ಅಪೊಸ್ತಲ 12:3 - ಕೊಡವ ಬೈಬಲ್

³ ಈ ವಿಷಯ ಯೆಹೂದ್ಯಂಗಳ ಎಚ್ಚಕ್ ಕುಶಿಪಡ್‍ತ್‍ಚೀಂದ್ ಗೊತ್ತಾನ ಪಿಂಞ ಪೇತ್ರನ ಕೂಡೆ ಪುಡಿಪಕ್ ಮಿಂಞಕ್ ಪೋಚಿ. ಅಕ್ಕ ಪಸ್ಕ ನಮ್ಮೆರ ಕಾಲವಾಯಿತ್ಂಜತ್.

ಅಪೊಸ್ತಲ 12:3 ပူးပေါင်းရင်းမြစ်များ

ಮತ್ತಾಯ 26:17

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆರ ಆದ್ಯ ದಿವಸತ್‍ಲ್ ಯೇಸುರ ಶಿಷ್ಯಂಗ ಅಂವೊಂಡ ಪಕ್ಕ ಬಂದಿತ್: ನಿಂಗ ಪಸ್ಕ ತಿಂಬಕ್ ನಂಗ ಎಲ್ಲಿ ಪೋಯಿತ್ ತಯಾರ್ ಮಾಡನಾಂದ್ ಕ್‍ೕಟತ್.

ಯೋಹಾನ 12:43

ಎನ್ನಂಗೆಣ್ಣ್‌ಚೇಂಗಿ, ಅಯಿಂಗ ದೇವಡ ಕಡೇಯಿಂಜ ಕ್‍ಟ್ಟುವ ಮರ್ಯಾದೆಕಿಂಜ ಮನುಷ್ಯಂಗ ತಪ್ಪ ಮರ್ಯಾದೆಲ್ ದುಂಬ ಕುಶಿಪಟ್ಟತ್.

ಯೋಹಾನ 19:11

ಅಕ್ಕ ಯೇಸು ಅಂವೊಂಗ್: ದೇವ ನೀಕ್ ನಾಡ ಮೇಲೆ ಅದಿಕಾರ ಕೊಡ್‍ಕತೆ ಪೋನಕ ನೀಕ್ ನಾಡ ಮೇಲೆ ಏದ್ ಅದಿಕಾರವು ಇಲ್ಲೆ; ಆನಗುಂಡ್ ನನ್ನ ನೀಡ ಕೈಯಿಲ್ ಪುಡ್‌ಚಿತ್ ಕೊಡ್‍ತಯಿಂಗಕ್ ನೀಕಿಂಜ ದುಂಬ ಪಾಪ ಉಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 21:18

ನೀನ್ ಚೆರಿಯಂವೊನಾಯಿತ್‌ಪ್ಪಕ ನೀನ್ ನೀಡ ಬಟ್ಟೇನೆ ಇಟ್ಟಂಡ್, ನೀಕ್ ಕುಶಿಯುಳ್ಳ ಜಾಗಕ್ ನೀನ್ ಪೋಪಕಿಂಜತ್. ಆಚೇಂಗಿ, ನೀಕ್ ವಯಸಾಪಕ; ನೀನ್ ನೀಡ ಕೈಯಿನ ನೀಟ್‌ವಿಯಾ, ಇಂಞೊಬ್ಬ ನೀಕ್ ನೀಡ ಬಟ್ಟೇನ ಇಟ್ಟಿತ್ ನೀಕ್ ಕುಶಿ ಇಲ್ಲತ ಜಾಗಕ್ ನಿನ್ನ ಕಾಕಿಯಂಡ್ ಪೋಪಾಂದ್ ನೇರಾಯಿತು ನೇರಾಯಿತು ನಾನ್ ನೀಕ್ ಎಣ್ಣುವೀಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 12:4

ಅಂವೊನ ಪುಡ್‌ಚಿತ್ ಜೈಲ್‍ಲ್ ಇಟ್ಟಿತ್, ಪಸ್ಕ ನಮ್ಮೆ ಕಯಿಂಜ ಪಿಂಞ ಅಂವೊ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಕೊಡ್‍ಪಕ್ ಕೊಂಡ್ ಬಪ್ಪಕ್ ಗೇನ ಮಾಡಿತ್, ಅಯಿಂಗಳ ಕಾಪಕಾಯಿತ್ ನಾಲ್ ನಾಲ್ ಸಿಪಾಯಿಯಳ ನಾಲ್ ಗುಂಪಾಯಿತ್ ಏರ್ಪಾಡ್ ಮಾಡ್‍ಚಿ.

