ಅಪೊಸ್ತಲ 10:43 - ಕೊಡವ ಬೈಬಲ್

⁴³ ಅಂವೊಂಡ ಮೇಲೆ ನಂಬಿಕೆ ಇಡ್‍ವಯಿಂಗಕ್ ಅಂವೊಂಡ ಪೆದತ್‍ರ ಶಕ್ತಿಯಿಂಜ ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟ್‌ವಾಂದ್ ಎಲ್ಲಾ ಪ್ರವಾದಿಯಂಗಳು ಅಂವೊಂಡ ವಿಷಯತ್‍ನೇ ಎಣ್ಣ್‌ಚಿ.

ಅಪೊಸ್ತಲ 10:43 ပူးပေါင်းရင်းမြစ်များ

ಮಲಾಕಿ 4:2

ಆಚೇಂಗಿ, ನಾಡ ಪೆದಕ್‌ ಬೊತ್ತುವ ನಿಂಗಡ ಮೇಲೆ ನೀತಿರ ಸೂರ್ಯ ಉದಿಪ. ಅದ್‌ಂಡ ರೆಕ್ಕೆರ ಅಡಿಲ್‌ ಆರೋಗ್ಯ ಇಪ್ಪ. ನಿಂಗ ಕೊಟ್ಟ್‌ಯಿಂಜ ಪೊರ್ಮೆ ಪೋನ ಕಡಚಿಯರನೆಕೆ ಕುಶೀಲ್‌ ತುಳ್ಳಿಯಂಡಿಪ್ಪಿರ

ಮಾರ್ಕ 16:16

ದಾರೆಲ್ಲಾ ನಿಂಗ ಎಣ್ಣ್‌ವಾನ ನಂಬಿತ್ ದೀಕ್ಷಾಸ್ನಾನ ಎಡ್‌ಪ ಅಯಿಂಗಕೆಲ್ಲ ರಕ್ಷಣೆ ಕ್‍ಟ್ಟ್‌ವ. ದಾರೆಲ್ಲಾ ನಂಬುಲೆ, ಅಯಿಂಗಕೆಲ್ಲ ಶಿಕ್ಷೆ ಕ್‍ಟ್ಟ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಯೋಹಾನ 1:45

ಅಲ್ಲಿ ಫಿಲಿಪ್ಪ, ನತಾನಯೇಲನ ತ್‍ೕಡಿ ಕಂಡ್‍ಪುಡ್‌ಚಿತ್, ನಂಗ ನ್ಯಾಯಪ್ರಮಾಣಾತ್‍ಲ್ ಮೋಶೆ ಪಿಂಞ ಪ್ರವಾದಿಯಂಗ ಎಣ್ಣಿಯಂಡಿಂಜ ಕ್ರಿಸ್ತನ ಕಂಡತ್. ಅಂವೊ, ನಜರೇತ್ ಊರ್‍ಕಾರನಾನ ಯೋಸೇಫ ಎಣ್ಣ್‌ವಂವೊಂಡ ಮೋಂವೊನಾನ ಯೇಸುವೇಂದ್ ಎಣ್ಣ್‌ಚಿ.

ಯೋಹಾನ 20:31

ಯೇಸು ದೇವಡ ಮೋಂವೊನಾನ ಕ್ರಿಸ್ತಾಂದ್ ನಿಂಗ ನಂಬುವಕಾಯಿತ್ ಪಿಂಞ ಅಂವೊನ ನಂಬುವಗುಂಡ್, ಅಂವೊಂಡ ಪೆದತ್‍ಲ್ ನಿಂಗಕ್ ನಿತ್ಯ ಜೀವ ಕ್‍ಟ್ಟುವಕಾಯಿತ್ ಇದ್‍ನೆಲ್ಲ ಒಳ್‍ದಿತುಂಡ್.

ಯೋಹಾನ 5:24

ದಾರ್ ನಾಡ ತಕ್ಕ್‌ನ ಕ್‍ೕಟಿತ್, ನನ್ನ ಅಯಿಚಂವೊನ ನಂಬುವ, ಅಯಿಂಗಕ್ ನಿತ್ಯ ಜೀವ ಉಂಡ್, ಅಯಿಂಗಕ್ ಕ್‍ಟ್ಟುವ ಶಿಕ್ಷೇರ ತೀರ್ಪ್‌ಯಿಂಜ ಅಯಿಂಗ ಬಚಾವ್ ಆಪ. ಅನ್ನನೆ ಅಯಿಂಗಕ್ ಬಪ್ಪ ಚಾವ್‍ಯಿಂಜಲು, ಬದ್‌ಕಿತ್ ಜೀವವಾಯಿತ್ ಬಪ್ಪಾಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣ್‌ವಿ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 26:18

