ಅಪೊಸ್ತಲ 14:1 - ಕೊಡವ ಬೈಬಲ್

¹ ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 14:1 ပူးပေါင်းရင်းမြစ်များ

ಮಾರ್ಕ 7:26

ಅವ ಸಿರಿಯ ದೇಶತ್‍ರ ಪೊಯಿನಿಕ ಪ್ರಾಂತ್ಯತ್‌ಳುಲ್ಲ ಗ್ರೀಕ್ ತಕ್ಕ್ ಪರಿಯುವ ಪೊಣ್ಣಾಳಾಯಿತ್ಂಜತ್. ಅವ, ನಾಡ ಮೋವಳ ಪುಡ್‌ಚಿತುಳ್ಳ ಕೂಳಿನ ಬುಡ್‍ತಿ ಎಣ್ಣಿಯಂಡ್ ಬೋಡಿಯಂಡತ್.

ಯೋಹಾನ 12:20

ಆ ನಮ್ಮೆರ ಸಮಯತ್‍ಲ್ ಯೆರೂಸಲೇಮ್ ದೇವಾಲಯತ್‍ಲ್ ಆರಾದನೆ ಮಾಡ್‌ವಕ್ ಬಂದಿತ್ಂಜ ಚೆನ್ನ ಗ್ರೀಕ್ ತಕ್ಕ್ ಪರಿಯುವ ಜನ ಇಂಜತ್.

ಯೋಹಾನ 7:35

ಯೆಹೂದ್ಯ ಅದಿಕಾರಿಯಂಗ ಇದ್‍ನ ಕ್‍ೕಪಕ: ಇಂವೊ ನಂಗ ಕಾಂಗತನೆಕೆ ಎಲ್ಲಿಕ್ ಪೋಪ? ಗ್ರೀಕ್ ರಾಜ್ಯತ್‍ಲ್ ಚದ್‌ರಿ ಪೋಯಿತುಳ್ಳ ನಂಗಡ ಜನತ್‍ರ ಪಕ್ಕ ಪೋಯಿತ್ ಅಲ್ಲಿ ಉಳ್ಳ ಯೆಹೂದ್ಯ ಅಲ್ಲತಯಿಂಗಕ್ ಬೋದನೆ ಮಾಡ್‌ವೋ?

ಅಪೊಸ್ತಲ 11:21

ದೇವಡ ಶಕ್ತಿ ಅಯಿಂಗಡ ಕೂಡೆ ಇಂಜತ್. ಬಲ್ಯ ಜನಡ ಗುಂಪ್ ನಂಬಿತ್, ಒಡೆಯಂಡ ಪಕ್ಕ ತಿರ್‍ಗ್‍ಚಿ.

ಅಪೊಸ್ತಲ 13:43

ಸಬಾಮಂದಿತ್‍ಲ್ ಕೂಡ್‍ನ ಜನ ಪೋನ ಪಿಂಞ, ಚೆನ್ನ ಯೆಹೂದ್ಯಂಗ ಪಿಂಞ ಯೆಹೂದ್ಯ ನಂಬಿಕೇಕ್ ಬಂದ ಬಕ್ತಿಯುಳ್ಳಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಟ್‍ಕ್ ಕೂಡ್‍ಚಿ. ಈಂಗ ಅಯಿಂಗಡ ಕೂಡೆ ತಕ್ಕ್ ಪರ್ಂದಂಡ್, ದೇವಡ ಕೃಪೇಲ್ ಸ್ತಿರವಾಯಿತ್ ನಿಪ್ಪಕ್ ಅಯಿಂಗಕ್ ಆಲೋಚನೆ ಕೊಡ್‍ತತ್.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:5

ಅಯಿಂಗ ಸಲಮಿಸ್ ಪಟ್ಟಣಕ್ ಬಂದಿತ್, ಅಲ್ಲಿ ಇಂಜ ಯೆಹೂದ್ಯಂಗಡ ಸಬಾಮಂದಿರತ್‍ಲ್ ದೇವಡ ವಾಕ್ಯತ್‍ನ ಬೋದನೆ ಮಾಡ್‍ಚಿ. ಅಯಿಂಗಡ ಸೇವೇಲ್ ಸಹಾಯ ಮಾಡ್‌ವಕ್ ಯೋಹಾನ ಎಣ್ಣುವ ಮಾರ್ಕ ಅಯಿಂಗಡ ಕೂಡೆ ಇಂಜತ್.

