49 ಅನ್ನನೆ, ದೇವಡ ವಾಕ್ಯ ಆ ಸೀಮೆರ ಎಲ್ಲಾ ಕಡೇಕು ಪಬ್ಬ್‌ಚಿ.
ಆಚೇಂಗಿ, ಅಯಿಂಗ ಪೋಯಿತ್ ಆ ಪ್ರಾಂತ್ಯತ್‍ಲ್ ಎಲ್ಲಾ ಜಾಗತ್‍ಲ್ ಇಂವೊಂಡ ಕೀರ್ತಿನ ಪಬ್ಬ್‌ಚಿ.
ಆಚೇಂಗಿ ದೇವಡ ವಾಕ್ಯ ದುಂಬ ಪಬ್ಬಿಯಂಡೇ ಇಂಜತ್.
ಇನ್ನನೆ ಆನದ್‍ನ ಆ ಅದಿಪತಿ ಕಾಂಬಕ, ದೇವಡ ಬೋದನೆರ ವಿಷಯತ್ ಆಶ್ಚರ್ಯಪಟ್ಟಿತ್ ಒಡೆಯನ ನಂಬ್‍ಚಿ.
ಇನ್ನನೆ ದಂಡ್ ಕಾಲಕ್ ನಡ್ಂದಗುಂಡ್ ಆಸ್ಯ ಸೀಮೆಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗ ಪಿಂಞ ಯೆಹೂದ್ಯಂಗ ಅಲ್ಲತ ಜನ ಎಲ್ಲಾರು ಒಡೆಯಂಡ ಬೋದನೆನ ಕ್‍ೕಟತ್.
ಆಚೇಂಗಿ, ಕೈಯಿಂಜ ಮಾಡ್‍ನ ಮೂರ್ತಿಯೆಲ್ಲಾ ದೇವ ಅಲ್ಲಾಂದ್ ಆ ಪೌಲ ಎಣ್ಣಿತ್ ಇಲ್ಲಿ ಎಫೆಸತ್‍ಲ್ ಮಾತ್ರ ಅಲ್ಲತೆ ಆಸ್ಯ ಸೀಮೆರ ಎಲ್ಲಾ ಜಾಗತ್‍ಲು ದುಂಬ ಜನಳ ಅಂವೊಂಡ ಕಡೇಕ್ ಕೂಟಿಯಂಡತ್. ಇದ್‍ನೆಲ್ಲ ನಿಂಗ ನೋಟಿತು ಕ್‍ೕಟಿತು ಉಳ್ಳಿರ.
ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.
ಈ ಸುದ್ದಿ ಯೊಪ್ಪ ಪಟ್ಟಣತ್‍ಲ್ ಎಲ್ಲೆಲಿಯು ಪಬ್ಬಿ ಪೋಚಿ. ದುಂಬ ಜನ ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್.
