ಅಪೊಸ್ತಲ 13:38 - ಕೊಡವ ಬೈಬಲ್

³⁸ ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಈ ಯೇಸುರ ಮೂಲಕ ನಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟ್‌ವಾಂದ್ ನಿಂಗಕ್ ಗೊತ್ತ್ ಮಾಡ್‌ವಕಾಯಿತೇ ನಂಗ ಎಣ್ಣಿಯಂಡುಂಡ್.

ಅಪೊಸ್ತಲ 13:38 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಯೋಹಾನ 1:29

ಪಿತ್ಯಾಂದ್ ಯೇಸು ಅಂವೊಂಡ ಪಕ್ಕ ಬಪ್ಪದ್‍ನ ಯೋಹಾನ ಕಾಂಬಕ: ನೋಟಿ, ಈ ಲೋಕತ್‍ರ ಪಾಪತ್‍ನ ಪೊರ್‌ತ್ ತ್‍ೕಪ ದೇವಡ ಕೊರಿಕುಟ್ಟಿ.

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 2:14

ಅಕ್ಕ ಪೇತ್ರ, ತಾಂಡಕೂಡೆ ಇಂಜ ಪನ್ನಂದ್ ಅಪೊಸ್ತಲಂಗಡ ಕೂಡೆ ನಿಂದಿತ್, ಅಯಿಂಗಳ ನೋಟಿತ್ ಬಲ್ಯ ಸ್ವರತ್‍ಲ್: ಯೆಹೂದ್ಯಂಗಳೇ, ಯೆರೂಸಲೇಮ್‍ಲ್ ವಾಸ ಮಾಡಿಯಂಡ್ ಉಳ್ಳ ಜನಳೇ, ನಾಡ ತಕ್ಕ್‌ನ ಎಚ್ಚರತ್‍ಲ್ ಕ್‍ೕಳಿ, ಇದ್ ನಿಂಗಕ್ ಗೊತ್ತಿರಂಡು.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಎಫೆಸ 4:32

ಒಬ್ಬಂಡ ಮೇಲೆ ಒಬ್ಬ ದಯೆ ಕಾಟಿತ್, ಕರುಣೆ ಉಳ್ಳಯಿಂಗಳಾಯಿತ್, ಕ್ರಿಸ್ತಂಡ ಮೂಲಕ ದೇವ ನಿಂಗಕ್ ಮನ್ನಿಚಿಟ್ಟನೆಕೆ, ನಿಂಗಳು ಒಬ್ಬಂಗ್ ಒಬ್ಬ ಮನ್ನಿಚಿಡಿ.

ಕೊಲೊಸ್ಸೆ 1:14

ಅಂವೊಂಡ ಮೋಂವೊಂಡಲ್ಲಿ ನಂಗಕ್ ಪಾಪತ್ಂಜ ವಿಮೋಚನವು, ಅಂವೊಂಡ ಚೋರೆಯಿಂಜ ನಂಗಡ ಪಾಪಕ್ ಮನ್ನಿಪ್ ಉಂಡ್.

ಇಬ್ರಿಯ 8:6

ಆಚೇಂಗಿ ಯೇಸು, ವಿಶೇಷವಾಯಿತುಳ್ಳ ವಾಗ್ದಾನತ್‍ರ ಪೆದತ್‍ಲ್ ಸ್ತಾಪನೆ ಮಾಡ್‍ನ ವಿಶೇಷವಾಯಿತುಳ್ಳ ಒಪ್ಪಂದಕ್ ಎನ್ನನೆ ಮದ್ಯಸ್ತನಾಯಿತ್ ಉಂಡೋ, ಅನ್ನನೆ ಮುಕ್ಯವಾಯಿತುಳ್ಳ ಯಾಜಕ ಸೇವೇನ ಸಹ ಪಡ್ಂದಿತುಂಡ್.

ಇಬ್ರಿಯ 9:22

ನ್ಯಾಯಪ್ರಮಾಣತ್‍ರನೆಕೆ, ಚೆನ್ನ ಬುಟ್ಟಿತ್, ಚೋರೆ ಎಲ್ಲಾನ ಶುದ್ದ ಮಾಡಿರ್‌ವ; ಚೋರೆ ಬೂಕತೆ ಪಾಪಕ್ ಮನ್ನಿಪ್ಪ್ ಇಲ್ಲೆ.

1 ಯೋಹಾನ 2:12

ಪ್ರೀತಿರ ಚೆರಿಯ ಮಕ್ಕಳೇ, ಕ್ರಿಸ್ತಂಡ ಪೆದತ್‍ರಗುಂಡ್ ನಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ನಗುಂಡ್ ನಿಂಗಕ್ ಇದ್‍ನ ಒಳ್‍ದ್‍ವಿ.