ಅಪೊಸ್ತಲ 11:23 - ಕೊಡವ ಬೈಬಲ್

²³ ಅಂವೊ ಅಲ್ಲಿಕ್ ಎತ್ತಿತ್ ದೇವಡ ಕೃಪೇನ ದೃಡವಾಯಿತ್ ಕಾಂಬಕ, ಅಂವೊಂಗ್ ದುಂಬ ಕುಶಿಯಾಯಿತ್, ಅಯಿಂಗಳ ನೋಟಿತ್, ಅಯಿಂಗ ತ್‍ೕರ ಹೃದಯತ್‍ಲ್ ಒಡೆಯಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಪುರ್‌ಡ್ ಕೊಡ್‍ತತ್.

ಅಪೊಸ್ತಲ 11:23 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 23:15

ನಾಡ ಮೋನೇ, ನೀಡ ಹೃದಯ ಜ್ಞಾನವುಳ್ಳದಾಯಿತ್‌ ಇಂಜಚೇಂಗಿ, ನಾಡ ಹೃದಯವು ಕುಶಿ ಪಡುವ.

ಜ್ಞಾನತ್‌ರ ಪಡಿಮ 23:28

ಅವ ಕಳ್ಳಂಡನೆಕೆ ದಾರ್‌ಕು ಗೊತ್ತಿಲ್ಲತ ಪದ್‌ಂಗಿ, ಆಣಾಳುವಡಡೆಲ್‌ ಕಳ್ಳತ್ತನ ಮಾಡುವ ಆಣಾಳ್‌ವಳ ಜಾಸ್ತಿ ಮಾಡುವ.

ಮತ್ತಾಯ 16:24

ಅಕ್ಕ, ಯೇಸು ಅಂವೊಂಡ ಶಿಷ್ಯಂಗಳ ನೋಟುವಂಜಿ: ನಿಂಗಡಲ್ಲಿ ದಾರ್‌ಕೇಂಗಿ ನಾಡ ಶಿಷ್ಯನಾಯಿತ್ ಇಪ್ಪಕ್ ಕುಶಿ ಇಂಜತೇಂಗಿ, ಅಂವೊ ಅಂವೊಂಡ ಆಸೆನೆಲ್ಲಾ ಬುಟ್ಟಿತ್, ತಾಂಡ ಶಿಲುಬೇನ ನೇತಿಯಂಡ್ ನಾಡ ಬಯ್ಯತ್ ಬರಡ್.

ಮಾರ್ಕ 2:5

ಯೇಸು ಅಯಿಂಗಡ ನಂಬಿಕೇನ ಕಂಡಿತ್, ಆ ಮನುಷ್ಯಂಗ್: ನಾಡ ಮೋನೇ, ನೀಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ಚೀಂದ್ ಎಣ್ಣ್‌ಚಿ.

ಯೋಹಾನ 15:4

ನಿಂಗ ನಾಡಲ್ಲಿ ಸ್ತಿರವಾಯಿತಿರಿ, ನಾನ್ ನಿಂಗಡಲ್ಲಿ ಸ್ತಿರವಾಯಿತ್ ಇಪ್ಪಿ; ಕೊಂಬ್ ಬಳ್ಳಿಲ್ ಸ್ತಿರವಾಯಿತ್ ಇಲ್ಲತಪೋನಕ ಎನ್ನನೆ ತಾನಾಯಿತೇ ಫಲ ತಪ್ಪ್‌ಲೆಯೊ ಅನ್ನನೆ ನಿಂಗ ನಾಡಲ್ಲಿ ಸ್ತಿರವಾಯಿತ್ ಇಕ್ಕತೆ ಪೋನಕ ಫಲ ತಪ್ಪುಲೆ.

ಅಪೊಸ್ತಲ 13:43

ಸಬಾಮಂದಿತ್‍ಲ್ ಕೂಡ್‍ನ ಜನ ಪೋನ ಪಿಂಞ, ಚೆನ್ನ ಯೆಹೂದ್ಯಂಗ ಪಿಂಞ ಯೆಹೂದ್ಯ ನಂಬಿಕೇಕ್ ಬಂದ ಬಕ್ತಿಯುಳ್ಳಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಟ್‍ಕ್ ಕೂಡ್‍ಚಿ. ಈಂಗ ಅಯಿಂಗಡ ಕೂಡೆ ತಕ್ಕ್ ಪರ್ಂದಂಡ್, ದೇವಡ ಕೃಪೇಲ್ ಸ್ತಿರವಾಯಿತ್ ನಿಪ್ಪಕ್ ಅಯಿಂಗಕ್ ಆಲೋಚನೆ ಕೊಡ್‍ತತ್.

