ಅಪೊಸ್ತಲ 10:8 - ಕೊಡವ ಬೈಬಲ್

⁸ ಅಯಿಂಗಕ್ ಎಲ್ಲಾ ವಿಷಯತ್‍ನ ವಿವರಿಚಿಟ್ಟಿತ್, ಅಯಿಂಗಳ ಯೊಪ್ಪ ಪಟ್ಟಣಕ್ ಅಯಿಚತ್.

ಅಪೊಸ್ತಲ 10:8 ပူးပေါင်းရင်းမြစ်များ

ಅಪೊಸ್ತಲ 10:17

ಪೇತ್ರ ತಾನ್ ಕಂಡ ದರ್ಶನತ್‍ರ ಅರ್ಥ ಎಂತಾಯಿತಿಕ್ಕೂಂದ್ ಗೇನ ಮಾಡಿಯಂಡಿಪ್ಪಕಲೆ, ಕೊರ್ನೇಲ್ಯ ಅಯಿಚ ಆ ಮನುಷ್ಯಂಗ ಸೀಮೋನಂಡ ಮನೆ ಎಲ್ಲೀಂದ್ ಕ್‍ೕಟಂಡ್, ಆ ಮನೆರ ಪಡಿರ ಮಿಂಞ ಬಂತ್ ನಿಂದಿತ್ಂಜತ್.

ಅಪೊಸ್ತಲ 10:33

ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:7

ಕೊರ್ನೇಲ್ಯ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತ ಪೋನ ಪಿಂಞ ತಾಂಡ ಮನೆಲ್ ಕೆಲಸ ಮಾಡ್‌ವ ದಂಡ್ ಆಳ್‍ವಳ ಪಿಂಞ ತಾಂಡ ಪಕ್ಕ ಸೇವೆ ಮಾಡ್‌ವ ದೇವಡ ಬಕ್ತಿಯುಳ್ಳ ಒರ್ ಸಿಪಾಯಿನ ಕಾಕಿತ್,

ಅಪೊಸ್ತಲ 26:19

ಆನಗುಂಡ್ ಅಗ್ರಿಪ್ಪ ರಾಜನೇ, ಪರಲೋಕತ್ಂಜ ನಾಕ್ ಕ್‍ಟ್ಟ್‌ನ ಆ ದರ್ಶನಕ್ ತಗ್ಗಿತ್ ನನ್ನ ಒಪ್ಪ್‌ಚಿಟ್ಟಿಯೆ.

ಅಪೊಸ್ತಲ 9:36

ಯೊಪ್ಪ ಎಣ್ಣುವ ಒರ್ ಊರ್‌ಲ್ ತಬಿಥಾ ಎಣ್ಣುವ ಒಬ್ಬ ಯೇಸುನ ನಂಬ್‍ನವಳಾಯಿತ್ ಇಂಜತ್. ಗ್ರೀಕ್ ತಕ್ಕ್‌ಲ್ ಅವಡ ಪೆದಕ್ ದೊರ್ಕ. ಅವ ಎಕ್ಕಲೂ ನಲ್ಲ ಕ್ರಿಯೆ ಮಾಡಿಯಂಡ್ ಗರೀಬಯಿಂಗಕ್ ಸಹಾಯ ಮಾಡಿಯಂಡಿಂಜತ್.

ಅಪೊಸ್ತಲ 9:38

ಯೊಪ್ಪ ಪಟ್ಟಣ, ಲುದ್ದ ಊರ್‌ಕ್ ದುಂಬ ಪಕ್ಕತ್‍ಲ್ ಇಂಜತ್. ಆನಗುಂಡ್ ಯೊಪ್ಪ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗಕ್, ಪೇತ್ರ ಲುದ್ದ ಊರ್‌ಲ್ ಉಂಡ್‍ೕಂದ್ ಗೊತ್ತಾನ ಪಿಂಞ, ತಡೆಮಾಡತೆ ಇಲ್ಲಿ ಬಾಂದ್ ದಂಡಾಳ್‌ರ ಪಕ್ಕ ಸುದ್ದಿ ಅಯಿಚಿತ್.

ಅಪೊಸ್ತಲ 9:42

ಈ ಸುದ್ದಿ ಯೊಪ್ಪ ಪಟ್ಟಣತ್‍ಲ್ ಎಲ್ಲೆಲಿಯು ಪಬ್ಬಿ ಪೋಚಿ. ದುಂಬ ಜನ ಒಡೆಯಂಡ ಮೇಲೆ ನಂಬಿಕೆ ಬೆಚ್ಚತ್.

ಅಪೊಸ್ತಲ 9:43

ಪಿಂಞ ಪೇತ್ರ ಯೊಪ್ಪತ್‍ಲ್ ಚರ್ಮಕಾರನಾನ ಸೀಮೋನ ಎಣ್ಣ್‌ವಂವೊಂಡ ಪಕ್ಕ ದುಂಬ ದಿವಸ ಒಳಿಂಜತ್.

ಗಲಾತ್ಯ 1:16

ಅಂವೊಂಡ ಮೋಂವೊಂಡ ನಲ್ಲ ಸುದ್ದಿನ ಯೆಹೂದ್ಯರಲ್ಲತಯಿಂಗಕ್ ನಾನ್ ಎಣ್ಣ್‌ವಕಾಯಿತ್, ನಾಕ್ ಅಂವೊಂಡ ಮೋಂವೊನ ಕಾಂಬ್‍ಚಿಡುವಕ್ ಅಂವೊಂಗ್ ಕುಶಿಯಾಚಿ. ಅಕ್ಕ ನಾನ್ ದಾಡ ಪಕ್ಕವು ಇದ್ಂಡ ವಿಷಯತ್ ತಕ್ಕ್ ಪರಿಯುವಕು, ತಕ್ಕ್ ಕ್‍ೕಪಕು ಪೋಯಿತ್ತ್‌ಲ್ಲೆ.