ಅಪೊಸ್ತಲ 10:42 - ಕೊಡವ ಬೈಬಲ್

⁴² ಅಂವೊನೇ ಜೀವವಾಯಿತುಳ್ಳಯಿಂಗಕು, ಚತ್ತಯಿಂಗಕು ದೇವ ನೇಮಿಚಿಟ್ಟ ನ್ಯಾಯಾದಿಪತಿಯಾಯಿತುಂಡ್‍ೕಂದ್ ಜನಕ್ ಪ್ರಸಂಗ ಮಾಡ್‌ವಕು, ಸಾಕ್ಷಿಯಾಯಿತ್ ಎಣ್ಣ್‌ವಕು, ಅಂವೊ ನಂಗಕ್ ಆಜ್ಞೆ ಕೊಡ್‌ತಿತುಂಡ್.

ಅಪೊಸ್ತಲ 10:42 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:28

ಅಲ್ಲಿ ನಾಕ್ ಅಂಜ್ ಅಣ್ಣತಮ್ಮಣಂಗ ಉಂಡ್, ಅಯಿಂಗ ಈ ಉರಿವ ಜಾಗಕ್ ಬಕ್ಕತನೆಕೆ ನಡ್‍ಪಕ್ ಅಂವೊ ಎಚ್ಚರ ಮಾಡ್‌ವಕ್ ನಾನ್ ನಿನ್ನ ಬೋಡ್‌ವೀಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:22

ಮನುಷ್ಯಕುಮಾರ ದೇವ ತೀರ್ಮಾನ ಮಾಡ್‍ನನೆಕೆ ಚತ್ತ್ ಪೋಪ, ಆಚೇಂಗಿ ಅಂವೊನ ಕಾಟಿ ಕೊಡ್‌ಪಂವೊಂಗ್ ಅಯ್ಯೋಂದ್ ಯೇಸು ಎಣ್ಣ್‌ಚಿ.

ಅಪೊಸ್ತಲ 1:2

ಅಂವೊ ಸೇವೆ ಸುರು ಮಾಡ್‍ನ ದಿವಸತ್ಂಜ ಅಂವೊ ಪರಲೋಕಕ್ ಪೋನ ಸಮಯಕತ್ತನೆ ಮಾಡ್‍ನ ಎಲ್ಲಾ ಸೇವೇನ ಪಿಂಞ ಬೋದನೆನ ನಾಡ ಆದ್ಯ ಪುಸ್ತಕತ್‍ಲ್ ಒಳ್‍ದಿ ಬೆಚ್ಚಿಯೆ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 17:31

ದೇವ ಒರ್ ದಿವಸತ್‍ನ ಗೊತ್ತ್ ಮಾಡಿತುಂಡ್; ಅಂವೊ ನೇಮಿಚಿಟ್ಟಂವೊಂಡ ಮೂಲಕ, ಈ ಲೋಕತ್‍ನ ಸರಿಯಾಯಿತ್ ನ್ಯಾಯತೀರ್ಪ್ ಮಾಡ್‌ವ; ಆ ಮನುಷ್ಯನ ಚತ್ತಯಿಂಗಡ ಮದ್ಯತ್ಂಜ ಜೀವವಾಯಿತ್ ಎಪ್ಪ್‌ನಗುಂಡ್, ಅನ್ನನೆ ಮಾಡ್‌ವಾಂದ್ ಅಂವೊ ಎಲ್ಲಾ ಜನಕು ಸಾಕ್ಷಿಯಾಯಿತ್ ಮಾಡ್‍ಚೀಂದ್ ಪೌಲ ಎಣ್ಣ್‌ಚಿ.

ಅಪೊಸ್ತಲ 24:25

ಪೌಲ, ಅಯಿಂಗಕ್ ದೇವಡ ನೀತಿನ, ತನ್ನಡಕತ್‍ನ ಪಿಂಞ ಇಂಞು ಮಿಂಞಕ್ ದೇವ ಮಾಡ್‌ವಕುಳ್ಳ ನ್ಯಾಯತೀರ್ಪ್‌ನ ಎಣ್ಣ್‌ವಕ, ಫೇಲಿಕ್ಸಂಗ್ ದುಂಬ ಪೋಡಿಯಾಚಿ. ಅಕ್ಕ ಅಂವೊ ಪೌಲಂಗ್, ಇಕ್ಕ ಇಚ್ಚಕ್ ಮದಿ, ನೀನ್ ಪೋ, ನಾಕ್ ಸಮಯ ಕ್‍ಟ್ಟ್‌ವಕ ನಿನ್ನ ಕಾಕ್‌ಚಿಡುವೀಂದ್ ಎಣ್ಣ್‌ಚಿ.

ಅಪೊಸ್ತಲ 5:20

ಅಂವೊ ಅಯಿಂಗಳ ನೋಟಿತ್: ನಿಂಗ ಪೋಯಿತ್ ದೇವಾಲಯತ್‍ಲ್ ನಿಂದಿತ್, ಈ ಪುದಿಯ ಜೀವತ್‍ರ ಈ ಪೂರ್ತಿ ಸುದ್ದಿನ ಎಲ್ಲಾ ಜನಕ್ ಎಣ್ಣೀಂದ್ ಎಣ್ಣ್‌ಚಿ.

