ಅಪೊಸ್ತಲ 13:16 - ಕೊಡವ ಬೈಬಲ್

¹⁶ ಅಕ್ಕ ಪೌಲ: ಎದ್ದಿತ್ ಅಯಿಂಗಕ್ ಕೈ ಸನ್ನೆ ಮಾಡಿತ್, ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ. ಇಸ್ರಾಯೇಲ್ ಜನಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಕ್‍ೕಳಿ.

ಅಪೊಸ್ತಲ 13:16 ပူးပေါင်းရင်းမြစ်များ

ಮತ್ತಾಯ 11:15

ಕ್‍ೕಪಕ್ ಕೆಮಿ ಉಳ್ಳಯಿಂಗ ಕ್‍ೕಳೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:22

ಜಕರಿಯ ಒಳ್‌ಳಿಂಜ ಪೊರಮೆ ಬಪ್ಪಕ ಅಂವೊಂಗ್ ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯಿಂಜಿತ್ತ್‌ಲ್ಲೆ. ಅಂವೊ ಕೈಯಿಲ್ ಸನ್ನೆ ಮಾಡಿ ಕಾಟಿಯಂಡಿಂಜಗುಂಡ್, ಅಂವೊ ದೇವಡ ದರ್ಶನ ಕಂಡಿತಿಕ್ಕೂಂದ್ ಜನಕ್ ಗೊತ್ತಾಚಿ. ಆಚೇಂಗಿ ಅಂವೊ ತಕ್ಕ್ ಪರಿಯುವಕ್ ಕಯ್ಯತೆ ಇಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:50

ಅಂವೊಂಗ್ ಬೊತ್ತಿಯಂಡ್ ನಡ್‍ಪಯಿಂಗಕ್ ಒರ್ ಸಂತಾನತ್ಂಜ ಇಂಞೊರ್ ಸಂತಾನಕ್ ಕನಿಕರ ಕಾಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:40

ಇಂಞೊರ್ ಕಳ್ಳ, ಆ ಕಳ್ಳನ ನೋಟಿತ್: ನೀನ್ ಇಕ್ಕಾಚೇಂಗಿಯು ದೇವಕ್ ಬೊತ್ತ್‌ಲೆಯಾ?

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಅಪೊಸ್ತಲ 10:35

ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 13:26

ಅಣ್ಣತಮ್ಮಣಂಗಳೇ, ಅಬ್ರಹಾಮಂಡ ಸಂತಾನಕಾರಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಈ ರಕ್ಷಣೆರ ಬೋದನೆನ ನಂಗಕಾಯಿತೇ ಅಯಿಚತ್.

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 19:33

ಚೆನ್ನ ಯೆಹೂದ್ಯಂಗ ಅಲೆಕ್ಸಾಂದ್ರ ಎಣ್ಣುವ ಒಬ್ಬನ ವೇದಿಕೆಕ್ ತಳ್ಳ್‌ಚಿ. ಅಕ್ಕ ಅಲೆಕ್ಸಾಂದ್ರ ಜನಳ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡಿತ್, ಜನಕ್ ಉತ್ತರ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 2:14

ಅಕ್ಕ ಪೇತ್ರ, ತಾಂಡಕೂಡೆ ಇಂಜ ಪನ್ನಂದ್ ಅಪೊಸ್ತಲಂಗಡ ಕೂಡೆ ನಿಂದಿತ್, ಅಯಿಂಗಳ ನೋಟಿತ್ ಬಲ್ಯ ಸ್ವರತ್‍ಲ್: ಯೆಹೂದ್ಯಂಗಳೇ, ಯೆರೂಸಲೇಮ್‍ಲ್ ವಾಸ ಮಾಡಿಯಂಡ್ ಉಳ್ಳ ಜನಳೇ, ನಾಡ ತಕ್ಕ್‌ನ ಎಚ್ಚರತ್‍ಲ್ ಕ್‍ೕಳಿ, ಇದ್ ನಿಂಗಕ್ ಗೊತ್ತಿರಂಡು.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 22:22

