ಅಪೊಸ್ತಲ 10:38 - ಕೊಡವ ಬೈಬಲ್

³⁸ ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 10:38 ပူးပေါင်းရင်းမြစ်များ

ಮತ್ತಾಯ 12:15

ಯೇಸುಕ್ ಇದ್ ಗೊತ್ತಾನಗುಂಡ್ ಅಲ್ಲಿಂಜ ದೂರ ಪೋಚಿ. ಅಂವೊಂಡ ಬಯ್ಯಕ್ ದುಂಬ ಜನ ಪೋಯಂಡಿಂಜತ್, ಅಯಿಂಗಡ ಕೂಡೆ ಇಂಜ ಎಲ್ಲಾ ರೋಗಿಯಳ ಅಂವೊ ವಾಸಿ ಮಾಡ್‍ಚಿ.

ಮತ್ತಾಯ 12:28

ನಾನ್ ದೇವಡ ಆತ್ಮತ್‍ರಗುಂಡ್ ಕೂಳಿಯಳ ಬುಡ್‌ತಿಯಂಡುಳ್ಳಗುಂಡ್, ದೇವಡ ರಾಜ್ಯ ನಿಂಗಡ ಪಕ್ಕ ಇಕ್ಕಲೆ ಬಂದಿತುಂಡ್.

ಮತ್ತಾಯ 9:19

ಯೇಸು ಎದ್ದಿತ್, ಅಂವೊ ಪಿಂಞ ಅಂವೊಂಡ ಶಿಷ್ಯಂಗ ಅದಿಕಾರಿರ ಕೂಡೆ ಪೋಚಿ.

ಮತ್ತಾಯ 9:35

ಯೇಸು ಅಲ್ಲಿ ಉಳ್ಳ ಎಲ್ಲಾ ಪಟ್ಟಣಕ್ ಪಿಂಞ ನಾಡ್‍ಕೆಲ್ಲಾ ಪೋಯಿತ್, ಅಯಿಂಗಡ ಸಬಾಮಂದಿರತ್‍ಲ್ ಬೋದನೆ ಮಾಡಿಯಂಡ್, ದೇವಡ ರಾಜ್ಯತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್, ಜನಡ ಎಲ್ಲಾ ಕಾಯಿಲೆನ ಪಿಂಞ ರೋಗತ್‍ನ ವಾಸಿ ಮಾಡ್‍ಚಿ.

ಮಾರ್ಕ 6:6

ಈ ಜನಕ್ ನಾಡ ಮೇಲೆ ನಂಬಿಕೆ ಬಂದಿತ್‌ಲ್ಲೇಂದ್ ಯೇಸುಕ್ ಆಶ್ಚರ್ಯ ಆಚಿ. ಪಿಂಞ ಯೇಸು ಪಕ್ಕತ್‍ರ ಊರ್‌ಕೆಲ್ಲಾ ಪೋಯಿತ್ ಜನಕ್ ಬೋದನೆ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 3:22

ಪವಿತ್ರಾತ್ಮ ಅಲ್ಲಿಂಜ ಒರ್ ಪಾರಿವಾಳ ರೂಪತ್‌ಲ್ ಅಂವೊಂಡ ಮೇಲೆ ಇಳ್ಂಜಿತ್ ಪಿಂಞ ಪರಲೋಕತ್ಂಜ: ನೀನ್ ನಾಡ ಕೊದಿರ ಮೋಂವೊ, ನೀಡ ಮೇಲೆ ನಾಕ್ ದುಂಬ ಕುಶಿ ಉಂಡ್‍ೕಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:18

ಅಂವೊ ಅದ್‍ನ ತೊರ್‌ಪಕ: ದೇವಡ ಆತ್ಮ ನಾಡ ಮೇಲೆ ಉಂಡ್; ಗರೀಬಂಗಕ್ ದೇವಡ ನಲ್ಲ ಸುದ್ದಿ ಪ್ರಚಾರ ಮಾಡ್‌ವಕು ನನ್ನ ಗೊತ್ತ್ ಮಾಡಿಯತ್. ದೇವ, ಕೈದಿಯಂಗಕ್ ಬುಡುಗಡೆ ಎಣ್ಣುವಕು, ಕುರ್‌ಡಂಗಕ್ ಕಣ್ಣ್ ಕಾಂಬನೆಕೆ ಮಾಡ್‌ವಕು, ಅಡಿಯಾಳಂಗಳ ಅಯಿಂಗಡ ಕಷ್ಟತ್ಂಜ ಬುಡುಗಡೆ ಮಾಡ್‌ವಕು, ದೇವಡ ದಯೇರ ಕಾಲತ್‍ನ ಪ್ರಚಾರ ಮಾಡ್‌ವಕು ನನ್ನ ಅಯಿಚತ್‍ೕಂದ್ ಪುಸ್ತಕತ್‍ಲ್ ಒಳ್‍ದಿತುಳ್ಳ ಜಾಗತ್‍ನ ಕಂಡ್ ಅದ್‍ನ ಓದ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:42