ಅಯಿಂಗ ನಾಡ ಮೇಲೆ ಇಡ್‌ವ ನಂಬಿಕೇರಗುಂಡ್, ಅಯಿಂಗಡ ಪಾಪಕ್ ಮನ್ನಿಪ್ಪ್ ಕ್‍ಟ್ಟಿತ್, ಅಂವೊಂಗಾಯಿತ್ ಬೋರೆ ಮಾಡಿತ್ ಪವಿತ್ರ ಮಾಡ್‍ನ ಜನಕ್ ಕ್‍ಟ್ಟುವ ಬಾದ್ಯತೆನ ಪಡೆಯುವನೆಕೆ, ಅಯಿಂಗ ಇರ್‍ಟಿಂಜ ಬೊಳಿಕು, ಸೈತಾನಂಡ ಅದಿಕಾರತ್ಂಜ ದೇವಡ ಕಡೇಕು ತಿರಿತ್ ಅಯಿಂಗಡ ಕಣ್ಣ್ ತೊರಕಂಡೂಂದ್ ನಿನ್ನ ನಾನ್ ಅಯಿಂಗಡ ಪಕ್ಕ ಅಯಿಪೀಂದ್ ಎಣ್ಣ್‌ಚಿ.

ಅಪೊಸ್ತಲ 26:22

ಆಚೇಂಗಿ, ನಾನ್ ದೇವಡ ಸಹಾಯತ್‍ನ ಪಡ್ಂದಿತ್ ಈ ದಿವಸಕತ್ತನೆ, ಚೆರಿಯಯಿಂಗಕು ಪೆರಿಯಯಿಂಗಕು ಸಾಕ್ಷಿ ಎಣ್ಣ್‌ವಂವೊನಾಯಿತುಳ್ಳ. ಪ್ರವಾದಿಯಂಗಳು ಮೋಶೇಯು ಎಣ್ಣ್‌ನ ವಿಷಯವಲ್ಲತೆ ಬೋರೆ ಒಂದು ಎಣ್ಣಿಯಂಡಿಲ್ಲೆ.

ಅಪೊಸ್ತಲ 3:16

ನಿಂಗ ಕಂಡಿತ್, ಗೊತ್ತ್ಂಜ ಈ ಮನುಷ್ಯಂಡ ಕಾಲ್ ಬಲಪಡ್‌ವನೆಕೆ ವಾಸಿಯಾನ ಕಾರಣ, ಅಂವೊ ಯೇಸುರ ಪೆದತ್‍ರ ಮೇಲೆ ಇಟ್ಟ ನಂಬಿಕೆಯೇ. ಅಕ್ಕು, ನಿಂಗೆಲ್ಲಾ ನೋಟ್‍ವನೆಕೆ, ಈ ಮನುಷ್ಯ ಪೂರ್ತಿ ವಾಸಿಯಾನದ್, ಯೇಸುರ ಮೇಲೆ ಇಟ್ಟ ನಂಬಿಕೇರಗುಂಡ್ ಮಾತ್ರಾಂದ್ ಗೊತ್ತಿರಡ್.

ಅಪೊಸ್ತಲ 3:18

ಆಚೇಂಗಿಯು, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತ ಇನ್ನನೆ ಕಷ್ಟಪಡಂಡೂಂದ್ ದೇವ ತಾಂಡ ಎಲ್ಲಾ ಪ್ರವಾದಿಯಂಗಡ ಮೂಲಕ ಮಿಂಞಲೇ ಎಣ್ಣ್‌ನಾನ ಪೂರೈಚಿಡ್‌ವಕ್ ಇನ್ನನೆ ಮಾಡ್‍ಚಿ.

ರೋಮ್ 10:11

ಅಂವೊಂಡ ಮೇಲೆ ನಂಬಿಕೆ ಬೆಪ್ಪಂವೊ ದಾರಾಯಿತ್ ಇಂಜತೇಂಗಿಯು ಅಂವೊಂಗ್ ಞಾಣ ಆಪುಲೇಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್.

ರೋಮ್ 3:21

ಇನ್ನನೆ ಇಪ್ಪಕ, ನ್ಯಾಯಪ್ರಮಾಣ ಇಲ್ಲತೆ, ದೇವಡ ನೀತಿನ ಎಲ್ಲಾರು ಕಾಂಬನೆಕೆ ಮಾಡಿರ್‌ತ್; ಅದ್ಂಡ ವಿಷಯತ್ ನ್ಯಾಯಪ್ರಮಾಣವು, ಪ್ರವಾದಿಯಂಗಳು ಸಾಕ್ಷಿ ಕೊಡ್‍ತಂಡುಂಡ್.

ರೋಮ್ 5:1

ಇನ್ನನೆ, ನಂಗ ನಂಬಿಕೆಯಿಂಜ ನೀತಿವಂಯಿಂಗಳಾನಗುಂಡ್, ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ನಂಗಕ್ ದೇವಡ ಪಕ್ಕ ಸಮಾದಾನ ಕ್‍ಟ್ಟ್‌ಚಿ.

