ಅಪೊಸ್ತಲ 10:39 - ಕೊಡವ ಬೈಬಲ್

³⁹ ಯೆಹೂದ್ಯಂಗಡ ದೇಶತ್‍ಲು ಯೆರೂಸಲೇಮ್‍ಲು ಮಾಡ್‍ನ ಎಲ್ಲಾ ಕಾರ್ಯಕ್ ಅಪೊಸ್ತಲಂಗಳಾನ ನಂಗ ಸಾಕ್ಷಿಯಾಯಿತುಂಡ್. ಪಿಂಞ ಅಂವೊನ ಶಿಲುಬೇಲ್ ಇಟ್ಟಿತ್ ತೂಕಿತ್ ಕೊಂದತ್.

ಅಪೊಸ್ತಲ 10:39 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:2

ಯೇಸುರ ಸೇವೇನ ಆದಿಯಿಂಜಲೆ ಕಣ್ಣಾರೆ ಕಂಡಿತ್ ದೇವಡ ವಾಕ್ಯತ್‍ನ ನಂಗಕ್ ಬೋದನೆ ಮಾಡ್‍ನಯಿಂಗ ಒಪ್ಪ್‌ಚಿಟ್ಟ ಪ್ರಕಾರ ಅಯಿಂಗ ಒಳ್‍ದ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:48

ನಿಂಗಳೇ ಇದಂಗೆಲ್ಲ ಸಾಕ್ಷಿ.

ಯೋಹಾನ 15:27

ನಿಂಗಳು ಸಹ ನಾಡ ಕೂಡೆ ಸುರುಯಿಂಜಲೇ ಇಂಜಯಿಂಗ. ಆನಗುಂಡ್ ನಿಂಗಳು ನಾಕ್ ಸಾಕ್ಷಿ ಆಯಿತಿಪ್ಪಿರ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 10:41

ಆಚೇಂಗಿ, ಎಲ್ಲಾರು ಅಂವೊನ ಕಾಂಬನೆಕೆ ಮಾಡತೆ, ಯೇಸು ಚತ್ತಯಿಂಗ ಮದ್ಯತ್ಂಜ ಜೀವವಾಯಿತ್ ಬಂದ ಪಿಂಞ, ಅಂವೊಂಡ ಕೂಡೆ ಉಂಡಯಿಂಗಳು, ಕುಡಿಚಯಿಂಗಳು ಪಿಂಞ ಮಿಂಞಲೇ ಆಯ್ಕೆ ಮಾಡಿತ್ಂಜ ಸಾಕ್ಷಿಯಂಗಳಾನ ನಂಗಕ್ ಪ್ರತ್ಯಕ್ಷ ಆಯಿತ್ ನಂಗ ಕಾಂಬನೆಕೆ ಮಾಡ್‍ಚಿ.

ಅಪೊಸ್ತಲ 13:31

ಪಿಂಞ ಅಂವೊ, ಗಲಿಲಾಯಿತ್‌ಂಜ ಯೆರೂಸಲೇಮ್‌ಕ್ ಅಂವೊಂಡ ಕೂಡೆ ಬಂದಯಿಂಗಕ್ ದುಂಬ ದಿವಸ ಅಂವೊ ಜೀವವಾಯಿತ್ ಉಳ್ಳದ್‍ನ ಕಾಂಬ್‌ಚಿಟ್ಟಂಡತ್; ಇಕ್ಕ ಅಯಿಂಗ, ನಂಗಡ ಜನಾಂಗಕ್ ಅಂವೊಂಡ ಸಾಕ್ಷಿಯಳಾಯಿತ್ ಉಂಡ್.

ಅಪೊಸ್ತಲ 2:32

ಈ ಯೇಸುನ ದೇವ ಚಾವ್‍ಯಿಂಜ ಎಪ್ಪ್‌ಚಿಟ್ಟತ್; ಇದ್ಂಗ್ ನಂಗ ಎಲ್ಲಾರು ಸಾಕ್ಷಿಯಾಯಿತ್ ಉಂಡ್.

ಅಪೊಸ್ತಲ 4:10

ನಿಂಗಕ್ ಪಿಂಞ ಇಸ್ರಾಯೇಲ್ ಜನ ಎಲ್ಲಾರ್‌ಕು ಅರಿಚಿಡುವದ್ ಎಂತ ಎಣ್ಣ್‌ಚೇಂಗಿ: ನಿಂಗಡಗುಂಡ್ ಶಿಲುಬೇಕ್ ಇಟ್ಟಿತ್ ಪಿಂಞ ದೇವ ಚತ್ತಯಿಂಗಡ ಮದ್ಯತ್ಂಜ ಎಪ್ಪ್‌ನ ನಜರೇತ್‍ರ ಯೇಸು ಕ್ರಿಸ್ತಂಡ ಪೆದತ್ಂಜಲೇ ಈ ಮನುಷ್ಯ ವಾಸಿಯಾಯಿತ್ ನಿಂಗಡ ಮಿಂಞತ್ ನಿಂದಿತುಂಡ್‍ೕಂದ್ ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.

ಗಲಾತ್ಯ 3:13

ಮರತ್‍ಲ್ ತೂಂಗಿತ್ ಚತ್ತ್‌ಪೋನ ಏದ್ ಮನುಷ್ಯನು ಶಾಪ ಪಡ್ಂದವೋಂದ್ ದೇವಡ ವಾಕ್ಯತ್‍ಲ್ ಉಂಡ್. ಅನ್ನನೆ, ಕ್ರಿಸ್ತ ನಂಗಕಾಯಿತ್ ಶಾಪವಾಯಿತ್, ನ್ಯಾಯಪ್ರಮಾಣತ್‍ರ ಶಾಪತ್ಂಜ ನಂಗಳ ಬುಡುಗಡೆ ಮಾಡಿತ್ ಕಾಪಾಡ್‍ಚಿ.

1 ಪೇತ್ರ 2:24

ಅಂವೊ ನಂಗಡ ಪಾಪತ್‍ನ ತಾಂಡ ತಡೀಲ್ ಎಡ್‍ತಂಡ್, ಶಿಲುಬೇಲ್ ಪೊರ್‌ತಂಡ್‌ ಚತ್ತತ್. ಆನಗುಂಡ್, ನಂಗ ಪಾಪಕ್ ಚತ್ತ್ ಪೋಯಿತ್ ನೀತಿಕ್ ಬದ್‍ಕ್‍ವನೆಕೆ ಆಚಿ. ಅಂವೊಂಡ ಗಾಯತ್‍ನಗುಂಡ್ ನಂಗ ವಾಸಿಯಾಚಿ.