ಅಪೊಸ್ತಲ 13:6 - ಕೊಡವ ಬೈಬಲ್

⁶ ಅಯಿಂಗ ದ್ವೀಪತ್‍ರ ಬಟ್ಟೇಲ್ ಪಾಫೋಸ್ ಎಣ್ಣುವ ಪೇಟೇಕ್ ಬಪ್ಪಕ, ಅಲ್ಲಿ ಬಾರ್‌ಯೇಸು ಎಣ್ಣುವ ಕಳ್ಳ ಪ್ರವಾದಿಯು ಮಂತ್ರವಾದಿಯು ಆಯಿತ್ಂಜ ಒರ್ ಯೆಹೂದ್ಯನ ಕಂಡತ್.

ಅಪೊಸ್ತಲ 13:6 ပူးပေါင်းရင်းမြစ်များ

ಮತ್ತಾಯ 16:17

ಅದ್ಂಗ್ ಯೇಸು: ಯೋನಂಡ ಮೋಂವೊನಾನ ಸೀಮೋನನೇ, ನೀನ್ ಆಶೀರ್ವಾದ ಪಡ್ಂದಂವೊ, ನೀಡ ಈ ತಕ್ಕ್ ಮನುಷ್ಯಡಿಂಜ ಬಂತ್‌ಲ್ಲೆ. ಇದ್ ಪರಲೋಕತ್‌ಲುಳ್ಳ, ನಾಡ ಅಪ್ಪ, ಈ ತಕ್ಕ್‌ನ ನೀನ್ ಪರಿಯುವಕ್ ಮಾಡ್‍ಚಿ.

ಮತ್ತಾಯ 24:24

ಎನ್ನಂಗೆಣ್ಣ್‌ಚೇಂಗಿ, ಕಳ್ಳ ಕ್ರಿಸ್ತಂಗ ಪಿಂಞ ಕಳ್ಳ ಪ್ರವಾದಿಯಂಗ ಬಂದಿತ್, ಕಯ್ಯುವೇಂಗಿ ದೇವ ಗೊತ್ತ್ ಮಾಡಿತುಳ್ಳಯಿಂಗಡ ನಂಬಿಕೇನ ಕೆಡ್‍ತ್‌ವಕ್ ವಂಚನೆ ಮಾಡ್‌ವನೆಕೆ ಗುರ್‌ತ್ ಕಾಟಿತ್ ಆಶ್ಚರ್ಯ ಕಾರ್ಯತ್‍ನ ಮಾಡ್‌ವ.

ಮತ್ತಾಯ 7:15

ಕಳ್ಳ ಪ್ರವಾದಿಯಂಗಡ ವಿಷಯತ್ ಎಚ್ಚರತ್‍ಲ್ ಇರಿ. ಅಯಿಂಗ ಪೊರಮೆ ಸಾದು ಕೊರಿರನೆಕೆ ವೇಷ ಇಟ್ಟಂಡ್ ಬಪ್ಪ. ಆಚೇಂಗಿ, ಹೃದಯತ್‍ಲ್ ಅಯಿಂಗ, ಕೀತ್‍ವ ತೋಳರನೆಕೆ ಇಪ್ಪ.

ಮಾರ್ಕ 10:46

ಪಿಂಞ ಅಯಿಂಗ ಎರಿಕೋ ಪಟ್ಟಣಕ್ ಬಾತ್. ಅಂವೊ ಅಂವೊಂಡ ಶಿಷ್ಯಂಗ ಪಿಂಞ ಬಲ್ಯ ಗುಂಪ್ ಜನ ಎರಿಕೋನ ಬುಟ್ಟಿತ್ ಪೊರಡ್‍ವಕ, ತಿಮಾಯ ಎಣ್ಣುವವಡ ಮೋಂವೊನಾಯಿತ್ಂಜ ಕುರ್‌ಡನಾನ ಬಾರ್ತಿಮಾಯ ಬಟ್ಟೇರ ಬರಿಲ್ ಅಳ್‌ತಂಡ್ ಬೋಡಿಯಂಡಿಂಜತ್.

