ಅಪೊಸ್ತಲ 13:34 - ಕೊಡವ ಬೈಬಲ್

³⁴ ಇದ್‍ಲ್ಲತೆ, ದೇವ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಗುಂಡ್ ಅಂವೊ ಪುನಃ ಅಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೇಂದ್ ಉಳ್ಳ ವಿಷಯತ್: ನಾನ್ ದಾವೀದಂಗ್ ವಾಗ್ದಾನ ಮಾಡ್‍ನ ಪವಿತ್ರವಾನ ಪಿಂಞ ನೇರಾನ ಆಶೀರ್ವಾದತ್‍ನ ನಿಂಗಕ್ ತಪ್ಪೀಂದ್ ದೇವ ಎಣ್ಣ್‌ಚಿ.

ಅಪೊಸ್ತಲ 13:34 ပူးပေါင်းရင်းမြစ်များ

ಅಪೊಸ್ತಲ 13:30

ಆಚೇಂಗಿ ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ.

ಅಪೊಸ್ತಲ 13:33

ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.

ಅಪೊಸ್ತಲ 13:37

ಅನ್ನನಾಚೇಂಗಿ ದೇವ ಎಪ್ಪ್‌ಚಿಟ್ಟ, ತಡಿ ಕೀಂಜ್ ಪೋಕತೆ ಉಳ್ಳ ಯೇಸುರ ವಿಷಯತ್‍ನೇ ಎಣ್ಣಿಯಂಡುಂಡ್.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ರೋಮ್ 6:9

ಚತ್ತಯಿಂಗಡ ಮದ್ಯತ್ಂಜ ಎದ್ದಿತ್ ಬಂದ ಕ್ರಿಸ್ತ ಇಂಞು ಮಿಂಞಕ್ ಚಾವುಲೆ; ಚಾವ್ ಅಂವೊನ ಆಳುವಕ್ ಕಯ್ಯುಲೇಂದ್ ನಂಗಕ್ ಗೊತ್ತುಂಡ್.