ಅಪೊಸ್ತಲ 12:11 - ಕೊಡವ ಬೈಬಲ್

¹¹ ಅಕ್ಕ ಪೇತ್ರಂಗ್ ಎಚ್ಚರ ಆಚಿ. ಅಕ್ಕು ಹೆರೋದಂಡ ಕೈಯಿಂಜಲೂ ಯೆಹೂದ್ಯಂಗ ಪಾರಕಾತಂಡಿಂಜ ಎಲ್ಲಾ ಕಾರ್ಯತ್ಂಜ ನನ್ನ ಬುಡ್‌ತ್‌ವಕ್ ಒಡೆಯ ತಾಂಡ ದೂತನ ಅಯಿಚತ್‍ೕಂದ್, ನಾಕ್ ಇಕ್ಕ ನೇರಾಯಿತು ಗೊತ್ತಾಚೀಂದ್ ಎಣ್ಣ್‌ಚಿ.

ಅಪೊಸ್ತಲ 12:11 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 15:13

ಅಕ್ಕ ಯೆಹೋವ ಅಂವೊಂಗ್: ನೀಡ ಸಂತಾನ ಅನ್ಯ ದೇಶತ್‌ಲ್‌ ಪರದೇಶಿಯಾಯಿತ್‌ ಇಂಜಿತ್, ಆ ದೇಶತ್‌ರ ಜನಕ್‌ ಅಡಿಯಾಳಾಯಿತ್‌ ಇಪ್ಪಾಂದು, ಅಯಿಂಗಡಿಂಜ ನಾನ್ನೂರ್‌ ಕಾಲ ದುಂಬ ಕಷ್ಟಪಡುವಾಂದು ನೀನ್‌ ಚಾಯಿತೆ ಅರಿಯಂಡು.

ಆದ್ಯತ್‌ರ ಪುಸ್ತಕ 18:13

ಅಕ್ಕ ಯೆಹೋವ ಅಬ್ರಹಾಮನ ನೋಟಿತ್: ಎನ್ನಂಗ್‌ ಸಾರಳ ತೆಳ್‌ಚತ್, ತಾನ್‌ ಮುದುಕಿ, ನಾಕ್‍ ಕುಂಞಿನ ಪೆರುವಕ್‌ ಕಯ್ಯುವಾಂದ್‌ ಎಣ್ಣಿಯಂಡುಂಡ್‌ಂದ್‌ ಎಣ್ಣ್‌ಚಿ?

ಆದ್ಯತ್‌ರ ಪುಸ್ತಕ 26:9

ಅಕ್ಕ ಅಬೀಮೆಲೆಕ ಇಸಾಕನ ಕಾಕಿತ್: ನೇರಾಯಿತ್‌ ಅವ ನೀಡ ಪೋಣ್ಣ್‌! ಪಿಂಞ ಎನ್ನಂಗ್‌ ಅವಳ ನೀಡ ತಂಗೇಂದ್‌ ಎಣ್ಣಿಯೇಂದ್‌ ಕ್‍ೕಟತ್. ಅದ್‌ಂಗ್‌ ಇಸಾಕ: ಜನ ಅವಕಾಯಿತ್‌ ನನ್ನ ಕೊಂದ್‌ರ್‌ವಾಂದ್‌ ಅನ್ನನೆ ಎಣ್ಣ್‌ನ್‍ೕಂದ್‌ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 15:17

ಅಕ್ಕ ಅಂವೊಂಗ್ ಬುದ್ದಿ ಬಾತ್, ನಾಡ ಅಪ್ಪಂಡ ಮನೆಲ್ ಎಚ್ಚಕೋ ಆಳ್‍ವಕ್ ಚಾಯಿತೆ ತಿಂಬಕ್ ಉಂಡ್, ನಾಡ ಕೆಲಕ್ ಒಂದು ಕ್‌ಟ್ಟಿಯಂಡಿಲ್ಲೆ.

ಅಪೊಸ್ತಲ 12:7

ಒಮ್ಮಕೆ, ಒಡೆಯಂಡ ದೂತ ಪೇತ್ರಂಡ ಪಕ್ಕ ನಿಂದತ್. ಅಂವೊ ಇಂಜ ಕೋಂಬರೆಲ್ ಬೊಳಿ ಮಿನ್ನ್‌ಚಿ. ದೂತ, ಪೇತ್ರಂಡ ನಿಪ್ಪ್‌ನ ತಟ್ಟಿತ್ ಎಪ್ಪಿತ್: ಬೆರಿಯ ಏಳ್‍ೕಂದ್ ಎಣ್ಣ್‌ಚಿ. ಒಡನೆ ಅಂವೊಂಡ ಕೈಕ್ ಕೆಟ್ಟಿತ್ಂಜ ಸರ್ಪಣಿ ಅಡಿಕ್‌ ಬುದ್ದತ್.

ಅಪೊಸ್ತಲ 24:27

ಇನ್ನನೆ ದಂಡ್ ಕಾಲ ಕಯಿಂಜಿರ್‌ತ್. ಫೇಲಿಕ್ಸಂಡ ಸ್ತಾನಕ್ ಪೋರ್ಕಿಯ ಫೆಸ್ತ ಎಣ್ಣ್‌ವಂವೊ ಬಾತ್; ಅಕ್ಕ, ಫೇಲಿಕ್ಸ ಯೆಹೂದ್ಯಂಗಡ ದಯೇನ, ಸಂಪಾದನೆ ಮಾಡ್‌ವಕಾಯಿತ್, ಪೌಲನ ಅನ್ನನೆ ಜೈಲ್‍ಲ್ಲೆ ಬುಟ್ಟಿತ್ ಪೋಚಿ.

ಅಪೊಸ್ತಲ 25:9

ಅಕ್ಕ ಫೆಸ್ತ ಯೆಹೂದ್ಯಂಗಡ ದಯೇನ ಸಂಪಾದನೆ ಮಾಡ್‌ವಕಾಯಿತ್ ಪೌಲಂಡ ಪಕ್ಕ: ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಈ ಕಾರ್ಯತ್‍ನೆಲ್ಲ ನಾಡ ಮಿಂಞತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಕುಶಿಯಾಂದ್ ಕ್‍ೕಟತ್.

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

2 ಪೇತ್ರ 2:9

ಅನ್ನನೆ ಆಚೇಂಗಿ, ಬಕ್ತಿಯುಳ್ಳಯಿಂಗಳ ಅಯಿಂಗಕ್ ಬಪ್ಪ ಸೋದನೆಯಿಂಜ ಕಾಪಾಡ್‌ವಕು, ಅನೀತಿಯಾನಯಿಂಗಳ ನ್ಯಾಯತೀರ್ಪ್ ನಾಳ್‍ಕತ್ತನೆ ಶಿಕ್ಷೇಲ್ ಬೆಚ್ಚಿತ್‌ಪ್ಪಕು ಒಡೆಯಂಗ್ ಗೊತ್ತುಂಡ್.