ಅಪೊಸ್ತಲ 12:18 - ಕೊಡವ ಬೈಬಲ್

¹⁸ ಪೊಲಾಕ ಆನ ಪಿಂಞ ಪೇತ್ರಂಗ್ ಎಂತಾಚೀಂದ್ ಕಾತಂಡಿಂಜಯಿಂಗಕ್ ದುಂಬ ಪೋಡಿ ಆಚಿ.

ಅಪೊಸ್ತಲ 12:18 ပူးပေါင်းရင်းမြစ်များ

ಅಪೊಸ್ತಲ 12:17

ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 12:19

ಹೆರೋದ ಪೇತ್ರನ ತ್‍ೕಡ್‌ವಕ್ ಅಯಿಂಗಕ್ ಆಜ್ಞೆ ಮಾಡ್‍ಚಿ. ಅಯಿಂಗಕ್ ಅಂವೊನ ಕಂಡ್‌ಪುಡಿಪಕ್ ಕಯ್ಯತೆ ಆಚಿ. ಅಕ್ಕ ಹೆರೋದ ಕಾಪಯಿಂಗಳ ವಿಚಾರಣೆ ಮಾಡಿತ್ ಅಯಿಂಗಳ ಕೊಲ್ಲ್‌ವಕ್ ಆಜ್ಞೆ ಮಾಡ್‍ಚಿ. ಬಯ್ಯ, ಹೆರೋದ ಯೂದಾಯ ಪ್ರಾಂತ್ಯತ್‍ನ ಬುಟ್ಟಿತ್ ಕೈಸರೈ ಪಟ್ಟಣಕ್ ಪೋಯಿತ್ ಅಲ್ಲಿ ವಾಸಯಿಂಜತ್.

ಅಪೊಸ್ತಲ 16:27

ಜೈಲ್‍ನ ಕಾತಂಡಿಂಜ ಸಿಪಾಯಿ ಎದ್ದಿತ್, ಜೈಲ್‍ರ ಪಡಿಯೆಲ್ಲ ತೊರ್‌ಂದಿತುಳ್ಳಾನ ಕಂಡಿತ್, ಕೈದಿಯ ತಪ್ಪಿಚಿಟ್ಟಂಡ್ ಪೋಯಿರ್‌ತ್‍ೕಂದ್ ಗೇನ ಮಾಡಿತ್, ಅಂವೊ ಕತ್ತಿನ ಎಡ್‍ತಿತ್ ತನ್ನ ತಾನೆ ಕೊಲ್ಲ್‌ವಕ್ ಇಂಜತ್.

ಅಪೊಸ್ತಲ 19:23

ಆ ಕಾಲತ್‍ಲ್ ಈ ಮಾರ್ಗತ್‍ರ ವಿಷಯತ್ ದುಂಬ ಗಲಿಬಿಲಿ ಆಚಿ.