ರೋಮ್ 6:23

ಪಾಪತ್‍ರ ಸಂಬಳ ಚಾವ್; ದೇವಡ ಇನಾಮ್ ನಂಗಡ ಒಡೆಯನಾನ ಯೇಸು ಕ್ರಿಸ್ತನಗುಂಡ್ ಕ್‍ಟ್ಟ್‌ವ ನಿತ್ಯ ಜೀವ.

ರೋಮ್ 8:1

ಆನಗುಂಡ್, ದೇವ ಅಂವೊನ ನಂಬತಯಿಂಗಕ್ ತಪ್ಪ ಶಿಕ್ಷೆ, ಕ್ರಿಸ್ತ ಯೇಸುರ ಕೂಡೆ ಐಕ್ಯತ್‍ಲ್ ಉಳ್ಳಯಿಂಗಕ್ ತಪ್ಪುಲೆ.

ರೋಮ್ 8:34

ಅಕ್ಕ, ತೀರ್ಪ್ ಮಾಡ್‌ವಯಿಂಗ ದಾರ್? ಕ್ರಿಸ್ತನೇ ನಂಗಕಾಯಿತ್ ಚತ್ತಂವೊ. ಅಲ್ಲತೆ, ಅಂವೊನೇ ನಂಗಕಾಯಿತ್ ಚಾವ್‍ಯಿಂಜ ಜೀವವಾಯಿತ್ ಎದ್ದಿತ್ ಬಂದಂವೊ. ಅಂವೊನೇ ದೇವಡ ಬಲ್‌ತೆ ಬರಿಲ್ ಅಳ್‌ತಂಡಿಪ್ಪಂವೊ, ನಂಗಕಾಯಿತ್ ದೇವಡ ಪಕ್ಕ ಬೋಡುವಂವೊನು ಅಂವೊನೇ.

ಗಲಾತ್ಯ 3:22

ಆಚೇಂಗಿ ಈ ಬೂಲೋಕ ಪಾಪತ್‍ರ ಶಕ್ತಿಕ್ ಅಡಿಮೆಯಾಯಿತುಂಡ್‍ೕಂದ್ ದೇವಡ ವಾಕ್ಯ ಎಣ್ಣಿಯಂಡುಂಡ್. ಆಂಗ್ ಯೇಸು ಕ್ರಿಸ್ತಂಡ ಮೇಲೆ ಬೆಪ್ಪ ನಂಬಿಕೇರಗುಂಡ್ ವಾಗ್ದಾನ ಮಾಡ್‍ನ ಆಶೀರ್ವಾದ ಅಂವೊಂಡ ಮೇಲೆ ನಂಬಿಕೆ ಬೆಪ್ಪಯಿಂಗಕ್ ಮಾತ್ರ ಕ್‍ಟ್ಟ್‌ವ.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಕೊಲೊಸ್ಸೆ 1:14

ಅಂವೊಂಡ ಮೋಂವೊಂಡಲ್ಲಿ ನಂಗಕ್ ಪಾಪತ್ಂಜ ವಿಮೋಚನವು, ಅಂವೊಂಡ ಚೋರೆಯಿಂಜ ನಂಗಡ ಪಾಪಕ್ ಮನ್ನಿಪ್ ಉಂಡ್.

ಇಬ್ರಿಯ 13:20

ನಿತ್ಯ ಒಪ್ಪಂದತ್‍ರ ಚೋರೆರಗುಂಡ್, ಕೊರಿರನೆಕೆ ಉಳ್ಳ ದೇವಡ ಮಕ್ಕಡ ಬಲ್ಯ ಕೊರಿಕಾಪಂವೊನಾಯಿತುಳ್ಳ ನಂಗಡ ಒಡೆಯನಾನ ಯೇಸುನ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ಚಿಟ್ಟ ಸಮಾದಾನತ್‍ರ ದೇವ,

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.

ಪ್ರಕಟನೆ 19:10

ಅಕ್ಕ ನಾನ್ ಅಯಿಂಗಕ್ ಅಡ್ಡ ಬುದ್ದಿತ್ ವಂದನೆ ಮಾಡಂಡೂಂದ್ ಕಾಲ್ ಪುಡ್‌ಚಿಯೆ. ಅಂವೊ ನನ್ನ ನೋಟಿತ್: ಅನ್ನನೆ ಮಾಡತೆ, ನಾನ್ ಸಹ ನೀಡ ಕೂಡೆ ಯೇಸುರ ವಿಷಯತ್ ಸಾಕ್ಷಿ ಕೊಡ್‍ತ ನೀಡ ಅಣ್ಣತಮ್ಮಣಂಗಡ ಕೂಡೆ ಒರ್ ಸೇವಕ; ದೇವಕ್ ಆರಾದನೆ ಮಾಡ್. ಯೇಸುರ ವಿಷಯತ್‍ರ ಸಾಕ್ಷಿ, ಪ್ರವಾದನೆರ ಆತ್ಮವಾಯಿತುಂಡ್‍ೕಂದ್ ಎಣ್ಣ್‌ಚಿ.