ಆ ಕ್‌ಣ್ಣನ ಕಾಕಿಯಂಡ್ ಬಪ್ಪಕ, ಅಂವೊಂಡ ಮೇಲ್‌ಲ್ ಉಳ್ಳ ಕೂಳಿ ಅಂವೊನ ಅಡಿಕ್ ತಳ್ಳಿತ್ ಅಂವೊನ ದುಂಬ ಕುಲ್‌ಕ್‍ಚಿ. ಯೇಸು ಕೂಳಿನ ಚೂಕಿತ್, ಕುಂಞಿನ ವಾಸಿ ಮಾಡಿತ್ ಅಂವೊಂಡ ಅಪ್ಪಂಡ ಪಕ್ಕ ಅಯಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:56

ಮನುಷ್ಯಕುಮಾರ ಮನುಷ್ಯಂಗಡ ಜೀವತ್‍ನ ಪಾಳ್ ಮಾಡ್‌ವಕ್ ಅಲ್ಲ, ರಕ್ಷಣೆ ಮಾಡ್‌ವಕ್ ಬಾತ್‍ೕಂದ್ ಎಣ್ಣ್‌ಚಿ. ಅಲ್ಲಿಂಜ ಬೋರೆ ಊರ್‌ಕ್ ಅಯಿಂಗ ಪೋಚಿ.

ಯೋಹಾನ 10:32

ಅಕ್ಕ ಯೇಸು ಅಯಿಂಗಳ ನೋಟಿತ್: ನಾನ್ ನಾಡ ಅಪ್ಪ ಎಣ್ಣ್‌ನನೆಕೆ ದುಂಬ ಅದ್ಬುತ ಕಾರ್ಯ ಮಾಡಿಯೆ, ಅದ್‍ಲ್ ಏದ್ ವಿಷಯತ್‍ಲ್ ನಾಡ ಮೇಲೆ ಕಲ್ಲ್ ಕನಿಪಕ್ ನೋಟ್‌ವಿರಾಂದ್ ಕ್‍ೕಟತ್.

ಯೋಹಾನ 16:32

ಒರ್ ಸಮಯ ಬಪ್ಪ, ಅದ್ ಇಕ್ಕಲೆ ಬಂದ್‌ರ್‌ತ್. ನಿಂಗ ಎಲ್ಲಾರು ನನ್ನ ಬುಟ್ಟಿತ್ ಚದ್‌ರಿ ಪೋಯಿತ್ ಬೋರೆ ಬೋರೆ ಆಯಿತ್ ನಿಂಗ ನಿಂಗಡ ಮನೆಕ್ ಪೋಪಿರ, ನಾನ್ ಒಬ್ಬನೇ ಆಯಿಪೋಪಿ. ಆಚೇಂಗಿಯು ನಾನ್ ಒಂಟಿಯಾಯಿತ್ ಇಪ್ಪುಲೆ, ನಾಡ ಅಪ್ಪ ನಾಡ ಕೂಡೆ ಉಂಡ್.

ಯೋಹಾನ 3:2

ಅಂವೊ, ಒರ್ ಬಯಿಟ್ ಯೇಸುರ ಪಕ್ಕ ಪೋಯಿತ್: ಉಪಾದ್ಯನೇ, ನೀನ್ ದೇವ ಅಯಿಚಿತುಳ್ಳ ಉಪಾದ್ಯಾಂದ್ ನಂಗಕ್ ಗೊತ್ತುಂಡ್. ಎನ್ನಂಗೆಣ್ಣ್‌ಚೇಂಗಿ, ದಾರ್ ಒಬ್ಬಂಡ ಕೂಡೆ ದೇವ ಉಂಡೋ ಅಂವೊಂಗ್ ಮಾತ್ರ ನೀನ್ ಮಾಡ್‌ವನೆಕೆ ಇನ್ನತಾನ ಅದ್ಬುತ ಕಾರ್ಯತ್‍ನ ಮಾಡ್‌ವಕ್ ಕಯ್ಯೂಂದ್ ಎಣ್ಣ್‌ಚಿ.

ಯೋಹಾನ 3:34

ಅಂವೊನ ದೇವ ಅಯಿಚತ್, ಆನಗುಂಡ್‌ ದೇಡಡ ತಕ್ಕ್ ಪರಂದಂಡುಂಡ್. ದೇವ ಅಂವೊಂಗ್ ತಾಂಡ ಆತ್ಮತ್‌ನ ಅಳ್‌ಪಕ್ ಕಯ್ಯತಚ್ಚಕ್ ಕೊಡ್‌ತಿತುಂಡ್.