ಅಪೊಸ್ತಲ 13:51

ಈಂಗ ತಂಗಡ ಕಾಲ್‌ಲ್ ಉಳ್ಳ ದೂಳ್‍ನ, ಅಯಿಂಗಕ್ ವಿರೋದವಾಯಿತ್ ಕೊಡ್‍ಕಿತ್, ಇಕೋನ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 14:21

ಆ ಪಟ್ಟಣತ್‍ಲ್ ಅಯಿಂಗ ನಲ್ಲ ಸುದ್ದಿನ ಪ್ರಚಾರ ಮಾಡಿತ್, ದುಂಬ ಜನಳ ಶಿಷ್ಯಂಗಳಾಯಿತ್ ಮಾಡ್‍ನ ಪಿಂಞ, ಅಲ್ಲಿಂಜ ಪುನಃ ಲುಸ್ತ್ರಕ್, ಇಕೋನ್ಯಕ್, ಅಂತಿಯೋಕ್ಯಕ್ ಬಂದಿತ್:

ಅಪೊಸ್ತಲ 16:1

ಅಲ್ಲಿಂಜ ಪೌಲ ದೆರ್ಬೆ ಪಿಂಞ ಲುಸ್ತ್ರ ಎಣ್ಣ್‌ವ ಜಾಗಕ್ ಬಾತ್. ಅಲ್ಲಿ ತಿಮೊಥೆಯ ಎಣ್ಣುವ ಯೇಸುನ ನಂಬ್‍ನ ಒಬ್ಬ ಇಂಜತ್; ಅಂವೊಂಡ ಅವ್ವ ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಒರ್ ಯೆಹೂದ್ಯ ಪೊಣ್ಣಾಳಾಯಿತ್ಂಜತ್, ಆಚೇಂಗಿ ಅಂವೊಂಡ ಅಪ್ಪ ಗ್ರೀಕ್ ಜನಕ್ ಕೂಡ್‍ನಂವೊನಾಯಿತ್ಂಜತ್.

ಅಪೊಸ್ತಲ 16:2

ಲುಸ್ತ್ರ ಪಿಂಞ ಇಕೋನ್ಯ ಪಟ್ಟಣತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ತಿಮೊಥೆಯಂಗ್ ನಲ್ಲ ಸಾಕ್ಷಿ ಕೊಡ್‌ತಿತ್ಂಜತ್.

ಅಪೊಸ್ತಲ 17:12

ಅಯಿಂಗ ಅನ್ನನೆ ಮಾಡ್‍ನ ಫಲವಾಯಿತ್, ಅಯಿಂಗಡಲ್ಲಿ ದುಂಬ ಯೆಹೂದ್ಯಂಗ ಪಿಂಞ ದುಂಬ ಯೆಹೂದ್ಯಂಗಲ್ಲತ ಜನಾಂಗತ್‍ರ ಮುಕ್ಯಪಟ್ಟ ಪೊಣ್ಣಾಳುವ ಪಿಂಞ ಆಣಾಳುವ ಕ್ರಿಸ್ತನ ನಂಬ್‍ಚಿ.

ಅಪೊಸ್ತಲ 17:17

ಆನಗುಂಡ್, ಅಂವೊ ಸಬಾಮಂದಿರಕ್ ಪೋಯಿತ್ ಅಲ್ಲಿಂಜ ಯೆಹೂದ್ಯಂಗಡ ಕೂಡೆಯು, ಯೆಹೂದ್ಯ ಅಲ್ಲತಯಿಂಗ ದೇವನ ಆರಾದನೆ ಮಾಡ್‌ವ ಜನಡ ಕೂಡೆಯು ಪಿಂಞ ದಿನಾಲು ಪೇಟೇಲ್ ಕಾಂಬಯಿಂಗಡ ಕೂಡೆಯೆಲ್ಲ ಚರ್ಚೆ ಮಾಡಿಯಂಡಿಂಜತ್.

