ಅಪೊಸ್ತಲ 12:19 - ಕೊಡವ ಬೈಬಲ್

¹⁹ ಹೆರೋದ ಪೇತ್ರನ ತ್‍ೕಡ್‌ವಕ್ ಅಯಿಂಗಕ್ ಆಜ್ಞೆ ಮಾಡ್‍ಚಿ. ಅಯಿಂಗಕ್ ಅಂವೊನ ಕಂಡ್‌ಪುಡಿಪಕ್ ಕಯ್ಯತೆ ಆಚಿ. ಅಕ್ಕ ಹೆರೋದ ಕಾಪಯಿಂಗಳ ವಿಚಾರಣೆ ಮಾಡಿತ್ ಅಯಿಂಗಳ ಕೊಲ್ಲ್‌ವಕ್ ಆಜ್ಞೆ ಮಾಡ್‍ಚಿ. ಬಯ್ಯ, ಹೆರೋದ ಯೂದಾಯ ಪ್ರಾಂತ್ಯತ್‍ನ ಬುಟ್ಟಿತ್ ಕೈಸರೈ ಪಟ್ಟಣಕ್ ಪೋಯಿತ್ ಅಲ್ಲಿ ವಾಸಯಿಂಜತ್.

ಅಪೊಸ್ತಲ 12:19 ပူးပေါင်းရင်းမြစ်များ

ಎಸ್ತೆರ್‌ 6:12

ಮೊರ್ದೆಕೈ ತಿರಿತ್‌ ರಾಜಂಡ ಅರಮನೆರ ಪಡಿರ ಪಕ್ಕ ಪೋಚಿ. ಆಚೇಂಗಿ ಹಾಮಾನ ದುಃಖತ್‌ ಮಂಡೆನ ಮುಚ್ಚಿಯಂಡ್‌ ತಾಂಡ ಮನೆಕ್‌ ಬೆರಿಯ ಪೋಚಿ.

ಮತ್ತಾಯ 2:1

ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮತ್ತಾಯ 2:13

ಅಯಿಂಗ ಅಲ್ಲಿಂಜ ಪೋನ ಪಿಂಞ ಒಡೆಯಂಡ ದೂತ ಯೋಸೇಫಂಗ್ ಸ್ವಪ್ನತ್‌ಲ್ ಕಾಂಬ್‌ಚಿಟ್ಟಂಡ್: ಹೆರೋದ ರಾಜ, ಕುಂಞಿನ ಕೊಲ್ಲುವಕ್ ನೋಟುವ. ನೀನ್ ನೀಡ ಕುಂಞಿನ ಪಿಂಞ ಕುಂಞಿರ ಅವ್ವನ ಕಾಕಿಯಂಡ್ ಐಗುಪ್ತ ದೇಶಕ್ ಪೋಯಿತ್ ಬಚಾವ್ ಆಯಿರ್. ನಾನ್ ಎಣ್ಣ್‌ವಕತ್ತನೆ ಅಲ್ಲಿ ಇರ್‍ೕಂದ್ ಎಣ್ಣ್‌ಚಿ.

ಮತ್ತಾಯ 2:16

ಜ್ಞಾನಿಯ ಅಂವೊಂಗ್ ಮೋಸ ಮಾಡಿತ್ ಬೋರೆ ಬಟ್ಟೇಕಾಲೆ ಪೋಯಿರ್‌ತ್‍ೕಂದ್ ಗೊತ್ತಾನ ಪಿಂಞ, ಹೆರೋದ ರಾಜಂಗ್ ದುಂಬ ಚೆಡಿ ಬಾತ್. ತಾಂಡ ಜನತ್‍ನ ಅಯಿಚಿತ್, ಜ್ಞಾನಿಯಡ ಪಕ್ಕ ವಿಚಾರ ಮಾಡ್‍ನ ಕಾಲಕ್ ಸರಿಯಾಯಿತ್ ಬೆತ್ಲಹೇಮ್ ಪಿಂಞ ಅದ್ಂಡ ಸುತ್ತ್‌ಮುತ್ತ್‌ಲ್ ಉಳ್ಳ ದಂಡ್ ವಯಸ್‍ಕ್ ಒಳ್‍ಲ್ ಉಳ್ಳ ಎಲ್ಲಾ ಕ್‍ಣ್ಣ ಕುಂಞಿಯಳ ಕೊಲ್ಲಂಡೂಂದ್ ಹುಕುಮ್ ಕೊಡ್‍ತತ್.

ಅಪೊಸ್ತಲ 12:18

ಪೊಲಾಕ ಆನ ಪಿಂಞ ಪೇತ್ರಂಗ್ ಎಂತಾಚೀಂದ್ ಕಾತಂಡಿಂಜಯಿಂಗಕ್ ದುಂಬ ಪೋಡಿ ಆಚಿ.

