ಅಪೊಸ್ತಲ 12:6 - ಕೊಡವ ಬೈಬಲ್

⁶ ಹೆರೋದ, ಪೇತ್ರನ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಮಾಡ್‌ವಕಾಯಿತ್ ಕೊಂಡ್ ಬಪ್ಪಕ್ ಒರ್ ದಿವಸಕ್ ಮಿಂಞ ಬಯಿಟ್, ಪೇತ್ರನ ದಂಡ್ ಸರಪಣಿ‌ಯಿಂಜ ಕೆಟ್ಟಿತ್ಂಜತ್. ಅಂವೊ ದಂಡ್ ಸಿಪಾಯಿಂಗಡ ಮದ್ಯತ್ ವರಿಯಂಡಿಂಜತ್. ಜೈಲ್‍ನ ಕಾಪಯಿಂಗಳು ಪಡಿರ ಮಿಂಞತ್ ನಿಂದಿತ್ ಪಡಿನ ಕಾತಂಡಿಂಜತ್.

ಅಪೊಸ್ತಲ 12:6 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 22:14

ಅಬ್ರಹಾಮ ಆ ಜಾಗಕ್‌ ಯೆಹೋವಯೀರೆ ಎಣ್ಣಿಯಂಡ್‌ ಪೆದ ಬೆಚ್ಚತ್. ಯೆಹೋವಂಡ ಕುಂದ್‌ಲ್‌ ನಂಗಕ್‌ ಬೋಂಡಿಯಾನದ್‌ನ ತಪ್ಪ ಎಣ್ಣಿಯಂಡ್‌ ಇಕ್ಕಲು ಜನ ಎಣ್ಣುವ.

ಮತ್ತಾಯ 28:4

ಅಲ್ಲಿ ಇಂಜ ಸಿಪಾಯಿಯಂಗ, ಪೋಡಿಲ್ ನಡ್‍ಗಿತ್, ಅಯಿಂಗ ಸೊಯ ತಪ್ಪಿತ್ ಚತ್ತನೆಕೆ ಆಚಿ.

ಅಪೊಸ್ತಲ 12:5

ಪೇತ್ರ ಜೈಲ್‍ಲ್ ಇಪ್ಪಕ, ಸಬೆರ ಜನ ಅಂವೊಂಗಾಯಿತ್ ದೇವಡ ಪಕ್ಕ ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 21:33

ಅಕ್ಕ ಸೇನೆರ ಅದಿಪತಿ ಪೌಲಂಡ ಪಕ್ಕ ಬಂದಿತ್ ಅಂವೊನ ಪುಡ್‌ಚಿತ್, ಅಂವೊನ ದಂಡ್ ಸರ್ಪಣಿಲ್ ಕೆಟ್ಟ್‌ವಕ್ ಆಜ್ಞೆ ಕೊಡ್‍ತತ್. ಪಿಂಞ ಸೇನೆರ ಅದಿಪತಿ, ಇಂವೊ ದಾರ್? ಇಂವೊ ಎಂತ ಮಾಡ್‍ಚೀಂದ್ ಕ್‍ೕಟತ್.

ಅಪೊಸ್ತಲ 28:20

ಈ ಕಾರಣಕಾಯಿತೇ ನಾನ್ ನಿಂಗಳ ಕಂಡಿತ್ ತಕ್ಕ್ ಪರಿಯಂಡೂಂದ್ ಕಾಕ್‍ಚಿಟ್ಟಿಯೇ. ಇಸ್ರಾಯೇಲ್ ಜನಡ ನಂಬಿಕೇರ ನಿರೀಕ್ಷೆಕಾಯಿತ್ ಮಾತ್ರ ನಾನ್ ಇನ್ನನೆ ಸರ್ಪಣಿಲ್ ಕೈದಿಯಾಯಿತ್ ಉಳ್ಳ್‌ಂದ್ ಎಣ್ಣ್‌ಚಿ.

ಅಪೊಸ್ತಲ 5:23

ನಂಗ ಸೆರೆಮನೆಕ್ ಪೋಪಕ ಅದ್ ಬೀಗ ಇಟ್ಟಿತ್, ಬದ್ರವಾಯಿತ್ ಇಂಜತ್, ಅದ್ಂಡ ಪಕ್ಕ ಸಿಪಾಯಿಯಂಗ ನಿಂದಂಡಿಂಜತ್. ಆಚೇಂಗಿ ಅದ್‍ನ ತೊರ್‌ಪಕ, ನಂಗ ಒಳ್‍ಲ್ ದಾರ್‌ನು ಕಂಡಿತ್ತಿಲ್ಲೇಂದ್ ಎಣ್ಣ್‌ಚಿ.

ಎಫೆಸ 6:20

ದೇವಡ ನಲ್ಲ ಸುದ್ದಿರ ಗುಟ್ಟ್‌ನ ಎಣ್ಣುವಕ್ ಸರಿಯಾನ ಬಾಕ್ ನಾಕ್ ಕ್‍ಟ್ಟ್‌ವಕಾಯಿತ್‌ ಪ್ರಾರ್ಥನೆ ಮಾಡಿ.

2 ತಿಮೊಥೆಯ 1:16

ದೇವ ಒನೇಸಿಫೊರಂಡ ಮನೆಕ್ ಕರುಣೆ ಕಾಟಡ್. ಎನ್ನಂಗೆಣ್ಣ್‌ಚೇಂಗಿ ಅಂವೊ ದುಂಬ ಕುರಿ ಬಂತ್ ನಾಕ್ ಪುರ್‌ಡ್ ಕೊಡ್‍ತತ್; ಪಿಂಞ ನಾನ್ ಕೈದಿಯಾಯಿತ್ ಇಂಜತೇಂಗಿಯು ಅಂವೊ ಞಾಣ ಪಟ್ಟಿತ್ತ್‌ಲ್ಲೆ.

ಇಬ್ರಿಯ 13:6

ಆನಗುಂಡ್, ನಂಗ ದೈರ್ಯವಾಯಿತ್: ಒಡೆಯ ನಾಕ್ ಸಹಾಯ ಮಾಡ್‌ವಂವೊ, ನಾಕ್ ಪೋಡಿ ಇಲ್ಲೆ, ಮನುಷ್ಯ ನಾಕ್ ಎಂತ ಮಾಡ್‌ವಾಂದ್ ಎಣ್ಣುವಕ್ ಆಪಲ್ಲಾ?