ಅಪೊಸ್ತಲ 2:14

ಅಕ್ಕ ಪೇತ್ರ, ತಾಂಡಕೂಡೆ ಇಂಜ ಪನ್ನಂದ್ ಅಪೊಸ್ತಲಂಗಡ ಕೂಡೆ ನಿಂದಿತ್, ಅಯಿಂಗಳ ನೋಟಿತ್ ಬಲ್ಯ ಸ್ವರತ್‍ಲ್: ಯೆಹೂದ್ಯಂಗಳೇ, ಯೆರೂಸಲೇಮ್‍ಲ್ ವಾಸ ಮಾಡಿಯಂಡ್ ಉಳ್ಳ ಜನಳೇ, ನಾಡ ತಕ್ಕ್‌ನ ಎಚ್ಚರತ್‍ಲ್ ಕ್‍ೕಳಿ, ಇದ್ ನಿಂಗಕ್ ಗೊತ್ತಿರಂಡು.

ಅಪೊಸ್ತಲ 20:6

ಪುಳಿಯಿಲ್ಲತ ಒಟ್ಟಿ ತಿಂಬ ನಮ್ಮೆ ಆನ ಪಿಂಞ ನಂಗ ಫಿಲಿಪ್ಪಿ ಪಟ್ಟಣತ್ಂಜ ಪೊರಟಿತ್ ಹಡಗ್ ಪತ್ತಿತ್, ಅಂಜ್ ದಿನ ಆನ ಪಿಂಞ ತ್ರೋವ ಪಟ್ಟಣಕ್ ಬಂತ್ ಎತ್ತಿಯೆ. ಅಲ್ಲಿ ನಂಗ ಅಯಿಂಗಡ ಕೂಡೆ ಏಳ್ ದಿವಸ ಒಳಿಂಜಿತ್.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 25:9

ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಗಲಾತ್ಯ 1:10

ಇಕ್ಕ ನಾನ್ ಮನುಷ್ಯಂಡ ಅಂಗಿಕಾರಕಾಯಿತಾ ಅಥವ ದೇವಡ ಅಂಗಿಕಾರಕಾಯಿತಾ, ಎಂತಂಗಾಯಿತ್ ಪೇಚಾಡಿಯಂಡುಂಡ್? ಅಲ್ಲತೆ ಮನುಷ್ಯನ ಕುಶಿಪಡ್‌ತ್‌ವಕಾಯಿತ್ ನಾನ್ ಮಾಡಿಯಂಡುಂಡಾ? ನಾನ್ ಇಂಞು ಮನುಷ್ಯನ ಕುಶಿಪಡ್‍ತ್‌ಂವೊನಾಯಿತ್ ಉಂಡೇಂಗಿ ನಾನ್ ಕಂಡಿತವಾಯಿತ್ ದೇವಡ ಸೇವಕನಲ್ಲ.

1 ಥೆಸಲೊನೀಕ 2:4

ಅದ್ಂಡ ಬದ್‍ಲ್ ನಂಗ ಎಕ್ಕಲೂ ಅಂವೊಂಡ ನಲ್ಲ ಸುದ್ದಿನ ಎಣ್ಣ್‌ವಕ್ ನಂಗಳ ಯೋಗ್ಯವಂತಯಿಂಗಳಾಯಿತ್ ಅಂವೊ ಲೆಕ್ಕ ಮಾಡಿತ್ ನಂಗಕ್ ಒಪ್ಪ್‌ಚಿಟ್ಟನೆಕೆ ನಂಗ ತಕ್ಕ್ ಪರ್ಂದಂಡುಂಡ್. ನಂಗಡ ನೋಕ ಮನುಷ್ಯಂಗಳ ಕುಶಿಪಡ್‌ತ್‌ವಕಾಯಿತ್ ಅಲ್ಲ, ಆಚೇಂಗಿ ನಂಗಡ ಹೃದಯತ್‍ನ ಪರೀಕ್ಷೆ ಮಾಡ್‌ವ ದೇವನ ಕುಶಿಪಡ್‌ತ್‌ವನೆಕೆ ಉಂಡ್.