ಅಪೊಸ್ತಲ 11:22 - ಕೊಡವ ಬೈಬಲ್

²² ಈ ವಿಷಯನೆಲ್ಲ ಯೆರೂಸಲೇಮ್ ಸಬೆರ ಜನ ಕ್‍ೕಪಕ, ಅಯಿಂಗ ಬಾರ್ನಬನ ಅಂತಿಯೋಕ್ಯಕ್ ಅಯಿಚತ್.

ಅಪೊಸ್ತಲ 11:22 ပူးပေါင်းရင်းမြစ်များ

ಅಪೊಸ್ತಲ 11:1

ಯೆಹೂದ್ಯ ಜನ ಅಲ್ಲತೆ ಬೋರೆ ಜನಳು ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‌ಚೀಂದ್ ಉಳ್ಳ ಸುದ್ದಿ ಅಪೊಸ್ತಲಂಗಕು, ಯೂದಾಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕು ಕ್‍ಟ್ಟ್‌ಚಿ.

ಅಪೊಸ್ತಲ 11:19

ಸ್ತೆಫನಂಡ ವಿಷಯತ್‍ಲ್ ಸುರು ಆನ ಹಿಂಸೆಯಿಂಜ ಚದ್‍ರಿಪೊನಯಿಂಗ, ಫೊಯಿನಿಕೆ, ಕುಪ್ರ ಪಿಂಞ ಅಂತಿಯೋಕ್ಯಕತ್ತನೆ ಪ್ರಯಾಣ ಮಾಡ್‍ಚಿ. ಆಚೇಂಗಿ ಅಯಿಂಗ ಯೆಹೂದ್ಯಂಗಕ್ ಮಾತ್ರ ದೇವಡ ಸುದ್ದಿನ ಪ್ರಸಂಗ ಮಾಡ್‍ಚಿ.

ಅಪೊಸ್ತಲ 11:20

ಆಚೇಂಗಿ, ಅಯಿಂಗಡಲ್ಲಿ ಕುಪ್ರ ಪಿಂಞ ಕುರೇನ್ಯತ್ಂಜ ಅಂತಿಯೋಕ್ಯ ಪಟ್ಟಣಕ್ ಪೋನ ಚೆನ್ನ ಜನ, ಯೆಹೂದ್ಯ ಅಲ್ಲತ ಜನಕ್ ಒಡೆಯನಾನ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 11:27

ಆ ಕಾಲತ್‍ಲ್ ಬಾರ್ನಬ ಪಿಂಞ ಸೌಲ ಅಂತಿಯೋಕ್ಯತ್‍ಲ್ ಇಪ್ಪಕ, ಚೆನ್ನ ಪ್ರವಾದಿಯಂಗ ಯೆರೂಸಲೇಮ್ಂಜ ಬಾತ್.

ಅಪೊಸ್ತಲ 15:2

ಅಕ್ಕ, ಅಯಿಂಗಕು ಪಿಂಞ ಪೌಲ ಬಾರ್ನಬಂಗಕು ಬಲ್ಯ ತರ್ಕ ಆಚಿ. ಈ ವಿಷಯಕಾಯಿತ್, ಅಲ್ಲಿಂಜ ಪೆರಿಯಯಿಂಗ, ಪೌಲ ಪಿಂಞ ಬಾರ್ನಬಂಡ ಕೂಡೆ ಇಂಞು ಚೆನ್ನ ಜನಳ ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗಡ ಪಕ್ಕ ಪೋಪಕ್ ಅಯಿಂಗಳ ನೇಮಿಚಿಟ್ಟತ್.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 18:22

ಅನ್ನನೆ, ಕೈಸರೈಯ ಪಟ್ಟಣಕ್ ಬಾತ್. ಅಲ್ಲಿಂಜ ಯೆರೂಸಲೇಮ್‌ಕ್ ಪೋಯಿತ್ ಸಬೆರ ಜನಕ್ ವಂದನೆ ಮಾಡಿತ್ ಅಂತಿಯೋಕ್ಯಕ್ ವಾಪಸ್ ಬಾತ್.

