ಅಪೊಸ್ತಲ 11:16 - ಕೊಡವ ಬೈಬಲ್

¹⁶ ಅಕ್ಕ: ಯೋಹಾನ ನಿಂಗಳ ನೀರ್‌ಲ್ ದೀಕ್ಷಾಸ್ನಾನ ಮಾಡ್‍ಚಿ, ಆಚೇಂಗಿ ನಿಂಗ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಪಡೆಯುವಿರಾಂದ್ ಒಡೆಯ ಎಣ್ಣ್‌ನ ತಕ್ಕ್ ನಾಕ್ ಗೇನ ಬಾತ್.

ಅಪೊಸ್ತಲ 11:16 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:23

ನಾಡ ಎಚ್ಚರ ತಕ್ಕ್‌ಕ್‌ ಕೆಮಿ ಕೊಡಿ; ಇದಾ, ನಾಡ ಆತ್ಮತ್‌ನ ನಾನ್‌ ನಿಂಗಡ ಮೇಲೆ ಬೂಕಿತ್, ನಾಡ ತಕ್ಕ್‌ ನಿಂಗಕ್‌ ಗೊತ್ತಾಪನೆಕೆ ಮಾಡುವಿ.

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಮಾರ್ಕ 1:8

ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ, ಆಚೇಂಗಿ ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವಾಂದ್ ಬೋದನೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:8

ಅಕ್ಕ ಆ ಪೊಣ್ಣಾಳುವಕ್ ಯೇಸು ಪರ್ಂದ ತಕ್ಕ ಗೇನ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:16

ಅಕ್ಕ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್. ಆಚೇಂಗಿ ನಾಕಿಂಜ ಬಲ್ಯಂವೊ ಒಬ್ಬ ಬಪ್ಪ. ನಾನ್ ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಯೋಹಾನ 1:26

ಅದ್ಂಗ್ ಯೋಹಾನ: ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತಂಡುಂಡ್; ನಿಂಗಕ್ ಗೊತ್ತಿಲ್ಲತ ಒಬ್ಬ ನಿಂಗಡ ಮದ್ಯತ್‍ಲ್ ನಿಂದಂಡುಂಡ್.

ಯೋಹಾನ 1:33

ನಾಕ್ ಇಂವೊ ದಾರ್‍ೕಂದ್ ಗೊತ್ತ್‌ಂಜಿತ್‌ಲ್ಲೆ; ಆಚೇಂಗಿಯು, ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ಪಕ್ ನನ್ನ ಅಯಿಚ ದೇವ ನಾಡ ಪಕ್ಕ: ಪವಿತ್ರಾತ್ಮ ದಾಡ ಮೇಲೆ ಬಂದಿತ್ ಅಳ್‍ಪದ್‍ನ ನೀನ್ ಕಾಂಬಿಯೋ, ಅಂವೊನೇ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಕೊಡ್‍ಪಂವೋಂದ್ ನಾಕ್ ಎಣ್ಣಿತ್ಂಜತ್.

ಯೋಹಾನ 14:26

ನಾಡ ಪೆದತ್‍ಲ್ ನಾಡ ಅಪ್ಪ ನಿಂಗಕ್ ಅಯಿಪ ಪವಿತ್ರಾತ್ಮನಾನ ಆಲೋಚನೆಕಾರನೇ ನಿಂಗಕ್ ಬೋದನೆ ಮಾಡಿತ್, ನಾನ್ ನಿಂಗಕ್ ಎಣ್ಣ್‌ನ ಎಲ್ಲಾ ವಿಷಯತ್‍ನ ನಿಂಗಡ ಗೇನಕ್ ಕೊಂಡ್ ಬಪ್ಪ.

ಯೋಹಾನ 16:4

ಇನ್ನನೆಲ್ಲಾ ಆಪಕ, ಇದ್‍ನೆಲ್ಲಾ ನಾನ್ ನಿಂಗಕ್ ಎಣ್ಣಿಯೇಂದ್ ನಿಂಗಕ್ ಗೇನ ಆಪಕಾಯಿತ್ ನಾನ್ ಇಕ್ಕ ಎಣ್ಣಿಯೆ; ನಾನ್ ನಿಂಗಡ ಕೂಡೆ ಸುರುಯಿಂಜಲೇ ಇಂಜಾಂಗ್, ಇದ್‍ನೆಲ್ಲಾ ಅಕ್ಕ ಎಣ್ಣಿತ್‌ಲ್ಲೆ.

ಅಪೊಸ್ತಲ 1:5

ಯೋಹಾನ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ಕೊಡ್‍ತತ್, ಆಚೇಂಗಿ ಇಂಞು ಚೆನ್ನ ದಿವಸತ್‍ಲ್ ನಿಂಗಳ ಪವಿತ್ರಾತ್ಮತ್‍ಲ್ ದೀಕ್ಷಾಸ್ನಾನ ಮಾಡ್‌ವ. ಆನಗುಂಡ್ ನಿಂಗ ಯೆರೂಸಲೇಮ್‍ನ ಬುಟ್ಟಿತ್ ಪೋಕತೆ, ನಾನ್ ನಿಂಗಕ್ ಎಣ್ಣ್‌ನ ನಾಡ ಅಪ್ಪಂಡ ವಾಗ್ದಾನತ್‍ರ ವರ ನಿಂಗಡಲ್ಲಿ ನೆರವೇರ್‍ವಕತ್ತನೆ ಪಾರಕಾತಂಡಿರೀಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 20:35

ಇನ್ನನೆ ಕಷ್ಟಪಟ್ಟಿತ್, ಇಲ್ಲತಯಿಂಗಕ್ ಸಹಾಯ ಮಾಡ್‌ವಕು, ಪಿಂಞ ಎಡ್‍ಪಕಿಂಜ ಕೊಡ್‌ಪದೇ ಬಲ್ಯ ಆಶೀರ್ವಾದಾಂದ್ ಒಡೆಯನಾನ ಯೇಸು ಎಣ್ಣ್‌ನನೆಕೆ, ಗೇನಮಾಡಂಡೂಂದ್ ಎಲ್ಲಾ ವಿಷಯತ್‍ಲ್ ನಾನ್ ನಿಂಗಕ್ ಉದರಾಣೆಯಾಯಿತ್ ಇಂಜ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

2 ಪೇತ್ರ 3:1

ಪ್ರೀತಿರ ಜನಳೇ, ನಾನ್ ನಿಂಗಕ್ ಇಕ್ಕ ಒಳ್‍ದ್‍ವದ್ ದಂಡನೆ ಕಾಗದ. ನಾನ್ ಒಳ್‍ದ್‍ನ ಈ ದಂಡ್ ಕಾಗದ‍ತ್‍ಲು, ನಿಂಗಡ ಮನಸ್ಸ್‌ರ ಞಾಪಕತ್‍ನ ಎಪ್ಪ್‌ಚಿಡ್‌ವಕ್ ಪಿಂಞ ಚೆನ್ನ ವಿಷಯತ್‍ನ ಗೇನ ಮಾಡ್‍ಚಿಡ್‌ವಕ್ ನಾನ್ ಪೇಚಾಡಿಯಂಡುಂಡ್.