ಅಪೊಸ್ತಲ 13:13

ಅಲ್ಲಿಂಜ ಪೌಲ ಪಿಂಞ ಅಂವೊಂಡ ಕೂಡೆಯಿಂಜ ಎಲ್ಲಾರು ಪಾಫೋಸ್ ಎಣ್ಣುವ ಪಟ್ಟಣತ್‍ನ ಬುಟ್ಟಿತ್ ಸಮುದ್ರ ಮಾರ್ಗವಾಯಿತ್ ಪಂಫುಲ್ಯ ಸೀಮೆಕ್ ಕೂಡ್‍ನ ಪೆರ್ಗೆ ಎಣ್ಣುವ ಪಟ್ಟಣಕ್ ಬಾತ್. ಅಲ್ಲಿಕತ್ತನೆ ಅಯಿಂಗಡ ಕೂಡೆ ಬಂದಂಡಿಂಜ ಯೋಹಾನ ಅಯಿಂಗಳ ಬುಟ್ಟಿತ್ ಪುನಃ ಯೆರೂಸಲೇಮ್‌ಕ್ ವಾಪಸ್ ಪೋಚಿ.

ಅಪೊಸ್ತಲ 13:8

ಆಚೇಂಗಿ, ಮಂತ್ರವಾದೀಂದ್ ಅರ್ಥ ಆಪ ಪೆದ ಉಳ್ಳ ಎಲುಮ, ಯೇಸುರ ಮೇಲೆ ಅದಿಪತಿ ನಂಬಿಕೆ ಇಡತನೆಕೆ, ಅಯಿಂಗಕ್ ವಿರೋದವಾಯಿತ್ ಮಾಡಿಯಂಡಿಂಜತ್.

2 ಕೊರಿಂಥ 11:13

ಅನ್ನನೆ ಉಳ್ಳಯಿಂಗ ಕಳ್ಳ ಅಪೊಸ್ತಲಂಗ, ಕಪಟಿಯಾನ ಸೇವಕಂಗ, ಕ್ರಿಸ್ತಂಡ ಅಪೊಸ್ತಲಂಗಡ ವೇಷತ್‍ನ ಇಟ್ಟಂಡುಂಡ್.

2 ತಿಮೊಥೆಯ 3:8

ಯನ್ನ, ಯಂಬ್ರ ಎಣ್ಣ್‌ವಯಿಂಗ ಮೋಶೇಕ್ ಎದ್‍ರ್ ನಿಂದನೆಕೆ, ಈಂಗಳು ಸತ್ಯಕ್ ಎದ್‍ರ್ ನಿಂದಿತುಂಡ್. ಈ ಮನುಷ್ಯಂಗ ಕೆಟ್ಟ ಬುದ್ದಿಯುಳ್ಳಯಿಂಗಳು, ನಂಬಿಕೇರ ವಿಷಯತ್‍ಲ್ ಚೋತ್‍ಪೋನಯಿಂಗಳೂ ಆಯಿತುಂಡ್.

1 ಯೋಹಾನ 4:1

ನಾಡ ಪ್ರೀತಿರ ಜನಳೇ, ಈ ಲೋಕತ್‍ಲ್ ದುಂಬ ಕಳ್ಳ ಪ್ರವಾದಿಯ ಉಂಡ್. ಆನಗುಂಡ್ ನಿಂಗ ಎಲ್ಲಾ ಆತ್ಮತ್‌ನ ನಂಬತೆ, ಆ ಆತ್ಮ ದೇವಡ ಕಡೇಯಿಂಜ ಬಾತಾಂದ್ ನಿಂಗ ಪರೀಕ್ಷೆ ಮಾಡಿತ್ ನೋಟಂಡು.

ಪ್ರಕಟನೆ 19:20

ಅಕ್ಕ ಆ ಮೃಗತ್‍ನ ಪುಡ್‍ಚತ್; ಅದ್ಂಡ ಮಿಂಞತ್‍ಲ್ ಮಾಡ್‍ನ ಅದ್ಬುತ ಕಾರ್ಯತ್‍ನಗುಂಡ್, ಅದ್ಂಡ ಮುದ್ರೆನ ಇಟ್ಟಯಿಂಗಳ, ಅದ್ಂಡ ವಿಗ್ರಹತ್‍ನ ಆರಾದನೆ ಮಾಡ್‍ನಯಿಂಗಳ ಪಿಂಞ ಮೋಸ ಮಾಡ್‍ನ ಕಳ್ಳ ಪ್ರವಾದಿನ ಸಹ ಪುಡ್‌ಚಿರ್‌ತ್. ಜೀವತ್‍ಲ್ ಇಪ್ಪಕಲೆ ಈ ದಂಡಾಳ್‌ನ ಗಂಧಕ ಕತ್ತಿಯಂಡುಳ್ಳ ತಿತ್ತ್‌ರ ಕಡಲ್‍ಲ್ ಇಟ್ಟತ್.