ಅಪೊಸ್ತಲ 6:5

ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 8:14

ಸಮಾರ್ಯತ್‍ರ ಜನ ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‍ಚೀಂದ್ ಉಳ್ಳ ವಿಷಯತ್‍ನ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಕ್‍ೕಟಿತ್, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಪಕ್ಕ ಅಯಿಚತ್.

ಅಪೊಸ್ತಲ 9:27

ಆಚೇಂಗಿ ಬಾರ್ನಬ ಅಂವೊನ ಕೂಟಿಯಂಡ್, ಅಪೊಸ್ತಲಂಗಡ ಪಕ್ಕ ಕಾಕಿಯಂಡ್ ಪೋಚಿ. ಬಾರ್ನಬ, ಅಯಿಂಗಕೆಲ್ಲ ಸೌಲ ಎನ್ನನೆ ಒಡೆಯನ ಬಟ್ಟೇಲ್ ಕಂಡತ್‍ೕಂದೂ, ಒಡೆಯ ಅಂವೊಂಡ ಕೂಡೆ ತಕ್ಕ್ ಪರ್ಂದದನೂ ಎಣ್ಣ್‌ಚಿ. ಅದಲ್ಲತೆ ದಮಸ್ಕತ್‍ಲ್ ಯೇಸುರ ಪೆದತ್‍ಲ್ ಇಂವೊ ದೈರ್ಯತ್‍ಲ್ ತಕ್ಕ್ ಪರ್ಂದದ್‍ನ ಸಹ ಅಯಿಂಗಕ್ ವಿವರಿಚಿಟ್ಟತ್.

ಗಲಾತ್ಯ 2:11

ಆಚೇಂಗಿ, ಪೇತ್ರ ಅಂತಿಯೋಕ್ಯ ಪಟ್ಟಣಕ್ ಬಪ್ಪಕ, ಅಂವೊ ತಪ್ಪ್ ಮಾಡ್‍ಚೀಂದ್ ಚಾಯಿ ಗೊತ್ತಾನಗುಂಡ್, ಎಲ್ಲಾಡ ಮಿಂಞತ್‍ಲ್ ಅಂವೊಂಡ ಮೂಡ್ ನೋಟಿತ್ ಅಂವೊಂಗ್ ಎದ್‍ರ್ ನಿಂದಿಯೆ.

1 ಥೆಸಲೊನೀಕ 3:6

ಇಕ್ಕ ತಿಮೊಥೆಯ ನಿಂಗಡಲ್ಲಿಂಜ ನಂಗಡ ಪಕ್ಕ ಬಂದಿತ್, ನಿಂಗ ನಂಬಿಕೇಲ್ ಸ್ತಿರವಾಯಿತ್ ಇಪ್ಪಾನ ಪಿಂಞ ಒಬ್ಬೊಬ್ಬಂಡ ಮೇಲೆ ಉಳ್ಳ ನಿಂಗಡ ಪ್ರೀತಿನ, ನಲ್ಲರಿಕೆಯಾಯಿತ್ ನಂಗಕ್ ಎಣ್ಣ್‌ಚಿ. ನಿಂಗ ನಂಗಳ ಎಕ್ಕಾಲು ಕುಶೀಲ್ ಗೇನ ಮಾಡಿಯಂಡ್, ನಂಗ ನಿಂಗಳ ಕಾಂಗಂಡೂಂದ್ ಆಸೇಲ್ ಗೇನ ಮಾಡ್‌ವನೆಕೆ, ನಿಂಗಳು ನಂಗಳ ಕಾಂಗಂಡೂಂದ್ ಆಸೆಯಾಯಿತ್ ಉಳ್ಳಿರಾಂದ್ ಅಂವೊ ನಂಗಕ್ ಎಣ್ಣ್‌ಚಿ.