ಅಪೊಸ್ತಲ 13:13 - ಕೊಡವ ಬೈಬಲ್

¹³ ಅಲ್ಲಿಂಜ ಪೌಲ ಪಿಂಞ ಅಂವೊಂಡ ಕೂಡೆಯಿಂಜ ಎಲ್ಲಾರು ಪಾಫೋಸ್ ಎಣ್ಣುವ ಪಟ್ಟಣತ್‍ನ ಬುಟ್ಟಿತ್ ಸಮುದ್ರ ಮಾರ್ಗವಾಯಿತ್ ಪಂಫುಲ್ಯ ಸೀಮೆಕ್ ಕೂಡ್‍ನ ಪೆರ್ಗೆ ಎಣ್ಣುವ ಪಟ್ಟಣಕ್ ಬಾತ್. ಅಲ್ಲಿಕತ್ತನೆ ಅಯಿಂಗಡ ಕೂಡೆ ಬಂದಂಡಿಂಜ ಯೋಹಾನ ಅಯಿಂಗಳ ಬುಟ್ಟಿತ್ ಪುನಃ ಯೆರೂಸಲೇಮ್‌ಕ್ ವಾಪಸ್ ಪೋಚಿ.

ಅಪೊಸ್ತಲ 13:13 ပူးပေါင်းရင်းမြစ်များ

ಅಪೊಸ್ತಲ 12:12

ಅಂವೊಂಗ್ ಇದ್ ಚಾಯಿತೆ ಗೊತ್ತಾನ ಪಿಂಞ ಮಾರ್ಕ ಎಣ್ಣುವ ಪೆದ ಉಳ್ಳ ಯೋಹಾನಂಡ ಅವ್ವನಾನ ಮರಿಯಡ ಮನೆಕ್ ಪೋಚಿ. ಅಲ್ಲಿ ದುಂಬ ಜನ ಕೂಡಿತ್ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 15:36

ಚೆನ್ನ ದಿವಸ ಆನ ಪಿಂಞ ಪೌಲ, ಬಾರ್ನಬನ ನೋಟಿತ್: ನಂಗ ದೇವಡ ನಲ್ಲ ಸುದ್ದಿನ ಎಣ್ಣಿತುಳ್ಳ ಊರುಕೆಲ್ಲಾ ಪುನಃ ಪೋಯಿತ್ ಅಲ್ಲಿ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚ ಅಣ್ಣತಮ್ಮಣಂಗ ಎನ್ನನೆ ಉಂಡ್‍ೕಂದ್ ನೋಟನ ಬಾಂದ್ ಎಣ್ಣ್‌ಚಿ.

ಅಪೊಸ್ತಲ 15:38

ಆಚೇಂಗಿ, ಪೌಲ: ಪಂಫುಲ್ಯ ನಾಡ್‍ಲ್ ನಂಗ ಇಪ್ಪಕ, ಮಾರ್ಕ ದೇವಡ ಸೇವೆ ಮಾಡ್‌ವಕ್ ನಂಗಡ ಕೂಡೆ ಬರತೆ, ನಂಗಳ ಬುಟ್ಟಿತ್ ಪೋನಗುಂಡ್, ಇಕ್ಕ ಅಂವೊನ ಕಾಕಿಯಂಡ್ ಪೋಪದ್ ಚಾಯಾಪುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 2:10

ಪೊಂತ, ಆಸ್ಯ, ಫ್ರುಗ್ಯ, ಪಂಫುಲ್ಯ, ಐಗುಪ್ತ ದೇಶತ್‍ಲ್ ಉಳ್ಳಯಿಂಗಳು, ಕುರೇನೆರ ಸುತ್ತ್‌ಮುತ್ತ್‌ಲ್ ಉಳ್ಳ ಲಿಬ್ಯ ಪ್ರಾಂತ್ಯತ್‍ಲ್ ಉಳ್ಳಯಿಂಗಳು, ರೋಮ್ ಪಟ್ಟಣತ್ಂಜ ಬಂದಯಿಂಗಳು, ಯೆಹೂದ್ಯಂಗಳು, ಯೆಹೂದ್ಯ ಪದ್ದತಿಕ್ ಕೂಡ್‍ನಯಿಂಗಳು,

ಅಪೊಸ್ತಲ 27:13

ತೆಕ್ಕ್ ದಿಕ್ಕ್‌ಂಜ ಗಾಳಿ ಮೆಲ್ಲೆ ಬೀಜಿಯಂಡ್ ಇಂಜಗುಂಡ್, ಅಯಿಂಗ ಗೇನಮಾಡ್‍ನನೆಕೆ ಎಲ್ಲಾ ಚಾಯಿ ಆಯಂಡುಂಡ್‍ೕಂದ್ ಗೇನ ಮಾಡಿತ್, ನಂಗೂರತ್‍ನ ಮೆಲ್ಲೆ ಕೊಡಿಕ್ ಬಲ್‍ಚಿತ್, ಅಲ್ಲಿಂಜ ಕ್ರೇತ ದ್ವೀಪತ್‍ರ ಕರಾವಳಿರ ಪಕ್ಕ ಪೋಚಿ.

ಅಪೊಸ್ತಲ 27:5

ಪಿಂಞ ಕಿಲಿಕ್ಯ ಪಂಫುಲ್ಯ ಸೀಮೆರ ಸಮುದ್ರತ್‍ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್, ಲುಕೀಯ ಸೀಮೆಲ್ ಉಳ್ಳ ಮುರ ಎಣ್ಣುವ ಪಟ್ಟಣಕ್ ಬಾತ್.

ಕೊಲೊಸ್ಸೆ 4:10

ನಾಡ ಕೂಡೆ ಜೈಲ್‍ಲ್ ಉಳ್ಳ ಅರಿಸ್ತಾರ್ಕ ಪಿಂಞ ಬಾರ್ನಬಂಡ ಅಕ್ಕಂಡ ಮೋಂವೊನಾನ ಮಾರ್ಕ ಸಹ ನಿಂಗಕ್ ವಂದನೆ ಎಣ್ಣಿಯಂಡುಂಡ್. (ಮಾರ್ಕಂಡ ವಿಷಯತ್ ನಿಂಗಕ್ ಮಿಂಞಲೇ ಅಪ್ಪಣೆ ಕ್‍ಟ್ಟಿತುಂಡ್; ಅಂವೊ ಬಪ್ಪಕ, ನಿಂಗ ಅಂವೊನ ಸತ್ಕಾರ ಮಾಡಂಡು).

2 ತಿಮೊಥೆಯ 4:11

ಲೂಕ ಮಾತ್ರ ನಾಡ ಕೂಡೆ ಉಂಡ್. ಮಾರ್ಕನ ನೀಡ ಕೂಡೆ ಕಾಕಿಯಂಡ್ ಬಾ. ನಾಡ ಸೇವೇಲ್ ಅಂವೊ ನಾಕ್ ಸಹಾಯ ಮಾಡ್‌ವ.