ಅಪೊಸ್ತಲ 11:21 - ಕೊಡವ ಬೈಬಲ್

²¹ ದೇವಡ ಶಕ್ತಿ ಅಯಿಂಗಡ ಕೂಡೆ ಇಂಜತ್. ಬಲ್ಯ ಜನಡ ಗುಂಪ್ ನಂಬಿತ್, ಒಡೆಯಂಡ ಪಕ್ಕ ತಿರ್‍ಗ್‍ಚಿ.

ಅಪೊಸ್ತಲ 11:21 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:66

ಎಲ್ಲಾರ್‌ಕು ಈ ಸುದ್ದಿನ ಕ್‍ೕಪಕ, ಈ ಕುಂಞಿ ಎಂತ ಆಪಾಂದ್, ಗೇನ ಮಾಡಿಯಂಡ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್. ದೇವಡ ಶಕ್ತಿ ಆ ಕುಂಞಿರ ಮೇಲೆ ಇಂಜತ್‍ೕಂದ್ ಜನಕೆಲ್ಲ ಗೊತ್ತಾಚಿ.

ಅಪೊಸ್ತಲ 11:24

ಬಾರ್ನಬ ದುಂಬ ನಲ್ಲಂವೊನಾಯಿತ್‌ಂಜತ್. ಅಂವೊ ಪವಿತ್ರಾತ್ಮತ್‍ಲ್ ದುಂಬ್‍ನಂವೊನು, ನಂಬಿಕೇಲ್ ದೃಡವುಳ್ಳಂವೊನಾಯಿತು ಇಂಜತ್. ಆನಗುಂಡ್ ದುಂಬ ಜನ ಒಡೆಯಂಡ ಪಕ್ಕ ಕೂಡ್‍ಚಿ.

ಅಪೊಸ್ತಲ 15:19

ಇನ್ನನೆ ಇಪ್ಪಕ ನಾಡ ಅಬಿಪ್ರಾಯ ಎಂತ ಎಣ್ಣ್‌ಚೇಂಗಿ: ಯೆಹೂದ್ಯಂಗ ಅಲ್ಲತ ಬೋರೆ ಜನತ್‍ಂಜ ದೇವಡ ಕಡೇಕ್ ಬಪ್ಪಯಿಂಗಕ್ ತೊಂದರೆ ಮಾಡ್‌ವಕ್ಕಾಗ.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ಅಪೊಸ್ತಲ 4:4

ಆಚೇಂಗಿ, ಪೇತ್ರ ಪಿಂಞ ಯೋಹಾನಂಡ ವಾಕ್ಯತ್‍ನ ಕ್‍ೕಟ ದುಂಬ ಜನ ಅದ್‍ನ ನಂಬ್‍ಚಿ. ಆಣಾಳ್‍ವ ಮಾತ್ರ ಸುಮಾರ್ ಅಂಜಾಯಿರಚ್ಚಕ್ ಇಲ್ಲಿಕತ್ತನೆ ಆಚಿ.

ಅಪೊಸ್ತಲ 5:14

ಆಚೇಂಗಿಯು ಇಂಞು ದುಂಬ ಆಣಾಳು ಪೊಣ್ಣಾಳು ಒಡೆಯನ ನಂಬಿತ್ ಅಯಿಂಗಡ ಕೂಟ್‍ಕ್ ಕೂಡಿಯಂಡೇ ಇಂಜತ್.

ಅಪೊಸ್ತಲ 6:7

ದೇವಡ ವಾಕ್ಯ ಎಲ್ಲಾ ಜಾಗಕ್ ಪಬ್ಬಿಯಂಡಿಂಜತ್; ಯೇಸುನ ನಂಬ್‍ನಯಿಂಗಡ ಸಂಖ್ಯೆ ಯೆರೂಸಲೇಮ್‍ಲ್ ದುಂಬ ಆಯಂಡಿಂಜತ್; ದುಂಬ ಯಾಜಕಂಗಳು ಕ್ರಿಸ್ತಂಡ ನಂಬಿಕೇಕ್ ಬಾತ್.

ಅಪೊಸ್ತಲ 9:35

ಬಯ್ಯ ಲುದ್ದ ಪಿಂಞ ಸಾರೋನ ಎಣ್ಣುವ ಜಾಗತ್‍ಲ್ ವಾಸಯಿಂಜ ಜನಯೆಲ್ಲ ಅಂವೊ ನಡ್ಂದಂಡುಳ್ಳಾನ ಕಂಡಿತ್ ಒಡೆಯಂಡ ಪಕ್ಕ ತಿರಿಗಿ ಬಾತ್.

1 ಥೆಸಲೊನೀಕ 1:5

ನಂಗ ನಿಂಗಡ ಪಕ್ಕ ಎಣ್ಣ್‌ನ ದೇವಡ ನಲ್ಲ ಸುದ್ದಿ ತಕ್ಕಾಯಿತ್ ಮಾತ್ರ ಬಂದಿತ್‌ಲ್ಲೆ. ಆಚೇಂಗಿ ಅದ್ ಶಕ್ತಿಲ್, ಪವಿತ್ರಾತ್ಮತ್‍ಲ್ ಪಿಂಞ ತ್‍ೕರ ನಿಶ್ಚಯತ್‍ಲ್ ಬಾತ್‍ೕಂದ್ ನಂಗಕ್ ಗೊತ್ತುಂಡ್. ನಿಂಗಕ್ ಗೊತ್ತುಳ್ಳನೆಕೆ, ನಂಗ ನಿಂಗಡ ಕೂಡೆ ಇಪ್ಪಕ, ನಿಂಗಡ ನಲ್ಲಾಮೇಕಾಯಿತ್, ನಂಗ ಎನ್ನನೆ ಬದ್‍ಕಿಯಂಡ್ ಇಂಜತ್‍ೕಂದ್ ನಿಂಗಕ್ ಗೊತ್ತುಂಡಲ್ಲ?