ಅಪೊಸ್ತಲ 13:32 - ಕೊಡವ ಬೈಬಲ್

³² ನಂಗಡ ಅಜ್ಜಂಗಕ್ ದೇವ ವಾಗ್ದಾನ ಮಾಡ್‍ನ ನಲ್ಲ ಸುದ್ದಿನ ನಂಗ ನಿಂಗಕ್ ಪ್ರಚಾರ ಮಾಡಿಯಂಡುಂಡ್.

ಅಪೊಸ್ತಲ 13:32 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 12:3

ನಿನ್ನ ಆಶೀರ್ವಾದ ಮಾಡುವಯಿಂಗಳ, ನಾನ್‌ ಆಶೀರ್ವಾದ ಮಾಡುವಿ, ನೀಕ್‌ ಶಾಪ ಇಡ್‌ವಯಿಂಗಳ ನಾನ್‌ ಶಾಪ ಇಡುವಿ. ಈ ಬೂಮಿಲ್‌ ಉಳ್ಳ ಎಲ್ಲಾ ವಂಶವು ನೀಡ ಮೂಲಕ ಆಶೀರ್ವಾದ ಪೊಂದುವಾಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 22:18

ನೀನ್‌ ನಾಡ ತಕ್ಕ್‌ಕ್‌ ತಗ್ಗಿತ್‌ ನಡ್‌ಂದಗುಂಡ್‌ ನೀಡ ಸಂತಾನತ್‌ರ ಮೂಲಕ ಈ ಬೂಮಿಲ್‌ ಉಳ್ಳ ಎಲ್ಲಾ ಜನಾಂಗಳು ಆಶೀರ್ವಾದ ಪೊಂದುವಾಂದು ಯೆಹೋವ ಅಂವೊಂಡ ಮೇಲೆ ಆಣೆ ಮಾಡಿತ್‌ ಎಣ್ಣಿಚೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 26:4

ಅಬ್ರಹಾಮ ನಾಡ ತಕ್ಕ್‌ಕ್‌ ತಗ್ಗಿತ್, ನಾನ್‌ ಎಣ್ಣ್‌ನನೆಕೆ ಮಾಡಿತ್, ನಾನ್‌ ಕೊಡ್‌ತ ಆಜ್ಞೆನ, ನಿಯಮತ್‌ನ, ಪ್ರಮಾಣತ್‌ರನೆಕೆ ನಡ್‌ಂದಂಗ್,

ಆದ್ಯತ್‌ರ ಪುಸ್ತಕ 3:15

ನೀಕು ಪೊಣ್ಣಾಳ್‌ಕು, ನೀಡ ಸಂತಾನಕು ಪೊಣ್ಣಾಳ್‌ರ ಸಂತಾನಕು ಪಗೆತನ ಉಂಟ್ ಮಾಡ್‌ವಿ. ಅಂವೊ ನೀಡ ಮಂಡೆನ ಜಜ್ಜ್‌ವ, ನೀನ್‌ ಅಂವೊಂಡ ಕಾಲ್‌ರ ಮುಡಿನ ಕಡಿಪಿಯಾಂದ್‌ ದೇವ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮಲಾಕಿ 3:1

ಇದಾ! ನಾನ್‌ ನಾಡ ದೂತನ ಅಯಿಪಿ, ಅಂವೊ ನಾಡ ಮಿಂಞತ್‌ ಪೋಯಿತ್, ಬಟ್ಟೆನ ತಯಾರ್‌ ಮಾಡುವ. ಅಕ್ಕ ನಿಂಗ ತ್‍ೕಡಿಯಂಡುಳ್ಳ ಯೆಹೋವನು, ನಿಂಗ ಕುಶಿಪಡುವ ಒಪ್ಪಂದತ್‌ರ ದೂತನು ತಾಂಡ ದೇವಾಲಯಕ್‌ ಬೆರಿಯ ಬಪ್ಪ. ಇದಾ, ಅಂವೊ ಬಂದಂಡುಂಡ್‍ೕಂದ್‌ ಸೇನೆರ ಯೆಹೋವ ಎಣ್ಣಿಯಂಡುಂಡ್.

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:19

ಅದ್ಂಗ್ ದೇವದೂತ: ನಾನ್ ದೇವಡ ಸನ್ನಿದಿಲ್ ನಿಪ್ಪ ಗಬ್ರಿಯೇಲ ಎಣ್ಣುವ ದೂತ. ನೀಡ ಕೂಡೆ ತಕ್ಕ್ ಪರಿವಕಾಯಿತು ಈ ನಲ್ಲ ಸುದ್ದಿನ ನೀಕ್ ಎಣ್ಣ್‌ವಕಾಯಿತು ನೀಡ ಪಕ್ಕ ನನ್ನ ದೇವ ಅಯಿಚತ್‍ೕಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:10

ದೇವದೂತ ಅಯಿಂಗಳ ನೋಟಿತ್: ನಿಂಗ ಬೊತ್ತತಿ! ಎಲ್ಲಾ ಜನಕ್ ಕುಶಿ ಆಪಂತ ನಲ್ಲ ಸುದ್ದಿನ ನಾನ್ ನಿಂಗಕ್ ಎಡ್‌ತ ಬಂದಿಯೇಂದ್ ಎಣ್ಣ್‌ಚಿ.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 13:23

ಇನ್ನನೆ ದಾವೀದಂಡ ಸಂತಾನತ್ಂಜ ದೇವ ತಾಂಡ ವಾಗ್ದಾನತ್‍ರನೆಕೆ ಇಸ್ರಾಯೇಲ್ ಜನತ್‍ರ ರಕ್ಷಣೆಕಾಯಿತ್ ಯೇಸು ಎಣ್ಣ್‌ವ ರಕ್ಷಕನ ಅಯಿಚತ್.

