ಅಪೊಸ್ತಲ 12:15 - ಕೊಡವ ಬೈಬಲ್

¹⁵ ಅಯಿಂಗ ಅವಕ್: ನೀಕ್ ಪುಚ್ಚಿ ಪುಡ್‌ಚಿತುಂಡ್‍ೕಂದ್ ಎಣ್ಣ್‌ಚಿ. ಆಚೇಂಗಿ ಅವ, ಎಣ್ಣ್‌ನದ್ ನೇರ್ಂದ್ ಎಣ್ಣಿಯಂಡೇ ಇಪ್ಪಕ, ಅಯಿಂಗೆಲ್ಲ, ಅದ್ ಅಂವೊಂಡ ದೂತನಾಯಿತಿಕ್ಕೂಂದ್ ಎಣ್ಣ್‌ಚಿ.

ಅಪೊಸ್ತಲ 12:15 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಮತ್ತಾಯ 18:10

ಈ ಚೆರಿಯಯಿಂಗಡಡೆಲ್ ಒಬ್ಬನನೂ ಕಮ್ಮಿಯಾಯಿತ್ ನೋಟತೆ ಇಪ್ಪಕ್ ಎಚ್ಚರತ್‍ಲ್ ಇರಿ. ಅಯಿಂಗಡ ದೇವದೂತಂಗ ನಾಡ ಪರಲೋಕತುಲುಳ್ಳ ಅಪ್ಪಂಡ ಮೂಡ್‍ನ ಎಕ್ಕಲೂ ಅಯಿಂಗಕಾಯಿತ್ ನೋಟಿಯಂಡ್ ಇಪ್ಪ.

ಮಾರ್ಕ 16:11

ಯೇಸು ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬದ್‍ಕಿಯಂಡುಂಡ್‍ೕಂದ್, ಅವಕ್ ಅಂವೊ ಕಾಂಬ್‍ಚಿಟ್ಟಂಡತ್‍ೕಂದ್ ಎಣ್ಣ್‌ವಕ ದಾರೂ ನಂಬಿತ್‌ಲ್ಲೆ.

ಮಾರ್ಕ 16:14

ಕಡೇಕ್ ಅಂವೊಂಡ ಪನ್ನಂದ್ ಶಿಷ್ಯಂಗ ಉಂಬಕ್ ಅಳ್‌ತಂಡಿಪ್ಪಕ ಯೇಸು ಪ್ರತ್ಯಕ್ಷವಾಚಿ. ಚಾವ್‍ಯಿಂಜ ಜೀವವಾಯಿತ್ ಎದ್ದ ನನ್ನ ಕಂಡಯಿಂಗ ನಿಂಗಕ್ ಬಂದಿತ್ ಎಣ್ಣುವಕಾಪಕ ನಿಂಗ ಅದ್‍ನ ನಂಬುವಕಿಂಜಿಲೆ. ಅಯಿಂಗಕ್ ನಂಬಿಕೆ ಬರತೆಗುಂಡ್ ಪಿಂಞ ಅಯಿಂಗಡ ಹೃದಯ ಅಚ್ಚಕ್ ಕಠಿಣ ಆಯಿತ್ಂಜಗುಂಡ್ ಯೇಸು ಅಯಿಂಗಳ ಜೋರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:59

ಸುಮಾರ್ ಒರ್ ಮಣಿ ನೇರ ಕಯಿಂಜ ಪಿಂಞ, ಇಂಞೊಬ್ಬ ಪೇತ್ರನ ನೋಟಿತ್: ನೇರಾಯಿತ್ ಇಂವೊನು ಅಯಿಂಗಡ ಕೂಟ್‌ಲ್ ಇಂಜತ್, ಎನ್ನಂಗೆಣ್ಣ್‌ಚೇಂಗಿ ಇಂವೊ ಗಲಿಲಾಯಕ್ ಕೂಡ್‍ನಂವೊನೇಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:11

ಆಚೇಂಗಿ, ಅಯಿಂಗ ಎಣ್ಣ್‌ನ ತಕ್ಕ್ ಬೋರೆಯಿಂಗಕ್ ಪುಚ್ಚಿ ತಕ್ಕ್‌ರನೆಕೆ ಇಂಜತ್. ಆನಗುಂಡ್ ಈ ಪೊಣ್ಣಾಳುವ ಎಣ್ಣ್‌ವಾನ ಅಯಿಂಗ ದಾರೂ ನಂಬಿತ್‌ಲ್ಲೆ.

ಅಪೊಸ್ತಲ 12:16

ಆಚೇಂಗಿ, ಪೇತ್ರ ಇಂಞು ಪಡಿನ ತಟ್ಟಿಯಂಡೇ ಇಂಜತ್. ಕಡೇಕ್ ಅಯಿಂಗ ಪಡಿನ ತೊರ್‌ಪಕ ಅಂವೊನ ಕಂಡಿತ್ ಅಯಿಂಗಕ್ ಆಶ್ಚರ್ಯ ಆಚಿ.

ಅಪೊಸ್ತಲ 26:24

ಇನ್ನನೆ ಪೌಲ ಅಂವೊಂಗಾಯಿತ್ ವಾದಮಾಡಿಯಂಡಿಪ್ಪಕಲೆ, ಫೆಸ್ತ ಬಲ್ಯ ಸ್ವರತ್‍ಲ್: ಪೌಲನೇ, ನೀಕ್ ಪುಚ್ಚ್ ಪುಡ್‌ಚಿರ್‌ತ್. ನೀನ್ ದುಂಬ ಓದಿತುಳ್ಳಿಯ, ಅದೇ ನಿನ್ನ ಪುಚ್ಚ್ ಪುಡ್‌ಚನೆಕೆ ಮಾಡಿಯಂಡುಂಡ್‍ೕಂದ್ ಎಣ್ಣ್‌ಚಿ.