ಅಪೊಸ್ತಲ 13:29 - ಕೊಡವ ಬೈಬಲ್

²⁹ ಅಂವೊಂಡ ವಿಷಯತ್, ಒಳ್‍ದಿತುಳ್ಳಾನೆಲ್ಲ ನೆರವೇರಿಚಿಟ್ಟ ಪಿಂಞ ಅಂವೊನ ಶಿಲುಬೆಯಿಂಜ ಇಳ್‌ಪಿತ್ ಗೋರಿಕ್ ಇಟ್ಟತ್.

ಅಪೊಸ್ತಲ 13:29 ပူးပေါင်းရင်းမြစ်များ

ಮಾರ್ಕ 15:42

ಸಬ್ಬತ್ ದಿವಸಕ್ ಮಿಂಞತ್‍ರ ದಿವಸ ತಯಾರ್ ನಾಳಾಯಿತ್ಂಜಗುಂಡ್, ಅಲ್ಲಿಯತ್‍ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯ ಇಂಜತ್. ಅಂವೊ ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡಿಂಜತ್. ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣುವ ಇಂವೊ ಒರ್ ಪೋಡಿಯು ಇಲ್ಲತೆ ಪಿಲಾತ ರಾಜಂಡ ಪಕ್ಕ ಪೋಯಿತ್ ಚತ್ತ್‌ಪೋನ ಯೇಸುರ ಚಾವ್ ತಡೀನ ಕ್‍ೕಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:50

ದೇವಡ ರಾಜ್ಯ ಬಪ್ಪಕ್ ಪಾರಕಾತಂಡ್ ಇಂಜ ಯೆಹೂದ್ಯತ್‍ರ ಅರಿಮಥಾಯ ಊರ್‍ಂಜ ಬಂದ ಯೋಸೇಫ ಎಣ್ಣ್‌ವಂವೊ ಇಂಜತ್. ಅಂವೊ ನಲ್ಲಂವೊನು ನೀತಿವಂತಂವೊನು ಆಯಿತ್ಂಜತ್. ಅಂವೊ ಅಲ್ಲಿಯತ್‍ರ ಯೆಹೂದ್ಯ ಕಾನೂನ್‌ರ ಸಬೆರ ಒರ್ ಮರ್ಯಾದೆ ಉಳ್ಳ ಮನುಷ್ಯನಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:53

ಯೇಸುರ ತಡೀನ ಶಿಲುಬೆಯಿಂಜ ಅಡಿಕ್ ಕೊಂಡ್‌ಬಂತ್, ಒರ್ ನಾರ್ಬಟ್ಟೆಲ್ ಸುತ್ತಿತ್, ಮಿಂಞಲೇ ಪಾರೆಕಲ್ಲ್‌ನ ಕೆತ್ತಿತ್ಂಜ ಗೋರಿರ ಒಳ್‍ಕ್ ಚತ್ತ್‌ಪೋನ ಯೇಸುರ ತಡೀನ ಬೆಚ್ಚತ್. ಈ ಗೋರಿ ಇಲ್ಲಿಕತ್ತನೆ ದಾರ್‌ನು ಇಡತೆ ಪುದಿಯ ಗೋರಿಯಾಯಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:44

ನಾನ್ ನಿಂಗಡ ಕೂಡೆ ಇಪ್ಪಕಲೆ, ಮೋಶೇರ ನ್ಯಾಯಪ್ರಮಾಣತ್‍ಲ್, ಪ್ರವಾದಿಯಂಗಡ ಪುಸ್ತಕತ್‍ಲ್ ಪಿಂಞ ದೇವಡ ಪಾಟ್‍ಲ್ ಒಳ್‍ದಿತುಳ್ಳ ನಾಡ ವಿಷಯವೆಲ್ಲ ಆಂಡೂಂದ್ ಎಣ್ಣಿಯೆ.

ಯೋಹಾನ 19:28

ಇಚ್ಚಕ್ ಎಲ್ಲಾ ಆನ ಪಿಂಞ, ಎಲ್ಲಾ ಆಚೀಂದ್ ಯೇಸುಕ್ ಗೊತ್ತಾಚಿ. ಆನಗುಂಡ್ ದೇವಡ ವಾಕ್ಯತ್‍ಲ್ ಒಳ್‍ದ್‍ನ ಪ್ರಕಾರ ನೆರೆವೇರ್‌ವಕಾಯಿತ್ ನಾಕ್ ಬಾಯರಿಕೆಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಯೋಹಾನ 19:30

ಯೇಸು ದ್ರಾಕ್ಷಿರಸತ್‍ನ ಬಾಯಿಕ್ ಎಡ್‌ತ ಪಿಂಞ, ತ್‍ೕಂದತ್‍ೕಂದ್ ಎಣ್ಣಿತ್, ಮಂಡೆನ ಬಗ್ಗ್‌ಚಿಟ್ಟಿತ್ ಅಂವೊಂಡ ಜೀವತ್‍ನ ಬುಟ್ಟತ್.