ಅಪೊಸ್ತಲ 14:22

ಯೇಸುನ ನಂಬ್‍ನಯಿಂಗಡ ಮನಸ್ಸ್‌ನ ಗಟ್ಟಿ ಮಾಡಿತ್, ನೇರಾನ ನಂಬಿಕೇಲ್ ಸ್ತಿರವಾಯಿತ್ ನಿಕ್ಕಂಡೂಂದ್ ಬುದ್ದಿ ತಕ್ಕ್ ಎಣ್ಣಿತ್, ನಂಗ ದುಂಬ ಕಷ್ಟತ್‍ನ ಅನುಬವಿಚಿಟ್ಟಿತ್ ದೇವಡ ರಾಜ್ಯತ್‍ರ ಒಳ್‍ಕ್ ಕೂಡಂಡೂಂದ್ ಎಚ್ಚರ ಮಾಡಿತ್ ಅಯಿಂಗಳ ದೈರ್ಯಪಡ್‍ತ್‍ಚಿ.

ಅಪೊಸ್ತಲ 14:26

ಅಲ್ಲಿಂಜ ಅಯಿಂಗ ಸಮುದ್ರ ಮಾರ್ಗವಾಯಿತ್ ಪ್ರಯಾಣ ಮಾಡಿತ್ ಕಡೇಕ್ ಅಂತಿಯೋಕ್ಯಕ್ ಎತ್ತ್‌ಚಿ. ಅಯಿಂಗ ಇಕ್ಕ ನೆರವೇರಿಚಿಟ್ಟಿತುಳ್ಳ ದೇವಡ ಸೇವೆಕಾಯಿತ್ ಜನ ಈ ಜಾಗತ್ಂಜಲೇ ಅಯಿಂಗಳ ದೇವಡ ಕೃಪೆಕ್ ಒಪ್ಪ್‌ಚಿಟ್ಟ್ ಅಯಿ‍ಚಿತ್ಂಜತ್.

ಅಪೊಸ್ತಲ 15:40

ಆಚೇಂಗಿ ಪೌಲ, ಸೀಲನ ಆಯ್ಕೆ ಮಾಡಿಯಂಡ್ ಪೋಪಕ, ಅಲ್ಲಿಯತ್ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ಒಡೆಯಂಡ ಕೃಪೆಕ್ ಅಯಿಂಗಳ ಒಪ್ಪ್‌ಚಿಟ್ಟಿತ್ ಅಯಿಚತ್.

ಅಪೊಸ್ತಲ 20:24

ಆಚೇಂಗಿ, ಇದ್‍ನೆಲ್ಲ ನೋಟಿತ್ ನಾಕ್ ಬೇಜಾರ್ ಆಪುಲೆ, ನಾಡ ಪ್ರಾಣತ್‍ನ ಸಹ ನಾನ್ ಬಲ್ಯದಾಯಿತ್ ಗೇನ ಮಾಡುಲೆ. ನಾಡ ಓಟತ್‍ನ ಕುಶೀಲ್ ಪೂರ್ತಿಮಾಡ್‌ವಕು, ಒಡೆಯನಾನ ಯೇಸು ನಾಕ್ ಒಪ್ಪ್‌ಚಿಟ್ಟ ದೇವಡ ಕೃಪೇರ ನಲ್ಲ ಸುದ್ದಿನ ಸಾಕ್ಷಿ ಕೊಡ್‍ಪದ್‍ನ ನೆರೆವೇರಿಚಿಡುವಕು ಮಾತ್ರ ನಾನ್ ಕುಶಿ ಪಡುವಿ.

ಅಪೊಸ್ತಲ 20:32

ನಾನ್ ಇಕ್ಕ ನಿಂಗಳ ದೇವಂಗೂ ಅಂವೊಂಡ ಕೃಪೇರ ವಾಕ್ಯ‌ಕೂ ಒಪ್ಪ್‌ಚಿಟ್ಟಿತ್ ಪೋಪಿ. ಈ ಕೃಪೇರ ವಾಕ್ಯ ನಿಂಗಡ ಬಕ್ತಿ ಬೊಳಿವಕು, ಅಂವೊಂಗಾಯಿತ್ ಬೋರೆ ಮಾಡಿತುಳ್ಳ ಪವಿತ್ರವಾನ ಜನಕ್ ಬೆಚ್ಚಿತುಳ್ಳ ಬಾದ್ಯತ್‌ಲ್ ನಿಂಗಕು ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 4:36

