ಅಪೊಸ್ತಲ 12:17 - ಕೊಡವ ಬೈಬಲ್

¹⁷ ಅಂವೊ ಅಯಿಂಗೆಲ್ಲ ಮುಂಡತೆ ಇಪ್ಪಕಾಯಿತ್ ಕೈಯಿಲ್ ಸನ್ನೆ ಮಾಡಿತ್ ಅಂವೊನ ಒಡೆಯ ಎನ್ನನೆ ಜೈಲ್‍ಯಿಂಜ ಕೊಂಡ್ ಬಾತ್‍ೕಂದ್ ವಿವರವಾಯಿತ್ ಎಣ್ಣಿತ್, ಈ ವಿಷಯತ್‍ನ ಯಾಕೋಬಂಗು ಬೋರೆ ಯೇಸುನ ನಂಬ್‍ನ ದೇವಡ ಮಕ್ಕಕೂ ಅರಿಚಿಡೀಂದ್ ಎಣ್ಣಿತ್, ಅಂವೊ ಪೊರಟಿತ್ ಬೋರೆ ಎಲ್ಲಿಕೊ ಪೋಚಿ.

ಅಪೊಸ್ತಲ 12:17 ပူးပေါင်းရင်းမြစ်များ

ಮತ್ತಾಯ 10:23

ಒರ್ ಊರ್‌ಲ್ ನಿಂಗಕ್ ಹಿಂಸೆ ತಂದಕ ಬೋರೆ ಊರ್‌ಕ್ ಓಡಿ ಪೋಯಿ. ಎನ್ನಂಗೆಣ್ಣ್‌ಚೇಂಗಿ ಮನುಷ್ಯಕುಮಾರ ಬಪ್ಪಕ್ ಮಿಂಞ ಇಸ್ರಾಯೇಲ್‌ಲ್ ಉಳ್ಳ ಪಟ್ಟಣಕೆಲ್ಲ ನಿಂಗಕ್ ಪೋಪಕ್ ಕಯ್ಯುಲೇಂದ್ ನಾನ್ ನಿಂಗಕ್ ನೇರಾಯಿತು ಎಣ್ಣ್‌ವಿ.

ಮಾರ್ಕ 6:3

ಇಂವೊ ಒರ್ ಆಚಾರಿಯಲ್ಲ? ಮರಿಯಂಡ ಮೋಂವೊನಲ್ಲಾ? ಇಂವೊ ಯಾಕೋಬ, ಯೋಸೆ, ಯೂದ ಪಿಂಞ ಸೀಮೋನ ಎಣ್ಣುವಯಿಂಗಡ ಅಣ್ಣನಲ್ಲಾ? ಅಂವೊಂಡ ತಂಗೆಯೆಲ್ಲ ಇಲ್ಲಿ ವಾಸಮಾಡಿಯಂಡುಂಡಲ್ಲಾಂದ್ ಎಣ್ಣಿಯಂಡ್ ಅಲ್ಲಿ ಉಳ್ಳಯಿಂಗ ಅಂವೊಂಡ ವಿಷಯತ್‍ಲ್ ಬೇಜಾರ್ ಮಾಡಿಯಂಡ್, ಅಂವೊ ಎಣ್ಣ್‌ವಾನ ಅಯಿಂಗಕ್ ನಂಬ್‍ವಕ್ ಕಯಿಂಜಿತ್‌ಲ್ಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:22

ಜಕರಿಯ ಒಳ್‌ಳಿಂಜ ಪೊರಮೆ ಬಪ್ಪಕ ಅಂವೊಂಗ್ ಅಯಿಂಗಡ ಕೂಡೆ ತಕ್ಕ್ ಪರಿಯುವಕ್ ಕಯಿಂಜಿತ್ತ್‌ಲ್ಲೆ. ಅಂವೊ ಕೈಯಿಲ್ ಸನ್ನೆ ಮಾಡಿ ಕಾಟಿಯಂಡಿಂಜಗುಂಡ್, ಅಂವೊ ದೇವಡ ದರ್ಶನ ಕಂಡಿತಿಕ್ಕೂಂದ್ ಜನಕ್ ಗೊತ್ತಾಚಿ. ಆಚೇಂಗಿ ಅಂವೊ ತಕ್ಕ್ ಪರಿಯುವಕ್ ಕಯ್ಯತೆ ಇಂಜತ್.

ಯೋಹಾನ 10:40

ಪುನಃ ಯೇಸು ಯೊರ್ದನ್ ಕೆರೆರ ಆಬರಿಕ್ ಪೋಯಿತ್, ಅಲ್ಲಿ ಇಂಜತ್. ಈ ಜಾಗತ್‍ಲ್ ಯೋಹಾನ ಜನಕ್, ದೀಕ್ಷಾಸ್ನಾನ ಕೊಡ್‍ತಂಡಿಂಜತ್.

