ಅಪೊಸ್ತಲ 13:45 - ಕೊಡವ ಬೈಬಲ್

⁴⁵ ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 13:45 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 37:11

ಯೋಸೇಫಂಡ ಅಣ್ಣಂಗ ಅಂವೊಂಡ ಮೇಲೆ ಹೊಟ್ಟೆಕಿಚ್ಚ್‌ಪಟ್ಟತ್. ಆಚೇಂಗಿ ಅಂವೊಂಡ ಅಪ್ಪ ಅಂವೊ ಕಂಡ ಸ್ವಪ್ನ ಎಂತ ಆಯಿತಿಕ್ಕೂಂದ್‌ ಗೇನ ಮಾಡಿಯಂಡಿಂಜತ್.

ಮತ್ತಾಯ 23:13

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ. ಜನ ಪ್ರವೇಶ ಮಾಡತನೆಕೆ ಪರಲೋಕ ರಾಜ್ಯತ್‍ರ ಪಡಿನ ಬೀಗ ಇಡ್‍ವಿರ. ನಿಂಗಳು ಅದ್ಂಡ ಒಳ್‍ಕ್ ಪೋಪುಲೆ, ಪೋಪಯಿಂಗಳ ಪೋಪಕ್ ಬುಡ್‍ವದು ಇಲ್ಲೆ.

ಮತ್ತಾಯ 27:18

ಎನ್ನಂಗೆಣ್ಣ್‌ಚೇಂಗಿ ಯೇಸುರ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಯಿಂಜಲೇ ಅಂವೊನ ಪುಡ್‍ಚಿ ಕೊಡ್‌ತತ್‍ೕಂದ್ ಪಿಲಾತಂಗ್ ಗೊತ್ತಾನಗುಂಡ್ ಇನ್ನನೆ ಕ್‍ೕಟತ್.

ಅಪೊಸ್ತಲ 13:50

ಆಚೇಂಗಿ ಯೆಹೂದ್ಯಂಗ, ಅಯಿಂಗಡ ನಂಬಿಕೇಕ್ ಕೂಡ್‍ನ ಬಲ್ಯ ಗನ ಉಳ್ಳ ಪೊಣ್ಣಾಳುವಳ ಪಿಂಞ ಊರ್‌ರ ಮುಕ್ಯಪಟ್ಟ ಆಣಾಳ್‍ನ ಒತ್ತಾಯ ಮಾಡಿತ್, ಪೌಲ ಪಿಂಞ ಬಾರ್ನಬಂಗ್ ದುಂಬ ತೊಂದರೆ ಕೊಡ್‌ತಿತ್, ಅಯಿಂಗಳ ತಂಗಡ ಪಟ್ಟಣತ್ಂಜ ಓಟ್‌ಚಿಟ್ಟತ್.

ಅಪೊಸ್ತಲ 14:19

ಇನ್ನನೆ ಆಯಂಡಿಪ್ಪಕ, ಅಂತಿಯೋಕ್ಯತ್ಂಜಲು ಇಕೋನ್ಯತ್ಂಜಲು ಯೆಹೂದ್ಯಂಗ ಬಂತ್ ಜನಳ ಅಯಿಂಗಡ ಪಕ್ಕ ಬಲ್‍ಚಿರ್‌ತ್. ಅಯಿಂಗ ಪೌಲಂಗ್ ಕಲ್ಲ್ ಕನ್‍ಚಿತ್, ಅಂವೊ ಚತ್ತ್ ಪೋಚೀಂದ್ ಗೇನ ಮಾಡಿತ್, ಊರ್‌ರ ಪೊರಮೆ ಬಲ್‍ಚಂಡ್ ಪೋಚಿ.

ಅಪೊಸ್ತಲ 14:2

ಆಚೇಂಗಿ, ಎಣ್ಣ್‌ನ ವಿಷಯತ್‍ನ ನಂಬತೆ ಪೋನ ಯೆಹೂದ್ಯಂಗ, ಯೆಹೂದ್ಯರಲ್ಲತ ಜನಡ ಮನಸ್ಸ್‌ನ ಈ ದಂಡಾಳ್‌ಕ್ ವಿರೋದವಾಯಿತ್, ಚೆಡಿ ಬಪ್ಪನೆಕೆ ಪಾಳ್ ಮಾಡ್‍ಚಿ.