ಅಪೊಸ್ತಲ 13:27

ಯೆರೂಸಲೇಮ್‍ಲ್ ವಾಸ ಮಾಡಿಯಡಿಂಜ ಜನಳು, ಅಯಿಂಗಡ ಅದಿಕಾರಿಯಳು ಯೇಸು ದಾರ್‍ೕಂದ್ ಗೊತ್ತ್‌ಮಾಡಿತ್‌ಲ್ಲೆ. ಪ್ರತಿ ವಾರ ಅಯಿಂಗಡ ಸಬಾಮಂದಿರತ್‍ಲ್ ಓದ್‍ವ ಪ್ರವಾದಿಯಂಗಡ ವಾಕ್ಯತ್‍ಲ್ ಉಳ್ಳ ಅಂವೊಂಡ ವಿಷಯಕೂಡೆ ಅಯಿಂಗಕ್ ಅರ್ಥ ಆಯಿತ್‌ಲ್ಲೆ. ಅದ್ಂಗ್ ಬದ್‍ಲ್ ಅಂವೊ ಚಾವನೆಕೆ ತೀರ್ಪ್ ಮಾಡಿತ್, ಪ್ರವಾದಿಯಂಗ ಎಣ್ಣ್‌ನ ವಾಕ್ಯತ್‍ನ ನೆರೆವೇರಿಚಿಟ್ಟತ್.

ಅಪೊಸ್ತಲ 2:23

ಆಚೇಂಗಿಯು, ದೇವ ತೀರ್ಮಾನ ಮಾಡ್‍ನ ಆಲೋಚನೆರನೆಕೆ ಪಿಂಞ ಮಿಂಞಕ್ ಎಂತಾಪಾಂದ್ ಗೊತ್ತುಳ್ಳ ಅಂವೊಂಡ ಗುಣತ್‍ರನೆಕೆ, ಅಂವೊನ ನಿಂಗಡ ಕೈಲ್ ದೇವ ಒಪ್ಪ್‌ಚಿಡ್‌ವಕ, ನಿಂಗ ಅಂವೊನ ಯೆಹೂದ್ಯ ಅಲ್ಲತಯಿಂಗಡ ಕೈಕ್ ಕೊಡ್‌ತಿರ. ಅಯಿಂಗ ಅಂವೊನ ಶಿಲುಬೇಕ್ ಇಟ್ಟಿತ್ ಕೊಂದತ್.

ಅಪೊಸ್ತಲ 26:22

ಆಚೇಂಗಿ, ನಾನ್ ದೇವಡ ಸಹಾಯತ್‍ನ ಪಡ್ಂದಿತ್ ಈ ದಿವಸಕತ್ತನೆ, ಚೆರಿಯಯಿಂಗಕು ಪೆರಿಯಯಿಂಗಕು ಸಾಕ್ಷಿ ಎಣ್ಣ್‌ವಂವೊನಾಯಿತುಳ್ಳ. ಪ್ರವಾದಿಯಂಗಳು ಮೋಶೇಯು ಎಣ್ಣ್‌ನ ವಿಷಯವಲ್ಲತೆ ಬೋರೆ ಒಂದು ಎಣ್ಣಿಯಂಡಿಲ್ಲೆ.

ಅಪೊಸ್ತಲ 4:28

ನೀಡ ಅದಿಕಾರತ್ಂಜ, ನೀಡ ಚಿತ್ತತ್‍ರನೆಕೆ ನೀನ್ ತೀರ್ಮಾನ ಮಾಡ್‍ನನೆಕೆ ಅಯಿಂಗ ಇದ್‍ನೆಲ್ಲ ಮಾಡ್‍ಚಿ.

ಅಪೊಸ್ತಲ 5:30

ನಿಂಗ ಶಿಲುಬೇಲ್ ಇಟ್ಟಿತ್ ಕೊಂದ ಯೇಸುನ, ನಂಗಡ ಅಜ್ಜಂಗಡ ದೇವ, ಚಾವ್‍ಯಿಂಜ ಎಪ್ಪ್‌ಚಿ.

1 ಕೊರಿಂಥ 15:4

ಪಿಂಞ ಅಂವೊನ ಪೂತತ್, ದೇವಡ ವಾಕ್ಯ ಮಿಂಞಲೇ ಎಣ್ಣ್‌ನನೆಕೆ ಮೂಂದನೆ ದಿವಸತ್‍ಲ್ ಅಂವೊ ಚಾವ್‍ಯಿಂಜ ಜೀವವಾಯಿತ್ ಎದ್ದತ್.