ಅಪೊಸ್ತಲ 13:33 - ಕೊಡವ ಬೈಬಲ್

³³ ಅದ್ ಎಂತ ಎಣ್ಣ್‌ಚೇಂಗಿ: ದೇವಡ ಪಾಟ್ ಪುಸ್ತಕತ್‍ಲ್, ದಂಡನೆ ಪಾಟ್‍ಲ್ ಒಳ್‍ದಿತುಳ್ಳನೆಕೆ: ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಉಳ್ಳ ವಾಗ್ದಾನ, ದೇವಡ ಮಕ್ಕಳಾನ ನಂಗಕ್, ಯೇಸುನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿಟ್ಟ ಮೂಲಕ ನೆರೆವೇರಿಚಿಟ್ಟತ್.

ಅಪೊಸ್ತಲ 13:33 ပူးပေါင်းရင်းမြစ်များ

ಯೋಹಾನ 2:22

ಯೇಸು ಚತ್ತಿತ್ ಜೀವವಾಯಿತ್ ಎದ್ದಿತ್ ಬಂದ ಪಿಂಞ, ಅಂವೊಂಡ ಶಿಷ್ಯಂಗ ಅಂವೊ ಎಣ್ಣ್‌ನದ್‍ನ ಗೇನ ಮಾಡ್‍ಚಿ. ಅಕ್ಕ ಅಯಿಂಗ ದೇವಡ ವಾಕ್ಯತ್‍ನ ಪಿಂಞ ಯೇಸು ಪರ್ಂದ ತಕ್ಕ್‌ನ ನಂಬ್‍ಚಿ.

ಅಪೊಸ್ತಲ 13:30

ಆಚೇಂಗಿ ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ.

ಅಪೊಸ್ತಲ 13:34

ಇದ್‍ಲ್ಲತೆ, ದೇವ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟಗುಂಡ್ ಅಂವೊ ಪುನಃ ಅಂವೊಂಡ ತಡೀನ ಕೀಂಜ್ ಪೋಪಕ್ ಬುಡ್‍ಲೇಂದ್ ಉಳ್ಳ ವಿಷಯತ್: ನಾನ್ ದಾವೀದಂಗ್ ವಾಗ್ದಾನ ಮಾಡ್‍ನ ಪವಿತ್ರವಾನ ಪಿಂಞ ನೇರಾನ ಆಶೀರ್ವಾದತ್‍ನ ನಿಂಗಕ್ ತಪ್ಪೀಂದ್ ದೇವ ಎಣ್ಣ್‌ಚಿ.

ಅಪೊಸ್ತಲ 13:37

ಅನ್ನನಾಚೇಂಗಿ ದೇವ ಎಪ್ಪ್‌ಚಿಟ್ಟ, ತಡಿ ಕೀಂಜ್ ಪೋಕತೆ ಉಳ್ಳ ಯೇಸುರ ವಿಷಯತ್‍ನೇ ಎಣ್ಣಿಯಂಡುಂಡ್.

ಅಪೊಸ್ತಲ 2:24

ಆಚೇಂಗಿ ದೇವ ಅಂವೊನ ಮರಣತ್‌ರ ಅದಿಕಾರತ್ಂಜ ಬಲಿಪಂಜಿ, ಚಾವ್‍ಯಿಂಜ ಎಪ್ಪ್‌ಚಿ. ಎನ್ನಂಗೆಣ್ಣ್‌ಚೇಂಗಿ ಚಾವ್‍ಕ್ ಅಂವೊನ ಪುಡ್‌ಚಿತ್ ಬೆಪ್ಪಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

ಇಬ್ರಿಯ 5:5

ಅನ್ನನೆ ಕ್ರಿಸ್ತ ಸಹ ಮಹಾ ಯಾಜಕನಾಯಿತ್ ಅಂವೊನಾಯಿತೇ ಈ ಗನತ್‍ನ ಎಡ್‍ತಿತ್‌ಲ್ಲೆ. ನೀನ್ ನಾಡ ಮೋಂವೊ, ಇಂದ್ ನಾನ್ ನೀಡ ಅಪ್ಪನಾಯೇಂದ್ ಎಣ್ಣ್‌ನ ದೇವ, ಕ್ರಿಸ್ತನ ಮಹಾ ಯಾಜಕನಾಯಿತ್ ನೇಮಿಚಿಟ್ಟತ್.