ಯೋಹಾನ 11:54

ಆನಗುಂಡ್, ಅಲ್ಲಿಯಿಂಜ ಯೇಸು, ಯೆಹೂದ್ಯಂಗಡ ಮದ್ಯತ್‍ಲ್ ಪ್ರಯಾಣ ಮಾಡತೆ, ಅಲ್ಲಿ ಬುಟ್ಟಿತ್, ಮಣಬೂಮಿರ ಪಕ್ಕತ್‍ಲ್ ಇಂಜ ಎಫ್ರಾಯಿಮ್ ಎಣ್ಣುವ ಊರ್‌ಕ್ ಪೋಯಿತ್, ಅಲ್ಲಿ ಅಂವೊಂಡ ಶಿಷ್ಯಂಗಡ ಕೂಡೆ ಇಂಜತ್.

ಯೋಹಾನ 13:24

ಸೀಮೋನ ಪೇತ್ರ ಅಂವೊನ ನೋಟಿತ್: ದಾಡ ವಿಷಯತ್ ಯೇಸು ತಕ್ಕ್ ಪರಿಯುವಾಂದ್ ಸನ್ನೆ ಕಾಟ್‍ಚಿ.

ಯೋಹಾನ 7:1

ಇದೆಲ್ಲಾ ಆನ ಪಿಂಞ, ಯೆಹೂದ್ಯಂಗ ಯೇಸುನ ಕೊಲ್ಲ್‌ವಕ್ ಬಟ್ಟೆ ನೋಟಿಯಂಡ್ ಇಂಜಗುಂಡ್, ಅಂವೊ ಯೆಹೂದ್ಯ ಪ್ರಾಂತ್ಯತ್‍ಲ್ ಇಕ್ಕತೆ ಗಲಿಲಾಯ ಪ್ರಾಂತ್ಯಾತ್‍ಲ್ ಒಳಿಂಜತ್.

ಯೋಹಾನ 8:59

ಅಕ್ಕ, ಅಯಿಂಗ ಯೇಸುರ ಮೇಲೆ ಕಲ್ಲ್ ಕನಿಪಕ್, ಕಲ್ಲ್‌ನ ಎಡ್‍ತಿತ್ ನೋಟಿಯಂಡ್ ಇಂಜತ್. ಆಚೇಂಗಿ ಯೇಸು ಅಯಿಂಗಡ ಕಣ್ಣ್‌ಕ್ ಕಾಂಗತನೆಕೆ ದೇವಾಲಯತ್‍ನ ಬುಟ್ಟಿತ್ ಪೊರಮೆ ಪೋಯಿರ್‌ತ್.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 12:16

ಆಚೇಂಗಿ, ಪೇತ್ರ ಇಂಞು ಪಡಿನ ತಟ್ಟಿಯಂಡೇ ಇಂಜತ್. ಕಡೇಕ್ ಅಯಿಂಗ ಪಡಿನ ತೊರ್‌ಪಕ ಅಂವೊನ ಕಂಡಿತ್ ಅಯಿಂಗಕ್ ಆಶ್ಚರ್ಯ ಆಚಿ.

ಅಪೊಸ್ತಲ 12:18

ಪೊಲಾಕ ಆನ ಪಿಂಞ ಪೇತ್ರಂಗ್ ಎಂತಾಚೀಂದ್ ಕಾತಂಡಿಂಜಯಿಂಗಕ್ ದುಂಬ ಪೋಡಿ ಆಚಿ.

ಅಪೊಸ್ತಲ 13:16

ಅಕ್ಕ ಪೌಲ: ಎದ್ದಿತ್ ಅಯಿಂಗಕ್ ಕೈ ಸನ್ನೆ ಮಾಡಿತ್, ಇನ್ನನೆ ಎಣ್ಣ್‌ವಕ್ ಸುರು ಮಾಡ್‍ಚಿ. ಇಸ್ರಾಯೇಲ್ ಜನಳೇ, ದೇವನ ಆರಾದನೆ ಮಾಡ್‌ವ ಯೆಹೂದ್ಯ ಅಲ್ಲತ ಜನಳೇ, ಕ್‍ೕಳಿ.

ಅಪೊಸ್ತಲ 15:13

ಅಯಿಂಗ ತಕ್ಕ್ ಪರ್ಂದಿತ್ ಆನ ಪಿಂಞ ಯಾಕೋಬ ಅಯಿಂಗಳ ನೋಟಿತ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ. ಅಣ್ಣತಮ್ಮಣಂಗಳೇ, ನಾನ್ ಎಣ್ಣುವಾನ ಕ್‍ೕಳಿ.

ಅಪೊಸ್ತಲ 16:40

ಅಕ್ಕ ಅಯಿಂಗ ಜೈಲ್‍ರ ಒಳ್‌ಳಿಂಜ ಪೊರಟಿತ್ ಲುದ್ಯ ಎಣ್ಣುವಡ ಮನೆಕ್ ಬಂತ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗಳ ನೋಟಿತ್ ಅಯಿಂಗಳ ದೈರ್ಯಪಡ್‍ತಿತ್ ಅಲ್ಲಿಂಜ ಪೊರಟ್ ಪೋಚಿ.

