ಅಪೊಸ್ತಲ 13:42 - ಕೊಡವ ಬೈಬಲ್

⁴² ಪೌಲ ಪಿಂಞ ಬಾರ್ನಬ ಸಬಾಮಂದಿರತ್‌ನ ಬುಟ್ಟಿತ್ ಪೋಯಂಡಿಪ್ಪಕ, ಬಪ್ಪ ಸಬ್ಬತ್ ದಿವಸತ್‍ಲ್ ಪುನಃ ಈ ವಿಷಯತ್‍ನ ಅಯಿಂಗಕ್ ಎಣ್ಣಿತರಂಡೂಂದ್ ಕ್‍ೕಟಂಡತ್.

ಅಪೊಸ್ತಲ 13:42 ပူးပေါင်းရင်းမြစ်များ

ಮತ್ತಾಯ 11:21

ಅಂವೊ ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ: ಖೊರಾಜಿನೇ ನೀಕ್ ಅಯ್ಯೋ! ಬೆತ್ಸಾಯಿದವೇ ನೀಕ್ ಅಯ್ಯೋ! ನಿಂಗಡ ಮದ್ಯತ್‍ಲ್ ಮಾಡ್‍ನ ಬಲ್ಯ ಅದ್ಬುತ ಕಾರ್ಯತ್‍ನ ತೀರ್ ಪಿಂಞ ಸೀದೋನ್ ಪಟ್ಟಣತ್‍ಲ್ ಮಾಡಿತ್ಂಜತೇಂಗಿ, ಅಕ್ಕಲೆ ಅಯಿಂಗ ಗೋಣಿಚೀಲತ್‍ರ ಬಟ್ಟೆ ಇಟ್ಟಂಡ್, ಬೂದಿರ ಮೇಲೆ ಅಳ್‌ತಿತ್ ಅಯಿಂಗಡ ಪಾಪತ್ಂಜ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರುವಕಿಂಜತ್.

ಮತ್ತಾಯ 19:30

ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.

ಮತ್ತಾಯ 9:18

ಇನ್ನನೆ ಯೇಸು ತಕ್ಕ್ ಪರ್‌ದಂಡ್ ಇಪ್ಪಕಾಪಕ, ಒರ್ ಅದಿಕಾರಿ ಬಂದಿತ್ ಯೇಸುರ ಪಕ್ಕ ಮೊಣಕಾಲ್ ಇಟ್ಟಿತ್, ನಾಡ ಮೋವ ಇಕ್ಕಲೆ ಚತ್ತ್ ಪೋಚಿ. ಆಚೇಂಗಿ ನೀನ್ ಬಂದಿತ್ ನೀಡ ಕೈಯಿನ ಅವಡ ಮೇಲೆ ಬೆಚ್ಚತೇಂಗಿ ಅವ ಬದ್‌ಕ್‌ವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:33

ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 13:14

ಪಿಂಞ ಅಯಿಂಗ ಪೆರ್ಗೆಯಿಂಜ ಪಿಸಿದ್ಯ ಸೀಮೆಕ್ ಕೂಡ್‍ನ ಅಂತಿಯೋಕ್ಯಕ್ ಬಾತ್. ಸಬ್ಬತ್ ದಿವಸತ್‍ಲ್ ಅಲ್ಲಿಯತ್‍ರ ಸಬಾಮಂದಿರಕ್ ಪೋಯಿತ್ ಅಳ್‌ತತ್.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.