ಈ ತಕ್ಕ್‌ಕತ್ತನೆ ಜನ ಕ್‍ೕಟಂಡಿಂಜತ್. ಬಯ್ಯ: ಇಂಥಂವೊನ ಬೂಮಿಯಿಂಜ ಎಡ್‍ತ್‍ರಿ; ಇಂವೊಂಗ್ ಬದ್‍ಕ್‍ವಕ್ ಯೋಗ್ಯತೆ ಇಲ್ಲೇಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 3:12

ಪೇತ್ರ ಇದ್‍ನ ನೋಟಿತ್, ಜನಕ್: ಇಸ್ರಾಯೇಲ್ ಜನಳೇ, ನಿಂಗ ಎನ್ನಂಗ್ ಇದ್‍ನ ನೋಟಿತ್ ಆಶ್ಚರ್ಯ ಪಡುವಿರ? ನಿಂಗ ಎನ್ನಂಗ್ ನಂಗಳ ಇನ್ನನೆ ನೋಟ್‍ವಿರ? ಇಂವೊನ ನಡ್‍ಪನೆಕೆ ಮಾಡ್‍ನದ್, ನಂಗಡ ಸ್ವಂತ ಶಕ್ತಿಯಿಂಜಲು ಅಲ್ಲ, ನಂಗಡ ಬಕ್ತಿಯಿಂಜಲು ಅಲ್ಲ.

ಪ್ರಕಟನೆ 2:11

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗ ದಂಡನೆ ಚಾವ್‍ರಗುಂಡ್ ಪಾಳಾಯಿ ಪೋಪುಲೆ. ಇನ್ನನೆ ಒಳ್‍ದ್.

ಪ್ರಕಟನೆ 2:17

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಯಿಂಗಕ್, ನಾನ್ ಮುಚ್ಚಿತ್ ಬೆಚ್ಚಿತುಳ್ಳ ಮನ್ನಾನ ತಿಂಬಕ್ ಕೊಡ್‌ತಿತ್, ಅಂವೊಂಗ್ ಬೊಳ್‍ತ ಗುರ್‍ತ್‍ರ ಕಲ್ಲ್‌ನ ಕೊಡ್‍ಪಿ. ಆ ಕಲ್ಲ್‌ಲ್ ಒಳ್‍ದಿತುಳ್ಳದ್‍ನ, ಆ ಕಲ್ಲ್ ಕ್‍ಟ್ಟ್‌ನಂವೊಂಗ್ ಅಲ್ಲತೆ ಬೋರೆ ಒಬ್ಬಂಗು ಗೊತ್ತಾಪಕ್ಕಾಗತ ಪುದಿಯ ಪೆದತ್‍ನ ಅಂವೊಂಗ್ ಕೊಡ್‍ಪಿ. ಇನ್ನನೆ ಒಳ್‍ದ್.

ಪ್ರಕಟನೆ 2:29

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್. ಇನ್ನನೆ ಒಳ್‍ದ್.

ಪ್ರಕಟನೆ 2:7

ಪವಿತ್ರಾತ್ಮ ಸಬೇಕ್ ಎಣ್ಣಿಯಂಡುಳ್ಳದ್‍ನ ಕ್‍ೕಪಕ್ ಕೆಮಿ ಉಳ್ಳಂವೊ ಕ್‍ೕಕಡ್; ದಾರೆಲ್ಲಾ ಗೆಲ್ಲುವ, ಅಂವೊಂಗ್ ದೇವಡ ಪರದೈಸಿರ ಮದ್ಯತ್‍ಲ್ ಉಳ್ಳ ಜೀವತ್‍ರ ಪಣ್ಣ್‌ನ ತಿಂಬಕ್ ಕೊಡ್‍ಪಿ. ಇನ್ನನೆ ಒಳ್‍ದ್.