಡ್‍ಕತೆ ಇಂಜಿತ್‌ಲ್ಲೆ. ಅಂವೊ ನಲ್ಲದ್‍ನ ಮಾಡಿತ್, ಬಾನತ್ಂಜ ಮಳೇನ ತಪ್ಪಂಜಿ, ನಂಗಕ್ ಚಾಯಿ ಬೊಳೆನ ತಂದಿತ್, ತಿಂಬಕ್ ತಂದಿತ್, ಮನಸ್ಸ್‌ನ ಕುಶೀಲ್ ದುಂಬ್‍ಚಿಟ್ಟತ್‍ೕಂದ್ ಅಯಿಂಗ ಎಣ್ಣ್‌ಚಿ.

ಅಪೊಸ್ತಲ 14:17 ပူးပေါင်းရင်းမြစ်များ

ಮತ್ತಾಯ 5:45

ಅನ್ನನೆ ಮಾಡ್‍ಚೇಂಗಿ ನಿಂಗ ಪರಲೋಕತ್‍ಲ್ ಉಳ್ಳ ದೇವಡ ಮಕ್ಕಡನೆಕೆ ನಡ್‍ಪಿರ. ಅಂವೊ ನಲ್ಲಯಿಂಗಕು ಕೆಟ್ಟಯಿಂಗಕೂ ಸೂರ್ಯತ್‍ನ ಉದಿಪ್‍ಚಿಟ್ಟಿತ್ ಬೊಳಿನ ಕೊಡ್‍ಪ ಪಿಂಞ ನೀತಿವಂತಯಿಂಗಕು ಅನೀತಿವಂತಯಿಂಗಕು ಮಳೆ ತಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:35

ಆಚೇಂಗಿ ನಿಂಗ ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಲ್ಲದ್ ಮಾಡಿ, ಪುನಃ ನಂಗಕ್ ಕ್‍ಟ್ಟ್‌ವಾಂದ್ ಬಯಂದತೆ, ಅಯಿಂಗಕ್ ಸಾಲ ಕೊಡಿ, ಅಕ್ಕ ನಿಂಗಡ ಫಲ ಬಲ್ಯದಾಯಿತಿಪ್ಪ ಪಿಂಞ ನಿಂಗ ದೇವಾದಿ ದೇವಡ ಮಕ್ಕಳಾಯಿತ್‌ಪ್ಪಿರ. ಎನ್ನಂಗೆಣ್ಣ್‌ಚೇಂಗಿ ಅಂವೊ ಕೆಟ್ಟ ಜನಕ್ ಪಿಂಞ ದುಷ್ಟಯಿಂಗಕ್ ನಲ್ಲದ್ ಮಾಡಿಯಂಡುಂಡ್.

ಅಪೊಸ್ತಲ 14:18

ಅಯಿಂಗ ಇದ್‍ನೆಲ್ಲ ಎಣ್ಣ್‌ಚೇಂಗಿಯು, ಜನ ಅಯಿಂಗಕ್ ಬಲಿ ಕೊಡ್‍ಕತನೆಕೆ ತಡ್‍ಪಕ್ ಕಷ್ಟವಾಯಿತ್ಂಜತ್.

ಅಪೊಸ್ತಲ 17:26

ದೇವ, ಒರ್ ಮನುಷ್ಯಂಡ ಮೂಲಕ ಎಲ್ಲಾ ಜನಳ ಪುಟ್ಟ್‌ಚಿಟ್ಟಿತ್ ಅಯಿಂಗಳೆಲ್ಲ ಈ ಲೋಕತ್‍ಲ್ ಬೋರೆ ಬೋರೆ ಜಾಗತ್‍ಲ್ ಬಪ್ಪ್‌ಚಿಟ್ಟತ್. ಅಯಿಂಗಡ ಕಾಲತ್‍ನ ಪಿಂಞ ವಾಸ ಮಾಡ್‌ವಂತ ಜಾಗತ್‍ನ ಮಿಂಞಲೇ ತೀರ್ಮಾನ ಮಾಡಿ ಬೆಚ್ಚತ್.

1 ತಿಮೊಥೆಯ 6:17

ಈ ಲೋಕತ್‍ಲ್ ಐಶ್ವರ್ಯತ್‍ಲ್ ಉಳ್ಳಯಿಂಗ ಗರ್ವತ್‍ಲ್ ಇಕ್ಕತನೆಕೆ ಪಿಂಞ ಸ್ತಿರಯಿಲ್ಲತ ಅಯಿಂಗಡ ಐಶ್ವರ್ಯತ್‍ರ ಮೇಲೆ ನಂಬಿಕೆ ಬೆಕ್ಕತನೆಕೆ ಅಯಿಂಗಕ್ ಆಜ್ಞೆ ಮಾಡ್. ಅದ್ಂಡ ಬದ್‍ಲ್, ನಂಗ ಅನುಬವಿಚಿಡ್‍ವಕ್, ಎಲ್ಲಾ ನಲ್ಲದ್‍ನ ನಂಗಕ್ ಪೂರ್ತಿಲ್ ಕೊಡ್‍ಪ ಜೀವವುಳ್ಳ ದೇವಡ ಮೇಲೆ ನಂಬಿಕೆ ಬೆಪ್ಪಕ್ ಎಚ್ಚರ ಮಾಡ್.