ಅಪೊಸ್ತಲ 14:11 - ಕೊಡವ ಬೈಬಲ್

¹¹ ಪೌಲ ಮಾಡ್‍ನದ್‍ನ ಅಲ್ಲಿ ಕೂಡಿತ್ಂಜ ಜನಡ ಗುಂಪ್ ಕಾಂಬಕ, ದೇವ ಮನುಷ್ಯಂಗಡ ರೂಪತ್‌ಲ್ ನಂಗಡ ಮದ್ಯತ್‍ಲ್ ಇಳ್ಂಜಿ ಬಂದಿತ್ತುಂಡ್‍ೕಂದ್ ಲುಕವೋನ್ಯ ಬಾಷೆಲ್ ಜೋರಾಯಿತ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 14:11 ပူးပေါင်းရင်းမြစ်များ

ಅಪೊಸ್ತಲ 12:22

ಅಲ್ಲಿ ಕೂಡಿತ್ಂಜ ಜನ: ಇದ್ ಮನುಷ್ಯಂಡ ತಕ್ಕ್ ಅಲ್ಲ, ಇದ್ ದೇವಡ ತಕ್ಕ್‍ೕಂದ್ ಜೋರಾಯಿತ್ ಕೂತ್ ಕೊಡ್‍ತತ್.

ಅಪೊಸ್ತಲ 14:12

ಬಾರ್ನಬನ ಅಯಿಂಗಡ ಮುಕ್ಯ ದೇವ ಯೂಪಿತರ್‍ೕಂದು, ಪೌಲ ಬೋದನೆ ಮಾಡ್‍ನಗುಂಡ್, ಅಂವೊನ, ದೇವಡ ವಿಷಯತ್ ತಕ್ಕ್ ಪರಿಯುವ ದೇವ ಮೆರ್ಕುರೀಂದು ಕಾಕ್‍ಚಿ.

ಅಪೊಸ್ತಲ 14:6

ಅಪೊಸ್ತಲಂಗ ಇದ್‍ನ ಅರಿಂಜಂಡ್ ಲುಕವೋನ್ಯ ಸೀಮೆರ ಲುಸ್ತ್ರ ಪಿಂಞ ದೆರ್ಬೆ ಪಟ್ಟಣತ್‍ರ ಪಕ್ಕ ಓಡಿ ಪೋಯಿತ್,

ಅಪೊಸ್ತಲ 28:6

ಆ ಜನ, ಅಂವೊಂಗ್ ಪುಡ್‍ಪಿತ್ ಅಥವ ಬೆರಿಯ ಬುದ್ದಿತ್ ಚತ್ತ್ ಪೋಪಾಂದ್ ಪಾರಕಾತಂಡ್ ಇಂಜತ್. ದುಂಬ ಸಮಯ ನೋಟ್‌ನ ಪಿಂಞ, ಅಂವೊಂಗ್ ಒಂದು ಆಯಿತ್‌ಲ್ಲೇಂದ್ ಕಂಡಿತ್ ಬೋರೆ ತರ ಗೇನ ಮಾಡಿತ್, ಇಂವೊ ಒರ್ ದೇವಾಂದ್ ಎಣ್ಣ್‌ಚಿ.

ಅಪೊಸ್ತಲ 8:10

ಆ ಪಟ್ಟಣತ್‍ಲ್ ಇಂಜ ಚೆರಿಯಯಿಂಗ ಬಲ್ಯಯಿಂಗ ಎಲ್ಲಾರು ಅಂವೊ ಎಣ್ಣ್‌ವಾನ ಕ್‍ೕಟಂಡಿಂಜತ್. ಇಂವೊ ಮನುಷ್ಯಂಗಕ್ ಕಯ್ಯತದ್‍ನೆಲ್ಲ ಮಾಡಿಯಂಡುಂಡ್, ಆನಗುಂಡ್ ಇಂವೊಂಡ ಕೂಡೆ ದೇವಡ ಬಲ್ಯ ಶಕ್ತಿ ಉಂಡ್‍ೕಂದ್ ಎಣ್ಣಿಯಂಡಿಂಜತ್.