ಇನ್ನನೆ ಮಾಡಿಯಂಡ್ ಉಳ್ಳಯಿಂಗಡಡೆ‍ಲ್ ಕುಪ್ರ ದೇಶತ್ಂಜ ಬಂದ ಲೇವಿಯ ಕುಲಕ್ ಕೂಡ್‍ನ ಒಬ್ಬನು, ಒತ್ತಾಸೆ ಮಾಡ್‌ವಂವೋಂದ್ ಅಪೊಸ್ತಲಂಗ ಕಾಕ್‍ನ ಬಾರ್ನಬ ಎಣ್ಣುವ ಪೆದ ಉಳ್ಳ ಯೋಸೇಫ,

ರೋಮ್ 12:8

ಪುರ್‌ಡ್ ಕೊಡ್‍ಪ ವರ ಎಣ್ಣ್‌ಚೇಂಗಿ, ಅಂವೊ ಪುರ್‌ಡ್ ಕೊಡ್‌ಕಡ್; ಬೋರೆಯಿಂಗಡ ಅವಸ್ಯಕ್ ಸಹಾಯ ಮಾಡ್‌ವ ವರ ಎಣ್ಣ್‌ಚೇಂಗಿ, ಅಂವೊ ದಾರಾಳವಾಯಿತ್ ಸಹಾಯ ಮಾಡಡ್; ತಕ್ಕಾಮೆರ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಜಾಗ್ರತೆಲ್ ಮಾಡಡ್. ಕರುಣೆ ಕಾಟುವ ವರ ಎಣ್ಣ್‌ಚೇಂಗಿ, ಅಂವೊ ಅದ್‍ನ ಕುಶೀಲ್ ಮಾಡಡ್.

1 ಕೊರಿಂಥ 15:58

ಆನಗುಂಡ್, ನಾಡ ಪ್ರೀತಿರ ಜನಳೇ, ನಿಂಗ ನಿಂಗಡ ನಂಬಿಕೇಲ್ ದೃಡವಾಯಿತ್ ಇರಂಡು, ಏದ್ ಒರ್ ವಿಷಯವು ನಿಂಗಡ ನಂಬಿಕೇನೆ ಅನುಮಾನ ಪಡ್‍ತ್‍ವಕ್ಕಾಗ. ಒಡೆಯ ನಿಂಗಕ್ ಒಪ್ಪ್‌ಚಿಟ್ಟ ಕೆಲಸತ್‍ಲ್ ಮಿಂಞಕ್ ಪೋಪಯಿಂಗಳಾಯಿತ್ ಮಾಡಿಯಂಡಿರಿ. ನಿಂಗ ಮಾಡ್‌ವ ಒಡೆಯಂಡ ಕೆಲಸಕ್ ಫಲ ಇಲ್ಲತೆ ಪೋಪುಲೇಂದ್ ನಿಂಗಕ್ ಗೊತ್ತುಂಡುಲ್ಲ?

2 ಕೊರಿಂಥ 1:17

ನಾನ್ ಇನ್ನನೆ ಗೇನ ಮಾಡ್‍ನದ್ ವ್ಯಾರ್ತಾಂದ್ ನಾನ್ ಗೇನ ಮಾಡ್‍ನನಾ? ಅಥವ ಅಕ್ಕು ಅಕ್ಕೂಂದು, ಇಲ್ಲೆ ಇಲ್ಲೇಂದು, ನಾಡಲ್ಲಿ ಇಪ್ಪನೆಕೆ ಮನುಷ್ಯ ರೀತಿಲ್ ಒರೇ ಸಮಯತ್‍ಲ್ ಗೇನಮಾಡಿಯಂಡುಂಡಾ?

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಕೊಲೊಸ್ಸೆ 1:6

ನಿಂಗಡ ಪಕ್ಕ ಬಂದ ಆ ದೇವಡ ನಲ್ಲ ಸುದ್ದಿ, ಇಡೀ ಲೋಕಕ್ ಪೋಯಂಡುಂಡ್. ಅದ್ ನಿಂಗಡ ಪಕ್ಕ ಬಂದಿತ್, ನಿಂಗ ಅದ್‍ನ ಕ್‍ೕಟಿತ್ ದೇವಡ ಕೃಪೇನ ನೇರಾಯಿತ್ ಅರ್ಥಮಾಡ್‍ನ ದಿವಸತ್ಂಜ ನಿಂಗಡ ಬದ್‍ಕ್‍ಲ್ ಎನ್ನನೆ ಫಲ ತಂದ್‍ೕಂಡುಂಡೊ, ಅನ್ನನೆ ಅದ್ ಪೋಪ ಜಾಗತ್‍ಲೆಲ್ಲಾ ಸಹ, ಜನಡ ಬದ್‍ಕ್‍ಲ್ ಮಾಡಿಯಂಡುಂಡ್.