ಅಪೊಸ್ತಲ 19:33

ಚೆನ್ನ ಯೆಹೂದ್ಯಂಗ ಅಲೆಕ್ಸಾಂದ್ರ ಎಣ್ಣುವ ಒಬ್ಬನ ವೇದಿಕೆಕ್ ತಳ್ಳ್‌ಚಿ. ಅಕ್ಕ ಅಲೆಕ್ಸಾಂದ್ರ ಜನಳ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡಿತ್, ಜನಕ್ ಉತ್ತರ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 21:18

ಪಿತ್ಯಾಂದ್ ಪೌಲ ನಂಗಳ ಕಾಕಿಯಂಡ್ ಯಾಕೋಬಂಡ ಪಕ್ಕ ಪೋಚಿ; ಸಬೆರ ಪೆರಿಯಯಿಂಗೆಲ್ಲಾ ಅಲ್ಲಿ ಬಂದಿತ್ಂಜತ್.

ಅಪೊಸ್ತಲ 21:40

ಅಪ್ಪಣೆ ಕೊಡ್‌ಪಕ ಪೌಲ, ಮೊಟ್ಟ್‌ರ ಮೇಲೆ ನಿಂದಿತ್: ಜನಳ ನೋಟಿತ್, ಅಯಿಂಗ ಮುಂಡತೆ ಇಪ್ಪಕ್ ಕೈ ಸನ್ನೆ ಮಾಡ್‍ಚಿ. ಅಯಿಂಗ ಶಾಂತಿ ಆಪಕ, ಅಯಿಂಗಡ ಕೂಡೆ ಅರಾಮಿಯ ಬಾಷೆಲ್ ತಕ್ಕ್ ಪರಿಯುವಕ್ ಸುರ್ ಮಾಡ್‍ಚಿ.

ಅಪೊಸ್ತಲ 28:15

ಅಲ್ಲಿಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ನಂಗ ಬಪ್ಪದ್‍ನ ಕ್‍ೕಟಿತ್, ನಂಗಳ ಕಾಂಬಕಾಯಿತ್ ಚೆನ್ನ ಜನ ಅಪ್ಪಿಯ ಪೇಟೆಕತ್ತನೆಯು, ಚೆನ್ನ ಜನ ತ್ರಿಛತ್ರ ಎಣ್ಣುವ ಜಾಗಕತ್ತನೆಯು ಬಾತ್. ಅಯಿಂಗಳ ನೋಟಿತ್ ಪೌಲ ದೇವಕ್ ವಂದನೆ ಮಾಡಿತ್, ದೈರ್ಯ ಎಡ್‍ತಂಡತ್.

1 ಕೊರಿಂಥ 15:7

ಅಲ್ಲಿಂಜ ಯಾಕೋಬಂಗು ಪಿಂಞ ಎಲ್ಲಾ ಅಪೊಸ್ತಲಂಗಕು ಅಂವೊನ ಕಾಂಬ್‍ಚಿಟ್ಟತ್.

ಗಲಾತ್ಯ 1:19

ಅಲ್ಲಿ ನಂಗಡ ಒಡೆಯನಾನ ಯೇಸುರ ತಮ್ಮಣ ಯಾಕೋಬನ ಬುಟ್ಟಿತ್ ಬೋರೆ ಅಪೊಸ್ತಲ ದಾರ್‌ನು ಕಂಡಿತ್‌ಲ್ಲೆ.

ಗಲಾತ್ಯ 2:12

ಎನ್ನನೆ ಎಣ್ಣ್‌ಚೇಂಗಿ, ಯಾಕೋಬಂಡಿಂಜ ಚೆನ್ನ ಜನ ಬಪ್ಪಕ್ ಮಿಂಞ ಅಂವೊ, ಯೆಹೂದ್ಯ ಅಲ್ಲತಯಿಂಗಡ ಕೂಡೆ ಉಂಬಕಿಂಜತ್; ಅಯಿಂಗ ಬಂದ ಪಿಂಞ, ಸುನ್ನತಿ ಬೋಂಡೂಂದ್ ಎಣ್ಣ್‌ವಯಿಂಗಡ ತಕ್ಕ್‌ಕ್ ಬೊತ್ತಿತ್ ಯೆಹೂದ್ಯ ಅಲ್ಲತಯಿಂಗಳ ಬುಟ್ಟಿತ್ ಬೋರೆಯಾಯಿತ್ ನಿಂದತ್.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

ಯಾಕೋಬ 1:1

ದೇವಡ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ಸೇವಕನಾನ ಯಾಕೋಬ, ಬೋರೆ ಬೋರೆ ನಾಡ್‍ಲ್ ಚದ್‌ರಿ ಪೋಯಿತುಳ್ಳ ಪನ್ನೆರಂಡ್ ಕುಲತ್‍ರ ಜನಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಇದ್.