ಅಪೊಸ್ತಲ 14:4

ಅಕ್ಕ ಆ ಪಟ್ಟಣತ್‍ಲ್ ಇಂಜ ಜನ ಈಂಗಡ ವಿಷಯತ್‍ಲ್ ದಂಡಾಯಿತ್ ನಿಂದತ್. ಚೆನ್ನ ಜನ ಅಪೊಸ್ತಲಂಗಡ ಬರಿಯು, ಇಂಞು ಚೆನ್ನ ಜನ ಯೆಹೂದ್ಯಂಗಡ ಬರಿಯು ನಿಂದತ್.

ಅಪೊಸ್ತಲ 14:5

ಯೆಹೂದ್ಯರಲ್ಲತ ಬೋರೆ ಜನಳು, ಯೆಹೂದ್ಯಂಗಳು ತಂಗಡ ಅದಿಕಾರಿಯಂಗಡ ಕೂಡೆ ಕೂಡಿತ್ ಅಪೊಸ್ತಲಂಗಳ ಅವಮಾನಪಡುತಿತ್, ಕೊಲ್ಲಂಡೂಂದ್ ಕಲ್ಲ್ ಕನಿಪಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ಅಪೊಸ್ತಲ 19:9

ಆಚೇಂಗಿ, ಚೆನ್ನ ಜನ ತಂಗಡ ಮನಸ್ಸ್‌ನ ಕಠಿಣ ಮಾಡಿಯಂಡ್ ನಂಬುಲೇಂದ್ ಎಣ್ಣ್‌ಚಿ. ಅಯಿಂಗ, ಎಲ್ಲಾಡ ಮಿಂಞತ್ ಈ ಬಟ್ಟೇರ ಬೋದನೆಕ್ ವಿರೋದವಾಯಿತ್ ಕೆಟ್ಟ ತಕ್ಕ್ ಪರ್ಂದಂಡ್ ಇಂಜತ್. ಅಕ್ಕ ಪೌಲ ಸಬಾಮಂದಿರತ್ಂಜ ಪೋಯಿತ್, ಯೇಸುನ ನಂಬ್‍ನಯಿಂಗಳ ಅಂವೊಂಡ ಕೂಡೆ ಕಾಕಿಯಂಡ್ ಪೋಚಿ. ಬಯ್ಯ ತುರನ್ನ ಎಣ್ಣುವ ಒಬ್ಬಂಡ ಪಾಠಶಾಲೆಲ್ ಪ್ರತಿ ದಿನ ಚರ್ಚೆ ಮಾಡಿಯಂಡ್ ಬೋದನೆ ಮಾಡ್‍ಚಿ.

ಅಪೊಸ್ತಲ 5:17

ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

ರೋಮ್ 1:29

ಅಯಿಂಗ ಎಲ್ಲಾ ವಿದವಾನ ದುಷ್ಟತನತ್‍ಲ್, ಕೇಡ್‍ಲ್, ದ್ರೋಹ ಮಾಡ್‌ವದ್‍ಲ್, ಪಣತ್‍ರ ಆಸೇಲ್, ಆಂಗಾರತ್‍ಲ್, ಕೊಲೆ ಮಾಡ್‌ವದ್‍ಲ್, ತರ್ಕ ಮಾಡ್‌ವದ್‍ಲ್, ಕೆಟ್ಟ ಆಸೇಲ್, ವಂಚನೆಲ್, ಒಟ್ಟೆಕಿಚ್ಚ್‌ಲ್ ದುಂಬಿತುಂಡ್.

1 ಕೊರಿಂಥ 3:3

ನಿಂಗಡ ಪಕ್ಕ ಒಟ್ಟೆಕಿಚ್ಚ್ ಉಂಡ್, ಬೋರೆಯಿಂಗಡ ಕೂಡೆ ಜಗಳ ಮಾಡ್‌ವಿರ. ಇದೆಲ್ಲಾನ ನಿಂಗಡ ಪಾಪತ್‍ರ ಗುಣತ್‍ನಗುಂಡ್ ಈ ಲೋಕತ್‍ರ ಜನತ್‍ರನೆಕೆ ಮಾಡಿಯಂಡುಳ್ಳಿರಾಂದ್ ನಿಂಗಕ್ ಗೊತ್ತ್‌ಲ್ಲೆಯಾ?

