ಅಪೊಸ್ತಲ 11:27 - ಕೊಡವ ಬೈಬಲ್

²⁷ ಆ ಕಾಲತ್‍ಲ್ ಬಾರ್ನಬ ಪಿಂಞ ಸೌಲ ಅಂತಿಯೋಕ್ಯತ್‍ಲ್ ಇಪ್ಪಕ, ಚೆನ್ನ ಪ್ರವಾದಿಯಂಗ ಯೆರೂಸಲೇಮ್ಂಜ ಬಾತ್.

ಅಪೊಸ್ತಲ 11:27 ပူးပေါင်းရင်းမြစ်များ

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 11:49

ಇದ್ಂಗಾಯಿತ್ ದೇವಡ ಜ್ಞಾನ ಎಣ್ಣ್‌ಚಿ: ನಾನ್ ದೇವಡ ಪ್ರವಾದಿಯಂಗಳ, ಅಪೊಸ್ತಲಂಗಳ ಅಯಿಂಗಡ ಪಕ್ಕ ಅಯಿಪಿ; ಅಯಿಂಗಡಲ್ಲಿ ಚೆನ್ನ ಜನಳ ಕೊಲ್ಲುವ, ಚೆನ್ನ ಜನಳ ತೊಂದರೆ ಮಾಡ್‌ವ;

ಅಪೊಸ್ತಲ 11:20

ಆಚೇಂಗಿ, ಅಯಿಂಗಡಲ್ಲಿ ಕುಪ್ರ ಪಿಂಞ ಕುರೇನ್ಯತ್ಂಜ ಅಂತಿಯೋಕ್ಯ ಪಟ್ಟಣಕ್ ಪೋನ ಚೆನ್ನ ಜನ, ಯೆಹೂದ್ಯ ಅಲ್ಲತ ಜನಕ್ ಒಡೆಯನಾನ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 11:22

ಈ ವಿಷಯನೆಲ್ಲ ಯೆರೂಸಲೇಮ್ ಸಬೆರ ಜನ ಕ್‍ೕಪಕ, ಅಯಿಂಗ ಬಾರ್ನಬನ ಅಂತಿಯೋಕ್ಯಕ್ ಅಯಿಚತ್.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 14:26

ಅಲ್ಲಿಂಜ ಅಯಿಂಗ ಸಮುದ್ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ಕಡೇಕ್ ಅಂತಿಯೋಕ್ಯಕ್ ಎತ್ತ್‌ಚಿ. ಅಯಿಂಗ ಇಕ್ಕ ನೆರವೇರಿಚಿಟ್ಟಿತುಳ್ಳ ದೇವಡ ಸೇವೆಕಾಯಿತ್ ಜನ ಈ ಜಾಗತ್ಂಜಲೇ ಅಯಿಂಗಳ ದೇವಡ ಕೃಪೆಕ್ ಒಪ್ಪ್‌ಚಿಟ್ಟ್ ಅಯಿ‍ಚಿತ್ಂಜತ್.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:30

ಅಯಿಂಗ ಅಪ್ಪಣೆ ಎಡ್‍ತಂಡ್ ಅಂತಿಯೋಕ್ಯಕ್ ಬಂತ್ ಅಯಿಂಗಳ ಎಲ್ಲಾ ಕೂಟಿತ್, ಆ ಕಾಗದತ್‍ನ ಅಯಿಂಗಕ್ ಒಪ್ಪ್‌ಚಿಟ್ಟತ್.

ಅಪೊಸ್ತಲ 15:32

ಯೂದ ಪಿಂಞ ಸೀಲ ಪ್ರವಾದಿಯಳಾಯಿತ್ ಇಂಜಗುಂಡ್, ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಕ್ ದುಂಬ ಬೋದನೆ ಮಾಡಿತ್, ಅಯಿಂಗಳ ದೈರ್ಯಪಡ್‍ತಿತ್ ದೃಡಪಡ್‍ತ್‍ಚಿ.

ಅಪೊಸ್ತಲ 18:22

ಅನ್ನನೆ, ಕೈಸರೈಯ ಪಟ್ಟಣಕ್ ಬಾತ್. ಅಲ್ಲಿಂಜ ಯೆರೂಸಲೇಮ್‌ಕ್ ಪೋಯಿತ್ ಸಬೆರ ಜನಕ್ ವಂದನೆ ಮಾಡಿತ್ ಅಂತಿಯೋಕ್ಯಕ್ ವಾಪಸ್ ಬಾತ್.

ಅಪೊಸ್ತಲ 2:17

ಕಡೆ ಕಾಲತ್‍ಲ್ ನಾನ್ ಎಲ್ಲಾ ಮನುಷ್ಯಂಗಡ ಮೇಲೆ ನಾಡ ಆತ್ಮತ್‌ನ ಬೂಕುವಿ. ಅಕ್ಕ ನಿಂಗಡ ಮೋನಿಯಂಗ, ಮೋಳಿಯ ಪ್ರವಾದನೆ ಎಣ್ಣುವ. ನಿಂಗಡ ಬಾಲೆಕಾರ ಮಕ್ಕ ದರ್ಶನ ಕಾಂಬ. ನಿಂಗಡ ಪೆರಿಯಯಿಂಗ ಸ್ವಪ್ನ ಕಾಂಬ.

