ಅಪೊಸ್ತಲ 11:14 - ಕೊಡವ ಬೈಬಲ್

¹⁴ ನೀಕು, ನಿಂಗಡ ಮನೆಕಾರಕು ರಕ್ಷಣೆ ಕ್‍ಟ್ಟ್‌ವಕ್ ಎಂತ ಮಾಡಂಡೂಂದ್ ಅಂವೊ ಎಣ್ಣುವಾಂದ್ ಆ ದೇವದೂತ ಎಣ್ಣ್‌ಚೀಂದು ಅಂವೊ ನಂಗಕ್ ಎಣ್ಣ್‌ಚಿ.

ಅಪೊಸ್ತಲ 11:14 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 17:7

ನೀಕು ನೀಡ ಬಯ್ಯ ಬಪ್ಪ ನೀಡ ಮಕ್ಕಡ ಸಂತಾನಕು ನಾನ್‌ ಯೆಹೋವನಾನ ದೇವನಾಯಿತ್‌ಪ್ಪಕಾಯಿತ್‌ ನಾಕು ನೀಕು, ನೀಡ ಬಯ್ಯ ಬಪ್ಪ ಮಕ್ಕಡ ಸಂತಾನತ್‌ರ ಮದ್ಯತ್‌ಲ್, ನಾಡ ಒಪ್ಪಂದತ್‌ನ ನಿತ್ಯ ಒಪ್ಪಂದವಾಯಿತ್‌ ಸ್ತಾಪನೆ ಮಾಡುವಿ.

ಆದ್ಯತ್‌ರ ಪುಸ್ತಕ 18:19

ಯೆಹೋವ ಅಬ್ರಹಾಮಂಗ್‌ ಎಣ್ಣ್‌ನದ್‌ನ ನೆರವೇರಿಚಿಡುವಕಾಯಿತ್‌ ಅಂವೊ ತಾಂಡ ಮಕ್ಕಕು, ಅಂವೊಂಡ ಬಯ್ಯ ಬಪ್ಪ ಅಂವೊಂಡ ಮನೆಕಾರಕು ಇನ್ನನೆ ಎಣ್ಣುವಕ್‌ ಗೊತ್ತ್‌ಮಾಡಿಯೆ: ಅದ್‌ ಎನ್ನನೆ ಎಣ್ಣ್‌ಚೇಂಗಿ, ನಿಂಗ ನೀತಿರ ಪಿಂಞ ನ್ಯಾಯತ್‌ರ ಪ್ರಕಾರ ನಡ್‌ಕಂಡೂಂದ್‌ ಆಜ್ಞೆ ಮಾಡುವಾಂದ್‌ ನಾಕ್‍ ಗೊತ್ತುಂಡ್‍ೕಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 20:7

ನೀತಿವಂತಂವೊ ಸತ್ಯತ್‌ಲ್‌ ಜೀವನ ಮಾಡುವ. ಅಯಿಂಗಡ ಕಾಲ ಆನ ಪಿಂಞ ಅಂವೊಂಡ ಮಕ್ಕ ಆಶೀರ್ವಾದ ಪಡ್‌ಂದಯಿಂಗಳಾಯಿತ್‌ಪ್ಪ.

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:10

ಪಾಳಾಯಿ ಪೋನದ್‍ನ ತ್‍ೕಡ್‍ವಕು ಅದ್‍ನ ಕಾಪಾಡ್‌ವಕು ಮನುಷ್ಯಕುಮಾರ ಬಾತ್‍ೕಂದ್ ಎಣ್ಣ್‌ಚಿ.

ಯೋಹಾನ 12:50

ಅಂವೊಂಡ ಆಜ್ಞೆ ನಿತ್ಯ ಜೀವತ್‍ನ ತಪ್ಪಾಂದ್ ನಾಕ್ ಗೊತ್ತುಂಡ್. ಆನಗುಂಡ್, ನಾಡ ಅಪ್ಪ ನಾಕ್ ಎಣ್ಣ್‌ನನೆಕೆ ನಾನ್ ತಕ್ಕ್ ಪರ್ಂದಂಡುಂಡ್‍ೕಂದ್ ಎಣ್ಣ್‌ಚಿ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 4:53

ಅಕ್ಕ, ನೀಡ ಮೋಂವೊ ಚಾಯಾಪಾಂದ್ ಯೇಸು ಎಣ್ಣ್‌ನದ್ ಅದೇ ಸಮಯವಾಯಿತ್ಂಜತ್‍ೕಂದ್ ಗೊತ್ತಾಯಿತ್ ಅಂವೊನು ಪಿಂಞ ಅಂವೊಂಡ ಮನೆಕಾರಂಗಳು ಯೇಸುನ ನಂಬ್‍ಚಿ.

