ಅಪೊಸ್ತಲ 11:1 - ಕೊಡವ ಬೈಬಲ್

¹ ಯೆಹೂದ್ಯ ಜನ ಅಲ್ಲತೆ ಬೋರೆ ಜನಳು ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‌ಚೀಂದ್ ಉಳ್ಳ ಸುದ್ದಿ ಅಪೊಸ್ತಲಂಗಕು, ಯೂದಾಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕು ಕ್‍ಟ್ಟ್‌ಚಿ.

ಅಪೊಸ್ತಲ 11:1 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 49:10

ಸಮಾದಾನತ್‌ರ ಆಳುವಿಕೆ ತಪ್ಪಂವೊ ಬಪ್ಪಕತ್ತನೆ, ರಾಜ ಅದಿಕಾರ ಯೆಹೂದನ ಬುಟ್ಟಿತ್‌ ಪೋಪದು ಇಲ್ಲೆ, ಆಳ್‌ವಿಕೆರೆ ಕೋಲ್‌ ಅಂವೊಂಡ ಕಾಲ್‌ನ ಬುಟ್ಟಿತ್‌ ಪೋಪದು ಇಲ್ಲೆ. ದುಂಬ ಜನಾಂಗ ಅಂವೊಂಗ್‌ ಬಗ್ಗಿತ್‌ ನಡ್‌ಪ.

ಮಲಾಕಿ 1:11

ಸೂರ್ಯ ಉದಿಪ ದಿಕ್ಕ್‌ ಪುಡಿಚಿತ್, ಅದ್‌ ಮುಳಿವ ದಿಕ್ಕ್‌ಕತ್ತನೆ, ಎಲ್ಲಾ ದೇಶತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ಎಲ್ಲಾ ಜಾಗತ್‌ಲು ನಾಕ್‍ ದೂಪತ್‌ನ ಪಿಂಞ ಶುದ್ದ ಕಾಣಿಕೆನ ಅರ್ಪಿಚಿಡುವ. ಅಕ್ಕು, ಎಲ್ಲಾ ಜನಾಂಗತ್‌ರ ಮದ್ಯತ್‌ಲು ನಾಡ ಪೆದ ಬಲ್ಯದಾಯಿತ್‌ಪ್ಪಾಂದ್‌ ಸೈನ್ಯತ್‌ರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 2:1

ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮತ್ತಾಯ 8:11

ದುಂಬ ಜನ ಕ್‍ೕಕ್ ದಿಕ್ಕಿಂಜ, ಪಡ್‍ಞಾರ್ ದಿಕ್ಕಿಂಜ ಬಂದಿತ್ ಪರಲೋಕ ರಾಜ್ಯತ್‍ಲ್ ಅಬ್ರಹಾಮ ಇಸಾಕ ಪಿಂಞ ಯಾಕೋಬಂಡ ಕೂಡೆ ಗದ್ದಾಳ ಉಂಬಕ್ ಅಳ್‌ಪ.

ಮಾರ್ಕ 16:5

ಅಯಿಂಗ ಒಳ್‍ಕ್ ಪೋಯಿತ್ ಬಲ್‌ತೆ ಬರಿಲ್ ಒರ್ ಬಾಲೆಕಾರ ಬೊಳ್‍ತ ಬಟ್ಟೆ ಇಟ್ಟಂಡ್ ಅಳ್‌ತಂಡಿಂಜಾನ ಕಂಡಿತ್ ಪೋಡಿ ಆಚಿ.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 11:29

ಅಕ್ಕ ಯೇಸುನ ನಂಬ್‍ನ ಓರೋರ್ ಅಣ್ಣತಮ್ಮಣಂಗಳು ಅಯಿಂಗಯಿಂಗಕ್ ಕಯ್ಯುವಚ್ಚಕ್ ಯೂದಾಯ ಪ್ರಾಂತ್ಯತ್‍ಲ್ ವಾಸ ಮಾಡಿಯಂಡುಳ್ಳ ಯೇಸುನ ನಂಬ್‍ನಯಿಂಗಕ್ ಸಹಾಯ ಮಾಡ್‌ವಕ್ ತೀರ್ಮಾನ ಎಡ್‍ತತ್.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:3

ಸಬೆರ ಜನ ಅಯಿಂಗಳ ಅಯಿಚ ಪಿಂಞ, ಅಯಿಂಗ ಫೊಯಿನಿಕೆ ಪಿಂಞ ಸಮಾರ್ಯ ಸೀಮೆರ ಬಟ್ಟೇಲ್ ಪೋಯಂಡಿಪ್ಪಕ, ಯೆಹೂದ್ಯ ಅಲ್ಲತ ಬೋರೆ ಜನಳು ದೇವಡ ಪಕ್ಕ ಬಂದ ಸಂಗತಿನ, ಅಯಿಂಗಡ ಬಟ್ಟೇಲ್ ಕಂಡ ಯೇಸುನ ನಂಬ್‍ನಯಿಂಗಕ್ ವಿವರವಾಯಿತ್ ಎಣ್ಣ್‌ಚಿ. ಅಯಿಂಗ ಇದ್‍ನ ಕ್‍ೕಪಕ ದುಂಬ ಕುಶಿಪಟ್ಟತ್.

ಅಪೊಸ್ತಲ 28:15

ಅಲ್ಲಿಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗ, ನಂಗ ಬಪ್ಪದ್‍ನ ಕ್‍ೕಟಿತ್, ನಂಗಳ ಕಾಂಬಕಾಯಿತ್ ಚೆನ್ನ ಜನ ಅಪ್ಪಿಯ ಪೇಟೆಕತ್ತನೆಯು, ಚೆನ್ನ ಜನ ತ್ರಿಛತ್ರ ಎಣ್ಣುವ ಜಾಗಕತ್ತನೆಯು ಬಾತ್. ಅಯಿಂಗಳ ನೋಟಿತ್ ಪೌಲ ದೇವಕ್ ವಂದನೆ ಮಾಡಿತ್, ದೈರ್ಯ ಎಡ್‍ತಂಡತ್.