2 ಕೊರಿಂಥ 11:26

ದುಂಬ ಕುರಿ ಪ್ರಯಾಣ ಮಾಡಿಯೆ, ಪೊಳೇರಗುಂಡ್ ಬಂದ ಅಪಾಯತ್‍ಲ್, ಕಳ್ಳಂಗಡಗುಂಡ್ ಬಂದ ಅಪಾಯತ್‍ಲ್, ನಾಡ ಸ್ವಂತ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಬೋರೆ ಜನತ್‍ರಗುಂಡ್ ಬಂದ ಅಪಾಯತ್‍ಲ್, ಪಟ್ಟಣತ್‍ಲ್ ಬಂದ ಅಪಾಯತ್‍ಲ್, ಮಣಬೂಮಿಲ್ ಬಂದ ಅಪಾಯತ್‍ಲ್, ಸಮುದ್ರತ್‍ಲ್ ಬಂದ ಅಪಾಯತ್‍ಲ್, ಕಳ್ಳಂಗಳಾನ ಅಣ್ಣತಮ್ಮಣಂಗಡಗುಂಡ್ ಬಂದ ಅಪಾಯತ್‍ರಗುಂಡ್,

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

1 ಥೆಸಲೊನೀಕ 2:16

ಯೆಹೂದ್ಯ ಅಲ್ಲತಯಿಂಗ ಯೇಸುನ ನಂಬಿತ್ ದೇವಡ ಮಕ್ಕಳಾಪಕ್ಕಾಗಾಂದ್ ಅಯಿಂಗ ಇನ್ನನೆ ಪ್ರಯತ್ನಪಟ್ಟಂಡುಂಡ್. ಆನಗುಂಡ್, ನಂಗ ಎಲ್ಲಿಕು ಪೋಯಿತ್ ದೇವಡ ತಕ್ಕ್ ಪರಿಯತನೆಕೆ ತಡೆ ಮಾಡಿಯಂಡುಂಡ್. ಅನ್ನನೆ ಅಯಿಂಗ ಅಯಿಂಗಡ ಪಾಪ ಪೂರ್ತಿ ಆಪನೆಕೆ ಮಾಡಿಯಂಡುಂಡ್; ದೇವಡ ಬಲ್ಯ ಚೆಡಿ ಅಯಿಂಗಡ ಮೇಲೆ ದುಂಬ ಬಂದಿತುಂಡ್.

2 ತಿಮೊಥೆಯ 3:11

ಅಂತಿಯೋಕ್ಯ, ಇಕೋನ್ಯ ಪಿಂಞ ಲುಸ್ತ್ರ ಎಣ್ಣುವ ಪಟ್ಟಣತ್‍ಲ್ ನಾಕ್ ನಡ್ಂದ ದೇವಡ ವಿಷಯಕಾಯಿತ್ ಕ್‍ಟ್ಟ್‌ನ ಹಿಂಸೆ ಪಿಂಞ ಕಷ್ಟವೆಲ್ಲ ನೀಕ್ ಚಾಯಿತೆ ಗೊತ್ತುಂಡ್. ಅಂತು, ದೇವ ನನ್ನ ಈ ಎಲ್ಲಾ ಕಷ್ಟತ್ಂಜ ಬಚಾವ್ ಮಾಡ್‍ಚಿ.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

1 ಪೇತ್ರ 4:4

ಅಯಿಂಗಡ ಕೂಡೆ ಈ ತರ ತಡೀರ ಮೋಹತ್‍ಲ್ ನಿಂಗ ಮುಳ್‍ಂಗಿ ಪೋಕತನೆಕೆ ಉಳ್ಳಾಂಗ್ ಅಯಿಂಗ ಆಶ್ಚರ್ಯತ್‍ಲ್ ನಂಗಳ ದುಂಬ ದೂಷಣೆ ಮಾಡಿಯಂಡುಂಡ್.

ಯೂದ ಒಳ್‍ದ್‍ನ ಕಾಗದ 1:10

ಆಚೇಂಗಿ ನಿಂಗಡ ಮದ್ಯತ್‍ಲ್ ಕಳ್ಳ ಬೋದನೆ ಮಾಡಿಯಂಡುಳ್ಳ ಈ ಜನ ಅಯಿಂಗಕ್ ಅರ್ಥ ಆಕತ ವಿಷಯತ್‍ನ ಎಲ್ಲಾ ಕೆಟ್ಟದಾಯಿತ್ ತಕ್ಕ್ ಪರಿವ. ಪಿಂಞ ಬುದ್ದಿ ಇಲ್ಲತ ಪ್ರಾಣಿಯರನೆಕೆ ಅಯಿಂಗಕ್ ಗೊತ್ತುಳ್ಳ ವಿಷಯತ್‍ನ ಸ್ವಾಬಾವಿಕವಾಯಿತ್ ಕಳಿಚಿತ್, ಅದ್‍ಯಿಂಜ ಅಯಿಂಗಯಿಂಗಳೇ ಪಾಳ್ ಮಾಡಿಯೊವ.