ಯೋಹಾನ 6:27

ಪಾಳಾಯಿ ಪೋಪ ಆಹಾರಕಾಯಿತ್ ಅಲ್ಲ ಆಚೇಂಗಿ ನಿಂಗಳ ನಿತ್ಯ ಜೀವಕತ್ತನೆ ಕೊಂಡ್ ಪೋಪ ಆಹಾರಕಾಯಿತ್ ಕ್ರಿಯೆ ಮಾಡಿ; ಅದ್‍ನ ಮನುಷ್ಯಕುಮಾರ ನಿಂಗಕ್ ತಪ್ಪ, ಎನ್ನಂಗೆಣ್ಣ್‌ಚೇಂಗಿ, ಅಂವೊ ಅನ್ನನೆ ಮಾಡ್‌ವಕ್ ಅಪ್ಪನಾನ ದೇವ ಅಂವೊನ ಅದಿಕಾರಿಯಾಯಿತ್ ನೀಮಿಚಿಟ್ಟಿತುಂಡ್.

ಅಪೊಸ್ತಲ 10:37

ದೀಕ್ಷಾಸ್ನಾನತ್‍ರ ವಿಷಯತ್‍ನ ಯೋಹಾನ ಬೋದನೆ ಮಾಡ್‌ವಕ್ ಸುರ್ ಮಾಡ್‍ನ ಪಿಂಞ ಗಲಿಲಾಯತ್ಂಜ ಸುರು ಮಾಡಿತ್ ಯೂದಾಯತ್‍ರ ಪ್ರಾಂತ್ಯತ್‍ಲ್ ಎಲ್ಲಾ ಎಂತ ಆಚೀಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಇಬ್ರಿಯ 1:9

ನೀನ್ ನೀತಿನ ಪ್ರೀತಿ ಮಾಡಿತ್, ದುಷ್ಟತನತ್‍ನ ದ್ವೇಶ ಮಾಡಿತುಳ್ಳಿಯ; ಆನಗುಂಡ್, ಓ ದೇವ, ನೀಡ ಕೂಟ್‌ಕಾರಂಗಕಿಂಜ ದುಂಬ ಜಾಸ್ತಿಯಾಯಿತ್ ನೀಡ ದೇವ ನಿನ್ನ ಕುಶೀರ ತೈಲತ್‍ರಗುಂಡ್ ಅಬಿಷೇಕ ಮಾಡ್‍ಚಿ.

1 ಪೇತ್ರ 5:8

ತನ್ನಡಕ್ಕ ಉಳ್ಳಯಿಂಗಳಾಯಿತ್, ಎಚ್ಚರತ್ ಇಪ್ಪಯಿಂಗಳಾಯಿತ್ ಇರಿ. ನಿಂಗಡ ವಿರೋದಿಯಾನ ಸೈತಾನ, ಕೂತ್ ಕೊಡ್‍ಪ ಸಿಂಹತ್‍ರನೆಕೆ ದಾರ್‌ನ ಮುಗ್ಗಂಡೂಂದ್ ಸುತ್ತಿಯಂಡ್ ನೋಟಿಯಂಡುಂಡ್.

1 ಯೋಹಾನ 2:20

ಆಚೇಂಗಿ, ನಿಂಗ ಅನ್ನನೆ ಇಲ್ಲೆ, ಕ್ರಿಸ್ತ ನಿಂಗಳ ಪವಿತ್ರಾತ್ಮತ್‍ಲ್ ಅಬಿಷೇಕ ಮಾಡ್‍ನಗುಂಡ್ ನಿಂಗಕ್ ಸತ್ಯ ಏದ್‍ೕಂದ್ ಗೊತ್ತುಂಡ್.

1 ಯೋಹಾನ 3:8

ಆಚೇಂಗಿ, ಪಾಪ ಮಾಡಿಯಂಡೇ ಇಪ್ಪಯಿಂಗ ಸೈತಾನಂಗ್ ಕೂಡ್‍ನಯಿಂಗ, ಎನ್ನಂಗೆಣ್ಣ್‌ಚೇಂಗಿ ಸೈತಾನ ಆದಿಯಿಂಜಲೆ ಪಾಪ ಮಾಡಿಯಂಡುಂಡ್. ದೇವಕುಮಾರ ಸೈತಾನಂಡ ಕೆಲಸತ್‍ನ ಪಾಳ್ ಮಾಡ್‌ವಕಾಯಿತೇ ಈ ಲೋಕಕ್ ಬಾತ್.