ಅಪೊಸ್ತಲ 13:38

ಆನಗುಂಡ್ ನಾಡ ಅಣ್ಣತಮ್ಮಣಂಗಳೇ, ಈ ಯೇಸುರ ಮೂಲಕ ನಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟ್‌ವಾಂದ್ ನಿಂಗಕ್ ಗೊತ್ತ್ ಮಾಡ್‌ವಕಾಯಿತೇ ನಂಗ ಎಣ್ಣಿಯಂಡುಂಡ್.

ಅಪೊಸ್ತಲ 14:15

ಜನಳೇ, ನಿಂಗ ಎನ್ನಂಗ್ ಇನ್ನನೆ ಮಾಡ್‌ವಿರ? ನಂಗಳು ನಿಂಗಡನೆಕೆ ಮನುಷ್ಯಂಗ, ದೇವ ಅಲ್ಲ; ನಿಂಗ ಈ ಬೋಂಡತದ್‍ನೆಲ್ಲ ಬುಟ್ಟಿತ್, ಬಾನ ಬೂಮಿ, ಕಡಲ್ ಪಿಂಞ ಅದ್‍ಲ್ ಉಳ್ಳ ಎಲ್ಲಾನ ಸೃಷ್ಟಿ ಮಾಡ್‍ನ ಜೀವವುಳ್ಳ ದೇವಡ ಬರಿಕ್ ತಿರ್‌ಗಿತ್ ಬರಂಡೂಂದ್ ನಿಂಗಕ್ ಈ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡುಂಡ್‍ೕಂದ್ ಬಲ್ಯ ಸ್ವರತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 26:6

ಇಕ್ಕಲು, ದೇವ ನಂಗಡ ಅಜ್ಜಂಗಕ್ ಮಾಡ್‍ನ ಒಪ್ಪಂದತ್‍ನ ಪೂರ್ತಿ ಮಾಡಂಡೂಂದ್ ಉಳ್ಳ ನಿರೀಕ್ಷೆಕಾಯಿತ್ ನಾನ್ ವಿಚಾರಣೆಕ್ ಒಳಪಟ್ಟಿತುಳ್ಳ.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 5:42

ಪಿಂಞ ದಿನಾಲು ಅಯಿಂಗ ದೇವಾಲಯತ್‍ಲು, ಓರೋರ್ ಮನೇಲು, ಕೂಡಿ ಬಂದಿತ್, ದೇವಡ ವಾಕ್ಯತ್‍ನ ಬೋದನೆ ಮಾಡಿಯಂಡ್, ಯೇಸುವೇ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಪ್ಪ್‌ಚಿಡತೆ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್.

ರೋಮ್ 1:2

ದೇವಡ ಈ ನಲ್ಲ ಸುದ್ದಿ ದೇವಡ ಪ್ರವಾದಿಯಂಗಡ ಮೂಲಕ ಪಂಡೇ ವಾಗ್ದಾನ ಮಾಡಿತ್, ಪವಿತ್ರ ವಾಕ್ಯತ್‍ಲ್ ಒಳ್‍ದಿ ಬೆಚ್ಚಿತ್ಂಜತ್.

ರೋಮ್ 10:15

ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಳ ಅಯಿಂಗಡ ಪಕ್ಕ ಅಯಿಕತೆ ಪೋಚೇಂಗಿ ದಾರ್ ಎಣ್ಣುವ? ಅದ್ಂಗೇ, ಸಮಾದಾನತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಡ ಪಾದ ಎಚ್ಚಕ್ ಚಾಯಿ ಉಂಡ್‍ೕಂದ್ ಒಳ್‍ದಿ ಬೆಚ್ಚಿತುಂಡಲ್ಲ?

ರೋಮ್ 4:13

ಅಬ್ರಹಾಮಂಗ್ ಪಿಂಞ ಅಂವೊಂಡ ಸಂತಾನಕಾರಂಗಕ್, ಈ ಲೋಕತ್‍ರ ಹಕ್ಕ್‌ದಾರಂಗಳಾಪಿರಾಂದ್ ಕ್‍ಟ್ಟ್‌ನ ವಾಗ್ದಾನ, ನ್ಯಾಯಪ್ರಮಾಣತ್‍ರ ಮೂಲಕ ಕ್‍ಟ್ಟತೆ, ನಂಬಿಕೇರ ಮೂಲಕ ಬಪ್ಪ ನೀತಿರಗುಂಡ್ ಕ್‍ಟ್ಟ್‌ಚಿ.

ರೋಮ್ 9:4

ಅಯಿಂಗ ಇಸ್ರಾಯೇಲ್ ಜನ; ಮಕ್ಕಕುಳ್ಳ ಹಕ್ಕ್ ಅಯಿಂಗಡದೇ, ದೇವಡ ಮಹಿಮೇನೆ ಅಯಿಂಗಕೇ ಕಾಂಬ್‍ಚಿಟ್ಟತ್; ಅಯಿಂಗಕೇ ಒಪ್ಪಂದ ಮಾಡ್‍ಚಿ, ಅಯಿಂಗಕೇ ನ್ಯಾಯಪ್ರಮಾಣತ್‍ನ ಕೊಡ್‍ತತ್; ಅಯಿಂಗಕೇ ಆರಾದನೆ ಮಾಡ್‌ವ ಬಾಗ್ಯತ್‍ನ ಕೊಡ್‍ತತ್ ಪಿಂಞ ಅಯಿಂಗಕೇ ದೇವಡ ವಾಗ್ದಾನವು ಕ್‍ಟ್ಟ್‌ಚಿ.