ಅಪೊಸ್ತಲ 10:45 - ಕೊಡವ ಬೈಬಲ್

⁴⁵ ಯೊಪ್ಪ ಪಟ್ಟಣತ್ಂಜ ಪೇತ್ರಂಡ ಕೂಡೆ ಬಂದಿತ್ಂಜ ಸುನ್ನತಿ ಮಾಡ್‍ನ ಯೇಸುನ ನಂಬ್‍ನ ಯೆಹೂದ್ಯಂಗ, ಯೆಹೂದ್ಯಂಗ ಅಲ್ಲತಯಿಂಗಡ ಮೇಲೆ ಸಹ ದೇವ, ಪವಿತ್ರಾತ್ಮಂಡ ವರತ್‍ನ ಕೊಡ್‍ತಿತ್ತುಂಡ್‍ೕಂದ್ ಕಂಡಿತ್ ಆಶ್ಚರ್ಯ ಪಟ್ಟತ್.

ಅಪೊಸ್ತಲ 10:45 ပူးပေါင်းရင်းမြစ်များ

ಅಪೊಸ್ತಲ 10:23

ಪೇತ್ರ ಇದ್‍ನ ಕ್‍ೕಟಿತ್ ಅಯಿಂಗಳ ಒಳ್‍ಕ್ ಕಾಕಿತ್ ಊಟೋಪಚಾರ ಮಾಡಿತ್, ಪಿತ್ಯಾಂದ್ ಅಯಿಂಗಡ ಕೂಡೆ ಪೊರಟತ್; ಯೊಪ್ಪ ಪಟ್ಟಣತ್‍ಲ್ ಇಂಜ ಚೆನ್ನ ಯೇಸುನ ನಂಬ್‍ನ ಅಣ್ಣತಮ್ಮಣಂಗಳು ಅಂವೊಂಡ ಕೂಡೆ ಪೋಚಿ.

ಅಪೊಸ್ತಲ 11:2

ಆನಗುಂಡ್ ಪೇತ್ರ, ಬಯ್ಯ ಯೆರೂಸಲೇಮ್‌ಕ್ ಬಪ್ಪಕ, ಯೇಸುನ ನಂಬ್‍ನ ಚೆನ್ನ ಯೆಹೂದ್ಯಂಗ ಪೇತ್ರನ ನೋಟಿತ್:

ಅಪೊಸ್ತಲ 11:3

ನೀನ್ ಸುನ್ನತಿ ಮಾಡತಯಿಂಗಡ ಪಕ್ಕ ಪೋಯಿತ್, ಅಯಿಂಗಡ ಕೂಡೆ ಉಂಡಿಯಲ್ಲಾಂದ್ ವಾದ ಮಾಡ್‍ಚಿ.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ರೋಮ್ 5:5

ಈ ನಿರೀಕ್ಷೆ ನಂಗಳ ನಿರಾಶೆ ಮಾಡುಲೆ, ಎನ್ನಂಗೆಣ್ಣ್‌ಚೇಂಗಿ, ನಂಗಕ್ ತಂದಿತುಳ್ಳ ಪವಿತ್ರಾತ್ಮತ್‍ರಗುಂಡ್ ದೇವಡ ಪ್ರೀತಿ ನಂಗಡ ಹೃದಯತ್‍ಲ್ ಬೂಕಿತುಂಡ್.

ಗಲಾತ್ಯ 2:15

ನಾನು ನಿಂಗಳು ಯೆಹೂದ್ಯಂಗಳಾಯಿತೇ ಪುಟ್ಟ್‌ನಯಿಂಗ, ಯೆಹೂದ್ಯರಲ್ಲತ ಜನಡರನೆಕೆ ಪಾಪಿಯಂಗ ಅಲ್ಲ.

ಎಫೆಸ 2:11

ಆನಗುಂಡ್, ಮಿಂಞತ್‍ರ ಕಾಲತ್‍ಲ್ ಎನ್ನನೆ ಇಂಜಿರಾಂದ್ ಗೇನ ಮಾಡಿಯೊಳಿ; ನಿಂಗ ಯೆಹೂದ್ಯಂಗಳಾಯಿತ್ ತಡೀರ ಪ್ರಕಾರ ಪುಟ್ಟಿತ್‌ಲ್ಲೆ, ತಡೀಲ್ ಸುನ್ನತಿ ಮಾಡ್‍ನಯಿಂಗ ನಿಂಗಳ ಸುನ್ನತಿ ಮಾಡತಯಿಂಗಾಂದ್ ಕಾಕಿಯಂಡಿಂಜತ್.