ರೋಮ್ 2:16

ಇದ್, ನಾನ್ ಎಣ್ಣುವ ದೇವಡ ನಲ್ಲ ಸುದ್ದಿರನೆಕೆ, ದೇವ ಯೇಸು ಕ್ರಿಸ್ತಂಡ ಮೂಲಕ ಮನುಷ್ಯಂಗಡ ಗುಟ್ಟ್‌ನೆಲ್ಲ ನ್ಯಾಯತೀರ್ಪ್ ಮಾಡ್‌ವ ದಿವಸತ್‍ಲ್ ಆಪ.

2 ಕೊರಿಂಥ 5:10

ಎನ್ನಂಗೆಣ್ಣ್‌ಚೇಂಗಿ, ಒಬ್ಬೊಬ್ಬನು ತಡೀಲ್ ಮಾಡ್‍ನ ನಲ್ಲದಾಡ್ ಕೆಟ್ಟದಾಡ್, ಅದ್ಂಡ ತಕ್ಕ ಫಲ ಕ್‍ಟ್ಟ್‌ವಕಾಯಿತ್ ಕ್ರಿಸ್ತಂಡ ನ್ಯಾಯಾಸ್ತಾನತ್‍ರ ಮಿಂಞ ನಿಕ್ಕಂಡು.

2 ತಿಮೊಥೆಯ 4:1

ದೇವಡ ಮಿಂಞತ್, ಪಿಂಞ ಬದ್‍ಕಿತುಳ್ಳಯಿಂಗಳ ಪಿಂಞ ಚತ್ತಯಿಂಗಳ ತೀರ್ಪ್ ಮಾಡ್‌ವಕುಳ್ಳ ಯೇಸು ಕ್ರಿಸ್ತಂಡ ಮಿಂಞತ್, ಪಿಂಞ ಅಂವೊ ಪುನಃ ಆಳುವಕ್ ರಾಜಾನಾಯಿತ್ ಬಪ್ಪಕುಳ್ಳ ಪ್ರಸನ್ನತ್‌ಲ್ ನಾನ್ ಇದ್‍ನ ನೀಕ್ ಆಜ್ಞೆ ಮಾಡ್‌ವಿ.

2 ತಿಮೊಥೆಯ 4:8

ಆನಗುಂಡ್, ಇಕ್ಕ ನಾಕ್ ನೀತಿರ ಕಿರೀಟ ಬೆಚ್ಚಿತುಂಡ್. ನೀತಿಯುಳ್ಳ ನ್ಯಾಯಕಾರನಾನ ಒಡೆಯ ಆ ದಿವಸತ್‍ಲ್ ಅದ್‍ನ ನಾಕ್ ತಪ್ಪ; ನಾಕ್ ಮಾತ್ರ ಅಲ್ಲ, ಅಂವೊ ಪುನಃ ಬಪ್ಪದ್‍ನ ಕಾಂಬಕ್ ಪಾರಕಾತಂಡುಳ್ಳ ಎಲ್ಲಾರ್‌ಕು ಅದ್‍ನ ತಪ್ಪ.

1 ಪೇತ್ರ 4:5

ಆಚೇಂಗಿ, ಅನ್ನನೆ ಬದ್‍ಕಿಯಂಡ್ ಉಳ್ಳಯಿಂಗಕ್ ಪಿಂಞ ಚತ್ತಯಿಂಗಕ್ ನ್ಯಾಯತೀರ್ಪ್ ಕೊಡ್‍ಪಕ್ ತಯಾರಾಯಿತ್ ಉಳ್ಳಂವೊಂಗ್ ಅಯಿಂಗ ಲೆಕ್ಕ ಕೊಡ್‍ಕಂಡು.

ಪ್ರಕಟನೆ 1:7

ಇದಾ, ಅಂವೊ ಮೋಡತ್‍ರ ಕೂಡೆ ಬಂದಂಡುಂಡ್! ಎಲ್ಲಾರು ಅಂವೊನ ಕಾಂಬ. ಅಂವೊನ ಕುತ್ತ್‌ನಯಿಂಗ ಸಹ ಅಂವೊನ ಕಾಂಬ. ಈ ಲೋಕತ್‍ರ ಎಲ್ಲಾ ಕುಲತ್‍ರ ಜನವು ಅಂವೊನ ಕಾಂಬಕ ಗೋಳಾಡುವ. ಅದ್ ಅನ್ನನೆ ಆಪ, ಆಮೆನ್.

ಪ್ರಕಟನೆ 22:12

ನೋಟಿ! ನಾನ್ ಬೆರಿಯ ಬಂದಂಡುಳ್ಳ; ನಾನ್ ತಪ್ಪ ಫಲ ನಾಡಲ್ಲಿ ಉಂಡ್. ಒಬ್ಬೊಬ್ಬನು ಮಾಡ್‍ನ ಕ್ರಿಯೇಕ್ ತಕ್ಕಂತ ಫಲತ್‍ನ ನಾನ್ ತಪ್ಪಿ.