ಅಪೊಸ್ತಲ 17:4

ಅಕ್ಕ, ಚೆನ್ನ ಯೆಹೂದ್ಯಂಗ ಪೌಲ ಎಣ್ಣುವದ್ ನಂಬುವನೆಕೆ ಇಂಜಗುಂಡ್, ಪೌಲ ಪಿಂಞ ಸೀಲಂಡ ಕೂಡೆ ಕೂಡಿಯಂಡತ್. ಅಲ್ಲಿ ದೇವನ ಆರಾದನೆ ಮಾಡಿಯಂಡಿಂಜ ದುಂಬ ಯೆಹೂದ್ಯಂಗಲ್ಲತ ಜನಳು, ಸುಮಾರ್ ಮಕ್ಯಪಟ್ಟ ಪೊಣ್ಣಾಳುವಳು, ಪೌಲ ಪಿಂಞ ಸೀಲಂಡ ಕೂಟ್‍ಕ್ ಕೂಡಿಯಂಡತ್.

ಅಪೊಸ್ತಲ 18:4

ಎಲ್ಲಾ ಸಬ್ಬತ್ ದಿವಸತ್‍ಲ್ ಸಬಾಮಂದಿರತ್‍ಲ್ ಚರ್ಚೆ ಮಾಡಿತ್ ಯೆಹೂದ್ಯಂಗಕು ಯೆಹೂದ್ಯ ಅಲ್ಲತಯಿಂಗಕು ಯೇಸು ಕ್ರಿಸ್ತಂಡ ವಿಷಯತ್‍ನ ದೃಡವಾಯಿತ್ ಸಾಕ್ಷಿ ಎಣ್ಣಿಯಂಡಿಂಜತ್.

ಅಪೊಸ್ತಲ 18:8

ಸಬಾಮಂದಿರತ್‍ರ ಅದ್ಯಕ್ಷನಾಯಿತ್ಂಜ ಕ್ರಿಸ್ಪ ಎಣ್ಣ್‌ವಂವೊ ತಾಂಡ ಮನೆಕಾರಂಗ ಎಲ್ಲಾಡ ಕೂಡೆ ಒಕ್ಕಚೆ, ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್. ಕೊರಿಂಥ ಪಟ್ಟಣಕ್ ಕೂಡ್‍ನ ದುಂಬ ಜನಳು, ಕ್ರಿಸ್ತಂಡ ಸುದ್ದಿನ ಕ್‍ೕಟಿತ್, ನಂಬಿತ್, ದೀಕ್ಷಾಸ್ನಾನ ಎಡ್‍ತಂಡತ್.

ಅಪೊಸ್ತಲ 19:10

ಇನ್ನನೆ ದಂಡ್ ಕಾಲಕ್ ನಡ್ಂದಗುಂಡ್ ಆಸ್ಯ ಸೀಮೆಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗ ಪಿಂಞ ಯೆಹೂದ್ಯಂಗ ಅಲ್ಲತ ಜನ ಎಲ್ಲಾರು ಒಡೆಯಂಡ ಬೋದನೆನ ಕ್‍ೕಟತ್.

