ಅಪೊಸ್ತಲ 12:5 - ಕೊಡವ ಬೈಬಲ್

⁵ ಪೇತ್ರ ಜೈಲ್‍ಲ್ ಇಪ್ಪಕ, ಸಬೆರ ಜನ ಅಂವೊಂಗಾಯಿತ್ ದೇವಡ ಪಕ್ಕ ಎಡೆಬುಡತೆ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 12:5 ပူးပေါင်းရင်းမြစ်များ

ಮತ್ತಾಯ 18:19

ಇದ್‍ಲ್ಲತೆ ಬೂಲೋಕತ್‍ಲ್ ದಂಡಾಳ್ ಕೂಡಿಯಂಡ್ ಒರ್ ವಿಷಯಕಾಯಿತ್ ಒರೇ ಮನಸ್ಸ್‌ಲ್ ದೇವಡ ಪಕ್ಕ ಬೋಡ್‌ನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಅದ್‍ನ ಅನ್ನನೆ ಮಾಡ್‌ವಾಂದ್ ನಿಂಗಕ್ ಎಣ್ಣ್‌ವಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:1

ಯೇಸು ಅಂವೊಂಡ ಶಿಷ್ಯಂಗಕ್, ಅಯಿಂಗ ತಳ್ಂದ್ ಪೋಕತೆ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಕ್ಕಂಡೂಂದ್ ಒರ್ ಕಥೇರ ರೂಪ ಎಣ್ಣಿ ಕೊಡ್‍ತತ್.

ಅಪೊಸ್ತಲ 12:12

ಅಂವೊಂಗ್ ಇದ್ ಚಾಯಿತೆ ಗೊತ್ತಾನ ಪಿಂಞ ಮಾರ್ಕ ಎಣ್ಣುವ ಪೆದ ಉಳ್ಳ ಯೋಹಾನಂಡ ಅವ್ವನಾನ ಮರಿಯಡ ಮನೆಕ್ ಪೋಚಿ. ಅಲ್ಲಿ ದುಂಬ ಜನ ಕೂಡಿತ್ ಪ್ರಾರ್ಥನೆ ಮಾಡಿಯಂಡಿಂಜತ್.

ಅಪೊಸ್ತಲ 12:4

ಅಂವೊನ ಪುಡ್‌ಚಿತ್ ಜೈಲ್‍ಲ್ ಇಟ್ಟಿತ್, ಪಸ್ಕ ನಮ್ಮೆ ಕಯಿಂಜ ಪಿಂಞ ಅಂವೊ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಕೊಡ್‍ಪಕ್ ಕೊಂಡ್ ಬಪ್ಪಕ್ ಗೇನ ಮಾಡಿತ್, ಅಯಿಂಗಳ ಕಾಪಕಾಯಿತ್ ನಾಲ್ ನಾಲ್ ಸಿಪಾಯಿಯಳ ನಾಲ್ ಗುಂಪಾಯಿತ್ ಏರ್ಪಾಡ್ ಮಾಡ್‍ಚಿ.

ಅಪೊಸ್ತಲ 12:6

ಹೆರೋದ, ಪೇತ್ರನ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಮಾಡ್‌ವಕಾಯಿತ್ ಕೊಂಡ್ ಬಪ್ಪಕ್ ಒರ್ ದಿವಸಕ್ ಮಿಂಞ ಬಯಿಟ್, ಪೇತ್ರನ ದಂಡ್ ಸರಪಣಿ‌ಯಿಂಜ ಕೆಟ್ಟಿತ್ಂಜತ್. ಅಂವೊ ದಂಡ್ ಸಿಪಾಯಿಂಗಡ ಮದ್ಯತ್ ವರಿಯಂಡಿಂಜತ್. ಜೈಲ್‍ನ ಕಾಪಯಿಂಗಳು ಪಡಿರ ಮಿಂಞತ್ ನಿಂದಿತ್ ಪಡಿನ ಕಾತಂಡಿಂಜತ್.

1 ಕೊರಿಂಥ 12:26

ಅಕ್ಕ, ತಡೀರ ಒರ್ ಬಾಗ ಕಷ್ಟಪಟ್ಟತೇಂಗಿ, ಅದ್ಂಡಕೂಡೆ ತಡೀರ ಎಲ್ಲಾ ಬಾಗವು ಕಷ್ಟಪಡ್‌ವ. ಒರ್ ಬಾಗ ಕುಶಿಪಟ್ಟತೇಂಗಿ ಬೋರೆ ಎಲ್ಲಾ ಬಾಗವು ಕುಶಿ ಪಡುವ.

2 ಕೊರಿಂಥ 1:11

ನಿಂಗ ನಿಂಗಡ ಪ್ರಾರ್ಥನೆರ ಮೂಲಕ ನಂಗಕ್ ಸಹಾಯ ಮಾಡಂಡು. ಅಕ್ಕ, ನಂಗಡ ಬದ್ರತೆಕಾಯಿತ್ ಮಾಡ್‍ನ ಪ್ರಾರ್ಥನೆಕ್ ದೇವ ಉತ್ತರ ಕೊಡ್‌ತಿತ್ ನಂಗಳ ಆಶೀರ್ವಾದ ಮಾಡ್‍ಚೇಂದ್ ದುಂಬ ಜನ ನಂಗಕಾಯಿತ್ ವಂದನೆ ಎಣ್ಣುವ.

1 ಥೆಸಲೊನೀಕ 5:17

ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇರಿ.

ಇಬ್ರಿಯ 13:3

ಕ್ರಿಸ್ತಂಗಾಯಿತ್ ಕೈದಿಯಾಯಿತ್ ಇಪ್ಪಯಿಂಗಡ ಕೂಡೆ ನಿಂಗಳು ಕೈದಿಯಾಯಿತ್ ಇಪ್ಪನೆಕೆ ಗೇನ ಮಾಡಿಯೊಳಿ; ಅವಮಾನತ್‍ನ ಸಹಿಸಿಯಂಡ್ ಇಪ್ಪಯಿಂಗಳ ಗೇನ ಮಾಡಿತ್ ನಿಂಗಕು ಅನ್ನನೆ ಆನನೆಕೆ ಗೇನ ಮಾಡಿಯೊಳಿ.

ಯಾಕೋಬ 5:16

ಆನಗುಂಡ್ ನಿಂಗಡ ಕಾಯಿಲೆ ವಾಸಿ ಆಪನೆಕೆ ನಿಂಗಡ ಪಾಪತ್‍ನ ಒಬ್ಬಂಗೊಬ್ಬ ಅರಿಕೆ ಮಾಡಿತ್, ಒಬ್ಬಂಗೊಬ್ಬ ಪ್ರಾರ್ಥನೆ ಮಾಡಂಡು. ನೀತಿವಂತಂವೊ ಮಾಡ್‌ವ ನಂಬಿಕೇರ ಪ್ರಾರ್ಥನೆ ದುಂಬ ಶಕ್ತಿ ಉಳ್ಳದಾಯಿತಿಪ್ಪ.