ಯೋಹಾನ 6:63

ಪವಿತ್ರಾತ್ಮ ಒಬ್ಬನೇ ಜೀವ ತಪ್ಪಂವೊ, ಮನುಷ್ಯಂಗಕ್ ಜೀವ ತಪ್ಪಕ್ ಕಯ್ಯುಲೆ. ನಾನ್ ನಿಂಗಕ್ ಎಣ್ಣ್‌ನ ಬೋದನೆ, ಪವಿತ್ರಾತ್ಮತ್‍ರ ಪಿಂಞ ಜೀವ ತಪ್ಪ ವಾಕ್ಯತ್‍ರದಾಯಿತುಂಡ್.

ಯೋಹಾನ 6:68

ಅಕ್ಕ ಸೀಮೋನ ಪೇತ್ರ: ಒಡೆಯನೇ, ನಿನ್ನ ಬುಟ್ಟಿತ್ ನಂಗ ದಾಡ ಪಕ್ಕ ಪೋಪೊ? ನೀಡ ಪಕ್ಕ ನಿತ್ಯ ಜೀವತ್‍ರ ವಾಕ್ಯ ಉಂಡಲ್ಲಾ?

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 10:43

ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 10:6

ಅಂವೊ ಚರ್ಮಕಾರನಾನ ಸೀಮೋನಂಡ ಕೂಡೆ ಉಂಡ್; ಆ ಸೀಮೋನಂಡ ಮನೆ ಸಮುದ್ರರತ್‍ರ ಪಕ್ಕತ್‍ಲ್ ಉಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 11:13

ಅಂವೊ ತಾಂಡ ಮನೆಲ್ ಎನ್ನನೆ ಒರ್ ದೇವದೂತನ ಕಂಡತ್‍ೕಂದೂ, ಯೊಪ್ಪ ಪಟ್ಟಣತ್‍ಲ್ ಉಳ್ಳ ಪೇತ್ರ ಎಣ್ಣುವ ಸೀಮೋನನ ಕಾಕ್‍ವಕ್, ಜನಳ ಅಯಿಚಿಕೊಡ್;

ಅಪೊಸ್ತಲ 16:15

ಅವ ಪಿಂಞ ಅವಡ ಮನೆಕಾರಂಗೆಲ್ಲ ದೀಕ್ಷಾಸ್ನಾನ ಎಡ್‌ತ ಪಿಂಞ, ಅವ ನಂಗಳ ನೋಟಿತ್: ನಾನ್ ಕ್ರಿಸ್ತನ ನಂಬಿತುಳ್ಳ್‌ಂದ್ ನಿಂಗ ನಂಬ್‍ಚೇಂಗಿ, ನಾಡ ಮನೆಕ್ ಬಂದಿತ್ ಒಳಿಯಂಡೂಂದ್ ಒತ್ತಾಯ ಮಾಡ್‍ಚಿ.

ಅಪೊಸ್ತಲ 18:8

ಸಬಾಮಂದಿರತ್‍ರ ಅದ್ಯಕ್ಷನಾಯಿತ್ಂಜ ಕ್ರಿಸ್ಪ ಎಣ್ಣ್‌ವಂವೊ ತಾಂಡ ಮನೆಕಾರಂಗ ಎಲ್ಲಾಡ ಕೂಡೆ ಒಕ್ಕಚೆ, ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್. ಕೊರಿಂಥ ಪಟ್ಟಣಕ್ ಕೂಡ್‍ನ ದುಂಬ ಜನಳು, ಕ್ರಿಸ್ತಂಡ ಸುದ್ದಿನ ಕ್‍ೕಟಿತ್, ನಂಬಿತ್, ದೀಕ್ಷಾಸ್ನಾನ ಎಡ್‍ತಂಡತ್.

ಅಪೊಸ್ತಲ 2:39

ಈ ದೇವಡ ವಾಗ್ದಾನ, ನಿಂಗಕು, ನಿಂಗಡ ಮಕ್ಕಕು, ನಂಗಡ ಒಡೆಯನಾನ ದೇವ ಕಾಕುವ ದೂರತ್‍ಲ್ ಉಳ್ಳ ಎಲ್ಲಾ ಜನಕು ಉಂಡ್‍ೕಂದ್ ಎಣ್ಣ್‌ಚಿ.

1 ಕೊರಿಂಥ 1:16

ಇದ್‍ಲ್ಲತೆ ಸ್ತೆಫನಂಡ ಮನೆಕಾರಂಗಕ್ ನಾನ್ ದೀಕ್ಷಾಸ್ನಾನ ಕೊಡ್‌ತಿತುಂಡ್. ಈಂಗಳ ಬುಟ್ಟಿತ್ ಬೋರೆ ದಾರ್‌ಕು ದೀಕ್ಷಾಸ್ನಾನ ಕೊಡ್‍ತನೆಕೆ ನಾಕ್ ಗೇನ ಇಲ್ಲೆ.