ಅಪೊಸ್ತಲ 13:51 - ಕೊಡವ ಬೈಬಲ್

⁵¹ ಈಂಗ ತಂಗಡ ಕಾಲ್‌ಲ್ ಉಳ್ಳ ದೂಳ್‍ನ, ಅಯಿಂಗಕ್ ವಿರೋದವಾಯಿತ್ ಕೊಡ್‍ಕಿತ್, ಇಕೋನ್ಯ ಪಟ್ಟಣಕ್ ಪೋಚಿ.

ಅಪೊಸ್ತಲ 13:51 ပူးပေါင်းရင်းမြစ်များ

ಮತ್ತಾಯ 10:14

ದಾರೇಂಗಿ, ನಿಂಗಳ ಸ್ವಾಗತ ಮಾಡತ ಪೋಚೇಂಗಿ ಅಥವ ನಿಂಗ ಎಣ್ಣ್‌ವಾನ ಕ್‍ೕಕತೆ ಪೋಚೇಂಗಿ, ಅಯಿಂಗಡ ಊರ್‌ನ ಬುಟ್ಟಿತ್ ಬಪ್ಪಕ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‍ಕಿತ್ ಬಾರಿ.

ಮಾರ್ಕ 6:11

ನಿಂಗ ಒರ್ ಊರ್‌ಕ್ ಪೋನಕ ನಿಂಗಳ ಸ್ವಾಗತ ಮಾಡತ ಅಥವ ನಿಂಗ ಮಾಡ್‍ನ ಬೋದನೆನ ಕ್‍ೕಕತೆ ಪೋಚೇಂಗಿ, ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‌ಕ್‌ವಂಜಿ ಬಾರಿ, ಅಯಿಂಗಕ್ ಅದ್ ಒರ್ ಎಚ್ಚರಿಕೆ ಕೊಡ್‍ತನೆಕೆ ಆಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:11

ನಂಗಡ ಕಾಲ್‌ಲ್ ಉಳ್ಳ ಈ ಪಟ್ಟಣತ್‍ರ ದೂಳ್‍ನ ಸಹ ನಿಂಗಕ್ ಎಚ್ಚರಿಕೆಯಾಯಿತ್ ಕೊಡ್‍ಕುವಿ. ಆಚೇಂಗಿಯು ದೇವಡ ರಾಜ್ಯ ಬೆರಿಯ ಬಪ್ಪಾಂದ್ ನಿಂಗಕ್ ಗೊತ್ತಿರಡ್‍ೕಂದ್ ಎಣ್ಣಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:5

ದಾರ್ ನಿಂಗಳ ಸ್ವಾಗತ ಮಾಡ್‌ಲೆಯೋ, ಅಯಿಂಗಡ ಊರ್‌ನ ಬುಟ್ಟಿತ್ ನಿಂಗ ಬಪ್ಪಕ, ಅಯಿಂಗಕ್ ಎಚ್ಚರಿಕೆಯಾಯಿತ್ ನಿಂಗಡ ಕಾಲ್‌ಲ್ ಉಳ್ಳ ದೂಳ್‍ನ ಕೊಡ್‍ಕಿತ್ ಬಾರಿ.

ಅಪೊಸ್ತಲ 14:1

ಅನ್ನನೆ, ಇಕೋನ್ಯ ಪಟ್ಟಣತ್‍ಲ್ ಪೌಲ ಪಿಂಞ ಬಾರ್ನಬ, ಯೆಹೂದ್ಯಂಗಡ ಸಬಾಮಂದಿರಕ್ ಪೋಯಿತ್, ಅಲ್ಲಿಂಜ ದುಂಬ ಯೆಹೂದ್ಯ ಜನಳು, ಯೆಹೂದ್ಯ ಅಲ್ಲತಯಿಂಗಳು ಯೇಸುನ ನಂಬುವನೆಕೆ ಚಾಯಿತೆ ತಕ್ಕ್ ಪರ್ಂದತ್.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:21

ಆ ಪಟ್ಟಣತ್‍ಲ್ ಅಯಿಂಗ ನಲ್ಲ ಸುದ್ದಿನ ಪ್ರಚಾರ ಮಾಡಿತ್, ದುಂಬ ಜನಳ ಶಿಷ್ಯಂಗಳಾಯಿತ್ ಮಾಡ್‍ನ ಪಿಂಞ, ಅಲ್ಲಿಂಜ ಪುನಃ ಲುಸ್ತ್ರಕ್, ಇಕೋನ್ಯಕ್, ಅಂತಿಯೋಕ್ಯಕ್ ಬಂದಿತ್:

ಅಪೊಸ್ತಲ 16:2

ಲುಸ್ತ್ರ ಪಿಂಞ ಇಕೋನ್ಯ ಪಟ್ಟಣತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ತಿಮೊಥೆಯಂಗ್ ನಲ್ಲ ಸಾಕ್ಷಿ ಕೊಡ್‌ತಿತ್ಂಜತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.