ಅಪೊಸ್ತಲ 19:17

ಆ ಸುದ್ದಿ ಎಫೆಸತ್‍ಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗಕೂ ಯೆಹೂದ್ಯ ಅಲ್ಲತಯಿಂಗಕೂ ಗೊತ್ತಾಯಿತ್ ಅಯಿಂಗಕೆಲ್ಲ ಪೋಡಿ ಆಚಿ. ಒಡೆಯನಾನ ಯೇಸುರ ಪೆದ ಗನಪಟ್ಟತ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ಅಪೊಸ್ತಲ 20:21

ಪಾಪತ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಕಂಡಿತವಾಯಿತ್ ತಿರ್‍ಗಂಡೂಂದು, ಒಡೆಯನಾನ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಇಡಂಡೂಂದು, ಯೆಹೂದ್ಯಂಗಕು ಯೆಹೂದ್ಯ ಅಲ್ಲತ ಜನಕು ಸಾಕ್ಷಿಯಾಯಿತ್ ಬೋದನೆ ಮಾಡ್‍ನಂವೊನಾಯಿತ್ಂಜ್.

ಅಪೊಸ್ತಲ 21:28

ಅಯಿಂಗ ಬಲ್ಯ ಸ್ವರತ್‍ಲ್: ಇಸ್ರಾಯೇಲ್ ಜನಳೇ, ಸಹಾಯ ಮಾಡಿ, ನಂಗಡ ಜನಾಂಗಕು ನ್ಯಾಯಪ್ರಮಾಣಕು ಈ ದೇವಾಲಯಕು ವಿರೋದವಾಯಿತ್ ಎಲ್ಲಾ ಜಾಗತ್‍ಲ್ ಪಿಂಞ ಎಲ್ಲಾ ಜನಕ್ ಬೋದನೆ ಮಾಡ್‌ವ ಮನುಷ್ಯ ಇಂವೊನೇ; ಇದ್‍ಲ್ಲತೆ, ಇಂವೊ ಯೆಹೂದ್ಯ ಅಲ್ಲತ ಜನತ್‍ನ ದೇವಾಲಯತ್‍ರ ಒಳ್‍ಕ್ ಕೂಟಿಯಂಡ್ ಬಂದಿತ್, ಈ ಪವಿತ್ರವಾನ ದೇವಾಲಯತ್‍ನ ಅಶುದ್ದ ಮಾಡ್‍ಚೀಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ರೋಮ್ 1:16

ಕ್ರಿಸ್ತಂಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ನಾಕ್ ಞಾಣ ಆಪುಲೆ. ಎನ್ನಂಗೆಣ್ಣ್‌ಚೇಂಗಿ, ಆದ್ಯವಾಯಿತ್ ಯೆಹೂದ್ಯ ಜನತ್‍ಲ್ ಪಿಂಞ ಯೆಹೂದ್ಯ ಅಲ್ಲತಯಿಂಗಡ ಮದ್ಯತ್‍ಲ್ ದಾರೆಲ್ಲಾ ನಂಬುವ, ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟುವಕ್ ಅದ್ ದೇವಡ ಶಕ್ತಿಯಾಯಿತುಂಡ್.

ರೋಮ್ 10:12

ಯೆಹೂದ್ಯಂಗಾಂದು, ಯೆಹೂದ್ಯ ಅಲ್ಲತಯಿಂಗಾಂದು ವೆತ್ಯಾಸ ಇಲ್ಲೆ, ಎಲ್ಲಾರ್‌ಕು ಒಡೆಯನಾಯಿತ್ ಉಳ್ಳ ಅಂವೊ, ಅಂವೊನ ಆರಾದನೆ ಮಾಡ್‌ವಯಿಂಗಕೆಲ್ಲಾ ದಾರಾಳವಾಯಿತ್ ಆಶೀರ್ವಾದ ಮಾಡ್‌ವಂವೊನಾಯಿತುಂಡ್.

ಗಲಾತ್ಯ 2:3

ನಾಡ ಕೂಡೆ ಇಂಜ ತೀತ, ಗ್ರೀಕ್ ದೇಶತ್‍ರ ಮನುಷ್ಯನಾಯಿತ್ಂಜತೇಂಗಿಯು ಅಂವೊಂಗ್ ಸುನ್ನತಿ ಮಾಡಂಡೂಂದ್ ಅಯಿಂಗ ಒತ್ತಾಯ ಮಾಡಿತ್ತ್‌ಲ್ಲೆ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.