ಅಪೊಸ್ತಲ 12:10 - ಕೊಡವ ಬೈಬಲ್

¹⁰ ಅಯಿಂಗ ಮೊದಲನೆ ಪಿಂಞ ದಂಡನೆ ಕಾಪಯಿಂಗಳ ದಾಟಿತ್, ಪಟ್ಟಣಕ್ ಪೋಪ ಇರ್‍ಂಬ್ ಪಡಿರ ಪಕ್ಕ ಬಪ್ಪಕ, ಅದಾಯಿತೇ ಅಯಿಂಗಕ್ ತೊರ್ಂದತ್. ಅಯಿಂಗ ಪೊರಮೆ ಬಂತ್ ಒರ್ ಬೀದಿನ ನೇರೆ ದಾಟ್‍ಚಿ. ಒಮ್ಮಕೆ, ಆ ದೂತ ಅಂವೊನ ಬುಟ್ಟಿತ್ ಪೋಚಿ.

ಅಪೊಸ್ತಲ 12:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 40:3

ಅಯಿಂಗಳ ಕೈದಿಯಂಗಳ ಕಾಪಂವೊನಾನ ಜೈಲ್‌ರ ಮುಖ್ಯಸ್ತಂಡ ಮನೇಲ್‌ ಉಳ್ಳ ಜೈಲ್‌ಕ್‌ ಇಟ್ಟತ್. ಅದೇ ಜೈಲ್‌ಲ್‌ ಯೋಸೇಫ ಸಹ ಇಂಜತ್.

ಆದ್ಯತ್‌ರ ಪುಸ್ತಕ 42:17

ಯೋಸೇಫ ಅಯಿಂಗಳ ಮೂಂದ್‌ ದಿವಸಕತ್ತನೆ ಜೈಲ್‌ಲ್‌ ಇಟ್ಟತ್.

ಯೋಹಾನ 20:19

ಆ ದಿವಸ ವಾರತ್‍ರ ಆದ್ಯ ನಾಳಾನ ನಾರಾಚೆ ಆಯಿತ್ಂಜತ್. ಅಂದ್ ಬೈಟಾಪಕ, ಯೇಸುರ ಶಿಷ್ಯಂಗ ಒಟ್ಟ್ ಕೂಡಿತ್ ಇಂಜ ಜಾಗತ್‍ಲ್, ಯೆಹೂದ್ಯಂಗಕ್ ಬೊತ್ತಿಯಂಡಿಂಜಗುಂಡ್, ಪಡಿ ಇಟ್ಟಿತ್ ಒಳ್‍ಲ್ ಇಂಜತ್. ಅಕ್ಕ ಯೇಸು ಅಲ್ಲಿಕ್ ಬಪ್ಪಂಜಿ ಅಯಿಂಗಡ ಮದ್ಯತ್‍ಲ್ ನಿಂದಂಡ್: ನಿಂಗಕ್ ಸಮಾದಾನಾಂದ್ ಎಣ್ಣ್‌ಚಿ.

ಯೋಹಾನ 20:26

ಪುನಃ ಎಟ್ಟ್ ದಿವಸ ಆನ ಪಿಂಞ, ಯೇಸುರ ಶಿಷ್ಯಂಗ ಪಡಿ ಇಟ್ಟಂಡ್ ಒಳ್‍ಲ್ ಇಂಜತ್. ಅಯಿಂಗಡ ಕೂಡೆ ಇಕ್ಕ ತೋಮ ಸಹ ಇಂಜತ್. ಎಲ್ಲಾ ಪಡಿಕ್ ಬೀಗ ಇಟ್ಟಿತ್ಂಜತ್. ಅಕ್ಕ ಯೇಸು ಅಯಿಂಗಡ ಮದ್ಯತ್‍ಲ್ ಬಪ್ಪಂಜಿ, ನಿಂಗಕ್ ಸಮಾದಾನ ಇಕ್ಕಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 12:4

ಅಂವೊನ ಪುಡ್‌ಚಿತ್ ಜೈಲ್‍ಲ್ ಇಟ್ಟಿತ್, ಪಸ್ಕ ನಮ್ಮೆ ಕಯಿಂಜ ಪಿಂಞ ಅಂವೊ ಜನಡ ಮಿಂಞತ್‍ಲ್ ನ್ಯಾಯತೀರ್ಪ್ ಕೊಡ್‍ಪಕ್ ಕೊಂಡ್ ಬಪ್ಪಕ್ ಗೇನ ಮಾಡಿತ್, ಅಯಿಂಗಳ ಕಾಪಕಾಯಿತ್ ನಾಲ್ ನಾಲ್ ಸಿಪಾಯಿಯಳ ನಾಲ್ ಗುಂಪಾಯಿತ್ ಏರ್ಪಾಡ್ ಮಾಡ್‍ಚಿ.

ಅಪೊಸ್ತಲ 16:26

ಅಕ್ಕಣೆಕ್, ಬಲ್ಯದಾಯಿತ್ ನೆಲಗ್‌ಡ್‍ಗಿತ್, ಜೈಲ್‍ರ ಅಡಿಪಾಯ ಅಲ್ಲಾಡಿ ಪೋಚಿ. ಒಡನೆ ಎಲ್ಲಾ ಪಡಿಯು ತಾನಾಯಿತೇ ತೊರ್ಂದತ್. ಅಲ್ಲಿಂಜ ಎಲ್ಲಾ ಕೈದಿಯಡ ಕೆಟ್ಟ್ ಉತ್ತಿತ್ ಬುದ್ದತ್.

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

ಪ್ರಕಟನೆ 3:7

ಫಿಲದೆಲ್ಫಿಯ ಪಟ್ಟಣತ್‍ಲ್ ಉಳ್ಳ ಸಬೆರ ದೂತಂಗ್ ಒಳ್‍ದ್‍ವಕುಳ್ಳದ್ ಎಂತ ಎಣ್ಣ್‌ಚೇಂಗಿ: ಪವಿತ್ರವಾನಂವೊನು, ನೇರಾನಂವೊನು, ದಾವೀದಂಡ ಬೀತ್‍ಕೈ ಉಳ್ಳಂವೊನು, ಏದು ಒರ್ ಮನುಷ್ಯನು ಮುಚ್ಚ್‌ವಕ್ ಕಯ್ಯತನೆಕೆ ತೊರ್‌ಪಂವೊನು, ಏದು ಒರ್ ಮನುಷ್ಯನು ತೊರ್‌ಪಕ್ ಕಯ್ಯತನೆಕೆ ಬೀಗ ಇಡ್‌ವಂವೊನು ಎಣ್ಣಿಯಂಡುಳ್ಳ.