2 ತಿಮೊಥೆಯ 3:10

ಆಚೇಂಗಿ ತಿಮೊಥೆಯ, ನಾಡ ಬೋದನೆ, ಬದ್‍ಕ್‍ರ ಬಟ್ಟೆ, ನಾಡ ಬದ್‍ಕ್‍ರ ನೋಕ, ನಾಡ ನಂಬಿಕೆ, ದೀರ್ಗ ಸಮಾದಾನ, ಪ್ರೀತಿ, ಪೊರುಮೆನ,

1 ಪೇತ್ರ 5:12

ನಿಂಗಕ್ ಪುರ್‌ಡ್ ಕೊಡ್‍ಪಕ್ ಪಿಂಞ ಈ ಕೃಪೆ ದೇವಡ ಸತ್ಯವಾನದ್‍ೕಂದ್ ಸಾಕ್ಷಿಕೊಡುಪಕಾಯಿತ್, ನಾನ್ ಈ ಚೆರಿಯ ಕಾಗದತ್‍ನ ಸತ್ಯವಂತಂವೋಂದ್ ನಾನ್ ಗೇನ ಮಾಡ್‌ವ ತಮ್ಮಣನಾನ ಸಿಲ್ವಾನಂಡ ಸಹಾಯತ್‍ಲ್ ಒಳ್‍ದಿಯೆ. ಇದ್‍ಲ್ ನಿಂಗ ಸ್ತಿರವಾಯಿತ್ತಿರಿ.

1 ಯೋಹಾನ 2:28

ಇಕ್ಕ, ನಾಡ ಪ್ರೀತಿರ ಚೆರಿಯ ಮಕ್ಕಳೇ, ಅಂವೊ ಈ ಲೋಕಕ್ ಪ್ರತ್ಯಕ್ಷ ಆಪ ದಿವಸತ್‍ಲ್ ನಂಗ ಅಂವೊಂಡ ಮಿಂಞತ್‍ಲ್ ಒರ್ ಞಾಣ ಇಲ್ಲತೆ ದೈರ್ಯತ್‍ಲ್ ನಿಪ್ಪಕ್ ಅಂವೊಂಡ ಕೂಡೆ ಒಂದಾಯಿತ್ ಇರಂಡು.

3 ಯೋಹಾನ 1:4

ನಾಡ ಮಕ್ಕ ಸತ್ಯತ್‍ಲ್ ನಡ್‍ದಂಡುಂಡ್‍ೕಂದ್ ಕ್‍ೕಪಕಿಂಜ ಬಲ್ಯ ಕುಶಿ ನಾಕ್ ಬೋರೆ ಏದು ಇಲ್ಲೆ.

ಯೂದ ಒಳ್‍ದ್‍ನ ಕಾಗದ 1:4

ಎನ್ನಂಗೆಣ್ಣ್‌ಚೇಂಗಿ, ದೇವಡ ಮೇಲೆ ದಂಗೆ ಮಾಡ್‌ವ ಚೆನ್ನ ಜನ ನಿಂಗಕ್ ಗೊತ್ತಿಲ್ಲತೆ ನಿಂಗಡ ಸಬೇಲ್ ನುಗ್ಗಿತ್, ದೇವಡ ಕೃಪೆ ನಂಗಳ ಕಾಮಾಬಿಲಾಷೆ ಪಾಪ ಮಾಡ್‌ವಕ್ ಅನುಮತಿ ಕೊಡ್‍ತಿತುಂಡ್‍ೕಂದ್ ಎಣ್ಣಿಯಂಡ್, ಯೇಸು ಕ್ರಿಸ್ತ ಒಬ್ಬನೇ ನಂಗಡ ಮೇಲೆ ಎಲ್ಲಾ ಅದಿಕಾರ ಉಳ್ಳ ಒಡೆಯಾಂದ್ ಉಳ್ಳಾನ ಒತ್ತಂಡಿಲ್ಲೆ. ಅಯಿಂಗಡ ತೀರ್ಪ್‌ನ ಪಂಡೇ ದೇವ ಒಳ್‍ದಿ ಬೆಚ್ಚಿತುಂಡ್.