ಅಪೊಸ್ತಲ 12:4

ಅಂವೊನ ಪುಡ್‌ಚಿತ್ ಜೈಲ್‍ಲ್ ಇಟ್ಟಿತ್, ಪಸ್ಕ ನಮ್ಮೆ ಕಯಿಂಜ ಪಿಂಞ ಅಂವೊ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಕೊಡ್‍ಪಕ್ ಕೊಂಡ್ ಬಪ್ಪಕ್ ಗೇನ ಮಾಡಿತ್, ಅಯಿಂಗಳ ಕಾಪಕಾಯಿತ್ ನಾಲ್ ನಾಲ್ ಸಿಪಾಯಿಯಳ ನಾಲ್ ಗುಂಪಾಯಿತ್ ಏರ್ಪಾಡ್ ಮಾಡ್‍ಚಿ.

ಅಪೊಸ್ತಲ 12:6

ಹೆರೋದ, ಪೇತ್ರನ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಮಾಡ್‌ವಕಾಯಿತ್ ಕೊಂಡ್ ಬಪ್ಪಕ್ ಒರ್ ದಿವಸಕ್ ಮಿಂಞ ಬಯಿಟ್, ಪೇತ್ರನ ದಂಡ್ ಸರಪಣಿ‌ಯಿಂಜ ಕೆಟ್ಟಿತ್ಂಜತ್. ಅಂವೊ ದಂಡ್ ಸಿಪಾಯಿಂಗಡ ಮದ್ಯತ್ ವರಿಯಂಡಿಂಜತ್. ಜೈಲ್‍ನ ಕಾಪಯಿಂಗಳು ಪಡಿರ ಮಿಂಞತ್ ನಿಂದಿತ್ ಪಡಿನ ಕಾತಂಡಿಂಜತ್.

ಅಪೊಸ್ತಲ 16:27

ಜೈಲ್‍ನ ಕಾತಂಡಿಂಜ ಸಿಪಾಯಿ ಎದ್ದಿತ್, ಜೈಲ್‍ರ ಪಡಿಯೆಲ್ಲ ತೊರ್‌ಂದಿತುಳ್ಳಾನ ಕಂಡಿತ್, ಕೈದಿಯ ತಪ್ಪಿಚಿಟ್ಟಂಡ್ ಪೋಯಿರ್‌ತ್‍ೕಂದ್ ಗೇನ ಮಾಡಿತ್, ಅಂವೊ ಕತ್ತಿನ ಎಡ್‍ತಿತ್ ತನ್ನ ತಾನೆ ಕೊಲ್ಲ್‌ವಕ್ ಇಂಜತ್.

ಅಪೊಸ್ತಲ 21:8

ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ಅಪೊಸ್ತಲ 25:13

ಚೆನ್ನ ದಿವಸ ಆನ ಪಿಂಞ, ಅಗ್ರಿಪ್ಪ ರಾಜನು, ಅಂವೊಂಡ ಪೊಣ್ಣ್ ಬೆರ್ನಿಕೆ ರಾಣಿಯು ಫೆಸ್ತನ ಗನ ಪಡ್‍ತ್‍ವಕಾಯಿತ್ ಅಂವೊನ ಕಾಂಬಕ್ ಕೈಸರೈಯಕ್ ಬಾತ್.

ಅಪೊಸ್ತಲ 27:42

ಅಕ್ಕ, ಕೈದಿಯಂಗ ದಾರೂ ಮೀಂದಿತ್ ತಪ್ಪಿಚಿಡ್‌ವಕ್ಕಾಗಾಂದ್, ಅಯಿಂಗಳ ಕೊಲ್ಲಂಡೂಂದ್ ಸಿಪಾಯಿಯಂಗ ಆಲೋಚನೆ ಮಾಡ್‍ಚಿ.

ಅಪೊಸ್ತಲ 8:40

ಪಿಂಞ ಫಿಲಿಪ್ಪಂಗ್ ತಾನ್ ಅಜೋತ ಎಣ್ಣುವ ಜಾಗತ್‍ಲ್ ಉಂಡ್‍ೕಂದ್ ಗೊತ್ತಾಚಿ. ಅಲ್ಲಿಂಜ ಕೈಸರೈ ಪಟ್ಟಣಕ್ ಬಪ್ಪಕತ್ತನೆ, ಬಟ್ಟೇಲ್ ಇಂಜ ಎಲ್ಲಾ ಪಟ್ಟಣತ್‍ಲ್ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ಪೋಚಿ.