ಅಪೊಸ್ತಲ 13:36 - ಕೊಡವ ಬೈಬಲ್

³⁶ ಈ ವಾಕ್ಯ ದಾವೀದಂಡ ವಿಷಯತ್‍ನ ಎಣ್ಣಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಅಂವೊ ಬದ್‍ಕ್‍ನ ಕಾಲತ್‍ಲ್ ತಾಂಡ ಜನಾಂಗಕ್ ದೇವಡ ಚಿತ್ತತ್‍ರನೆಕೆ ಸೇವೆ ಮಾಡ್‍ನ ಪಿಂಞ ಚತ್ತ್ ಪೋಚಿ. ಪಿಂಞ ಅಜ್ಜಂಗಡ ಕೂಡೆ ಅಂವೊಂಡ ತಡೀನ ಜನ ಪೂತತ್. ಅಂವೊಂಡ ತಡಿ ಕೀಂಜಿ ಪೋಚಿ.

ಅಪೊಸ್ತಲ 13:36 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 3:19

ನಿನ್ನ ಮಣ್ಣ್‌ಂಜ ಎಡ್‌ತಾಂಗ್, ನೀನ್‌ ಮಣ್ಣ್‌ಕ್ ಪೋಪಕತ್ತನೆ ಬೆವರ್‌ ಸುರಿಸಿಯಂಡ್‌ ನೀಕ್‌ ಉಂಬಕುಳ್ಳದ್‌ನ ಸಂಪಾದನೆಮಾಡ್‌ವಿಯ. ನೀನ್‌ ಮಾಣ್ಣಾಯಿತ್‌ ಉಳ್ಳಿಯ, ಮಣ್ಣ್‌ಕೇ ಪೋಪಿಯಾಂದ್‌ ಎಣ್ಣ್‌ಚಿ.

ಮತ್ತಾಯ 25:16

ಅಂಜ್ ಬಾಗ ಕ್‍ಟ್ಟ್‌ನಂವೊ ಅದ್‍ನ ಅಕ್ಕಣೆ ಎಡ್‍ತಂಡ್ ಪೋಯಿತ್ ವ್ಯಾಪಾರ ಮಾಡಿತ್ ಇಂಞು ಅಂಜ್ ಬಾಗತ್‍ನ ಸಂಪಾದನೆ ಮಾಡ್‍ಚಿ.

ಯೋಹಾನ 11:39

ಆ ಕಲ್ಲ್‌ನ ಎಡೀಂದ್ ಯೇಸು ಅಲ್ಲಿ ಉಳ್ಳಯಿಂಗಕ್ ಎಣ್ಣ್‌ಚಿ. ಅಕ್ಕ ಚತ್ತ್ ಪೋಯಿತ್ಂಜಂವೊಂಡ ಅಕ್ಕ ಮಾರ್ಥ: ನಾತ ಬಪ್ಪಾಂದ್ ಎಣ್ಣ್‌ಚಿ.

ಅಪೊಸ್ತಲ 13:22

ದೇವ ಸೌಲನ ಅಲ್ಲಗೆಳೆದಿತ್, ದಾವೀದನ ಅಯಿಂಗಡ ರಾಜನಾಯಿತ್ ಮಾಡಿತ್, ಇಷಯಂಡ ಮೋಂವೊನಾನ ದಾವೀದ ನಾನ್ ಇಷ್ಟಪಟ್ಟನೆಕೆ ಉಂಡ್, ಅಂವೊ ನಾನ್ ಕುಶಿ ಪಡ್‍ವ ಎಲ್ಲಾ ಕಾರ್ಯತ್‍ನ ಮಾಡ್‌ವಾಂದ್ ಅಂವೊಂಡ ವಿಷಯತ್ ಸಾಕ್ಷಿ ಕೊಡ್‍ತತ್.

ಅಪೊಸ್ತಲ 2:29

ಅಣ್ಣತಮ್ಮಣಂಗಳೇ, ಇದ್‍ನ ಗೇನ ಮಾಡಿಯೊಳಿ, ನಂಗಡ ಗೋತ್ರತ್‍ರ ಅಜ್ಜನಾನ ದಾವೀದ ಇದ್‍ನ ಎಣ್ಣ್‌ವಕ ಅಂವೊಂಡ ವಿಷಯತ್‍ನ ಎಣ್ಣಿತಿಲ್ಲೇ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಚತ್ತ್ ಪೋಚಿ, ಅಂವೊನ ಪೂತತ್, ಅಂವೊಂಡ ಗೋರಿ ಇಕ್ಕಲು ನಂಗಡ ಮದ್ಯತ್‍ಲ್ ಉಂಡ್‍ೕಂದ್ ನಾನ್ ದೈರ್ಯತ್‍ಲ್ ಎಣ್ಣುವಕಯ್ಯು.

ಅಪೊಸ್ತಲ 20:27

ನಾನ್ ಒರ್ ವಿಷಯತ್‍ನ ಸಹ ಮುಚ್ಚಿತ್ ಬೆಕ್ಕತೆ ದೇವಡ ಚಿತ್ತತ್‍ನ ಪೂರ್ತಿಯಾಯಿತ್ ನಿಂಗಕ್ ಅರಿಚಿಟ್ಟೆಯೆ.

ಅಪೊಸ್ತಲ 7:60

ಪಿಂಞ ಮೊಣಕಾಲ್ ಇಟ್ಟಿತ್, ಒಡೆಯನೇ, ಈ ಪಾಪತ್‍ರ ಅಪರಾದತ್‍ನ ಅಯಿಂಗಡ ಮೇಲೆ ಇಡತೇಂದ್ ಎಣ್ಣಿತ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್ ಜೀವ ಬುಟ್ಟತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

1 ಕೊರಿಂಥ 15:18

ಅಕ್ಕ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗ ಸಹ ಪಾಳಾಯಿ ಪೋಪ.

1 ಕೊರಿಂಥ 15:6

ಅಲ್ಲಿಂಜ ಅಂಞ್ಞೂರ್ ಶಿಷ್ಯಂಗಕಿಂಜ ಜಾಸ್ತಿ ಜನಕ್ ಅಂವೊನ ಒಮ್ಮಕೆ ಕಾಂಬ್‍ಚಿಟ್ಟತ್; ಯೇಸುನ ಕಂಡ ಜನತ್‍ಲ್ ದುಂಬ ಜನ ಇಕ್ಕಲು ಬದ್‍ಕಿಯಂಡುಂಡ್, ಚೆನ್ನ ಜನ ಮಾತ್ರ ಚತ್ತ್ ಪೋಚಿ.

1 ಥೆಸಲೊನೀಕ 4:13

ನಂಗಡ ಅಣ್ಣತಮ್ಮಣಂಗಳೇ, ನಂಗಡ ಆಸೆ ಎಂತ ಎಣ್ಣ್‌ಚೇಂಗಿ, ಚತ್ತಯಿಂಗಕಾಯಿತ್, ಯೇಸುನ ನಂಬತಯಿಂಗ ನಂಬಿಕೆ ಇಲ್ಲತೆ ವ್ಯಸನ ಪಡ್‌ವನೆಕೆ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕಾಯಿತ್ ನಿಂಗ ವ್ಯಸನಪಟ್ಟಿತ್, ಅಯಿಂಗಡ ವಿಷಯತ್ ಸತ್ಯ ಎಂತ್‍ೕಂದ್ ಗೊತ್ತಿಲ್ಲತೆ ಇಪ್ಪಕ್ಕಾಗ.