ಅಪೊಸ್ತಲ 21:4

ಅಲ್ಲಿ ಇಂಜ ಯೇಸುನ ನಂಬ್‍ನಯಿಂಗಳ ತ್‍ೕಡಿ ಕಂಡ್‍ಪುಡ್‌ಚಿತ್ ನಂಗ ಅಯಿಂಗಡ ಕೂಡೆ ಒರ್ ವಾರ ಒಳಿಂಜಿತ್. ಅಯಿಂಗ ಪೌಲನ ನೋಟಿತ್: ನೀನ್ ಯೆರೂಸಲೇಮ್‌ಕ್ ಪೋಪದ್ ಬೋಂಡಾಂದ್ ಪವಿತ್ರಾತ್ಮತ್‍ರ ಪ್ರೇರಣೆಯಿಂಜ ಎಣ್ಣ್‌ಚಿ.

ಅಪೊಸ್ತಲ 21:9

ಅಂವೊಂಗ್, ಮಂಗಲ ಆಕತ ನಾಲ್ ಮೂಡಿ ಮಕ್ಕ ಇಂಜತ್; ಅಯಿಂಗ ಪ್ರವಾದನೆ ಎಣ್ಣ್‌ವಯಿಂಗಳಾಯಿತ್ ಇಂಜತ್.

ಅಪೊಸ್ತಲ 6:5

ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

1 ಕೊರಿಂಥ 12:10

ಬೋರೆ ಒಬ್ಬಂಗ್ ಅದ್ಬುತ ಕಾರ್ಯ ಮಾಡ್‌ವ ವರ, ಇಂಞೊಬ್ಬಂಗ್ ಪ್ರವಾದನೆ ಎಣ್ಣ್‌ವ ವರ, ಬೋರೆ ಒಬ್ಬಂಗ್ ದೇವಡ ಶಕ್ತಿಯಿಂಜ ಕೂಳಿಯಡ ಶಕ್ತಿನ ಗೊತ್ತ್‌ಮಾಡ್‍ವಕುಳ್ಳ ವರ, ಇಂಞೊಬ್ಬಂಗ್ ನಾನಾತರ ಬಾಷೆನ ಪರಿವಕುಳ್ಳ ವರ, ಬೋರೆ ಒಬ್ಬಂಗ್ ನಾನಾತರ ಬಾಷೆನ ಅರ್ಥ ಮಾಡಿತಪ್ಪ ವರ, ಅನ್ನನೆ ನಾನಾತರ ವರತ್‍ನ ಕೊಡ್‌ತಿತುಂಡ್.

1 ಕೊರಿಂಥ 12:28

ದೇವಡ ಸಬೇಲ್, ದೇವ ಆದ್ಯವಾಯಿತ್ ಅಪೊಸ್ತಲಂಗಳ, ಪಿಂಞ ಪ್ರವಾದಿಯಂಗಳ, ಪಿಂಞ ಉಪದೇಶ ಮಾಡ್‌ವಯಿಂಗಳ ಪಿಂಞ ಅದ್ಬುದ ಕಾರ್ಯ ಮಾಡ್‌ವಯಿಂಗಳ, ಪಿಂಞ ಕಾಯಿಲೆ ವಾಸಿ ಮಾಡ್‌ವಯಿಂಗಳ, ಪಿಂಞ ಸಹಾಯ ಮಾಡ್‌ವಯಿಂಗಳ ಪಿಂಞ ಆಡಳಿತ ಮಾಡ್‌ವಯಿಂಗಳ, ಪಿಂಞ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಯಿಂಗಳ ನೇಮಿಚಿಟ್ಟಿತುಂಡ್.

1 ಕೊರಿಂಥ 14:32

ಪ್ರವಾದನೆ ಎಣ್ಣ್‌ವಯಿಂಗಡ ಆತ್ಮ ಅಯಿಂಗಡ ಅದಿಕಾರತ್‍ಲ್ ಇಪ್ಪ ಅಲ್ಲಾ?

ಗಲಾತ್ಯ 2:11

ಆಚೇಂಗಿ, ಪೇತ್ರ ಅಂತಿಯೋಕ್ಯ ಪಟ್ಟಣಕ್ ಬಪ್ಪಕ, ಅಂವೊ ತಪ್ಪ್ ಮಾಡ್‍ಚೀಂದ್ ಚಾಯಿ ಗೊತ್ತಾನಗುಂಡ್, ಎಲ್ಲಾಡ ಮಿಂಞತ್‍ಲ್ ಅಂವೊಂಡ ಮೂಡ್ ನೋಟಿತ್ ಅಂವೊಂಗ್ ಎದ್‍ರ್ ನಿಂದಿಯೆ.

ಎಫೆಸ 4:11

ಅನ್ನನೆ ಅಂವೊ ಚೆನ್ನ ಜನಳ ಅಪೊಸ್ತಲಂಗಳಾಯಿತ್, ಚೆನ್ನ ಜನಳ ಪ್ರವಾದಿಯಂಗಳಾಯಿತ್, ಚೆನ್ನ ಜನಳ ದೇವಡ ನಲ್ಲ ಸುದ್ದಿ ಅರಿಚಿಡುವಯಿಂಗಳಾಯಿತ್, ಚೆನ್ನ ಜನಳ ಸಬೇನ ನಡ್‌ತ್‌ವಯಿಂಗಳಾಯಿತ್ ಪಿಂಞ ಚೆನ್ನ ಜನಳ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಯಿಂಗಳಾಯಿತ್ ನೇಮಿಚಿಟ್ಟತ್.