ಅಪೊಸ್ತಲ 10:37 - ಕೊಡವ ಬೈಬಲ್

³⁷ ದೀಕ್ಷಾಸ್ನಾನತ್‍ರ ವಿಷಯತ್‍ನ ಯೋಹಾನ ಬೋದನೆ ಮಾಡ್‌ವಕ್ ಸುರ್ ಮಾಡ್‍ನ ಪಿಂಞ ಗಲಿಲಾಯತ್ಂಜ ಸುರು ಮಾಡಿತ್ ಯೂದಾಯತ್‍ರ ಪ್ರಾಂತ್ಯತ್‍ಲ್ ಎಲ್ಲಾ ಎಂತ ಆಚೀಂದ್ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 10:37 ပူးပေါင်းရင်းမြစ်များ

ಮತ್ತಾಯ 2:1

ರಾಜನಾನ ಹೆರೋದಂಡ ದಿವಸತ್‍ಲ್ ಯೂದಾಯ ಪ್ರಾಂತ್ಯತ್‍ಲ್ ಬೇತ್ಲೆಹೇಮ್ ಎಣ್ಣುವ ಊರ್‌ಲ್ ಯೇಸು ಪುಟ್ಟ್‌ಚಿ. ಅಕ್ಕ ಕ್‍ೕಕ್ ದಿಕ್ಕಿಂಜ ಬಂದ ಚೆನ್ನ ಜ್ಞಾನಿಯಂಗ ಯೆರೂಸಲೇಮ್‌ಕ್ ಬಂತ್:

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:5

ಆಚೇಂಗಿ ಅಯಿಂಗ ಇಂಞು ಜೋರಾಯಿತ್: ಇಂವೊ ಗಲಿಲಾಯತ್ಂಜ ಇಲ್ಲಿಕತ್ತನೆ ಯೂದಾಯ ಸೀಮೆಯೆಲ್ಲ ಇಂವೊಂಡ ಬೋದನೆಲ್ ಜನಡ ಮನಸ್ಸ್‌ನ ಕಲಹ ಮಾಡ್‌ವಕಾಯಿತ್ ಪಾಳ್ ಮಾಡಿಯಂಡ್ ಉಂಡ್‍ೕಂದ್ ಎಣ್ಣಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 4:14

ಪಿಂಞ ಯೇಸು ಪವಿತ್ರಾತ್ಮತ್‍ರ ಶಕ್ತಿಲ್ ಗಲಿಲಾಯಕ್ ಪುನಃ ಪೋಚಿ. ಅಂವೊಂಡ ಸುದ್ದಿ ಸುತ್ತ್‌ಲ್ ಉಳ್ಳ ಎಲ್ಲಾ ಜಾಗಕು ಹರಡ್‍ಚಿ.

ಅಪೊಸ್ತಲ 1:22

ಯೇಸು ನಂಗಡ ಮದ್ಯತ್ ಸೇವೆ ಮಾಡಿಯಂಡಿಂಜ ಕಾಲತ್‍ಲ್, ನಂಗಡ ಕೂಡೆ ಇಂಜ ಒಬ್ಬ, ಯೇಸು ಚಾವ್‍ಯಿಂಜ ಪುನಃ ಜೀವವಾಯಿತ್ ಬಾತ್‍ೕಂದ್ ಉಳ್ಳ ವಿಷಯತ್‍ನ ನಂಗಡನೆಕೆ ಸಾಕ್ಷಿಯಾಯಿತ್ ಎಣ್ಣ್‌ವಂವೊನ ನೇಮಿಚಿಡಡೂಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 10:36

ಎಲ್ಲಾ ಜನಕು ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ದೇವಡ ಕೂಡೆ ಸಮಾದಾನ ಉಂಡ್‍ೕಂದ್ ಉಳ್ಳ ಸುದ್ದಿನ ಇಸ್ರಾಯೇಲ್ ಜನಕ್ ದೇವ ಅರಿಚಿಟ್ಟ ನಲ್ಲ ಸುದ್ದಿ ನಿಂಗಕ್ ಗೊತ್ತುಂಡ್.

ಅಪೊಸ್ತಲ 10:38

ದೇವ ನಜರೇತ್‍ರ ಯೇಸುನ ಪವಿತ್ರತ್ಮಾತ್ಂಜಲು ಶಕ್ತಿಯಿಂಜಲು ಅಬಿಷೇಕ ಮಾಡ್‍ಚಿ. ದೇವ ಅಂವೊಂಡ ಕೂಡೆ ಇಂಜಗುಂಡ್ ಅಂವೊ ನಲ್ಲದ್ ಮಾಡಿಯಂಡ್ ಸೈತಾನಂಡ ಶಕ್ತಿಲ್ ಚಿಕ್ಕಿತ್ ಪೋಯಿತ್ಂಜ ಎಲ್ಲಾರ್‍ನೂ ವಾಸಿಮಾಡಿಯಂಡ್ ಎಲ್ಲಾ ಜಾಗಕು ಪೋಯಂಡಿಂಜತ್.

ಅಪೊಸ್ತಲ 2:22

ಇಸ್ರಾಯೇಲ್‍ರ ಜನಳೇ, ನಾಡ ತಕ್ಕ್‌ನ ಕ್‍ೕಳಿ; ನಿಂಗಕೆಲ್ಲ ಚಾಯಿತೆ ಗೊತ್ತುಳ್ಳನೆಕೆ ನಜರೇತ್‍ರ ಯೇಸುರ ಮೂಲಕ ದೇವ ನಿಂಗಡ ಮದ್ಯತ್‍ಲ್ ಬಲ್ಯ ಅದ್ಬುತ, ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅದ್‍ಯಿಂಜ ಅಂವೊನ ದೇವ ನೇಮಿಚಿಟ್ಟತ್‍ೕಂದ್ ನಿಂಗಕ್ ಕಾಂಬ್‍ಚಿಟ್ಟತ್.

ಅಪೊಸ್ತಲ 26:26

ಅಗ್ರಿಪ್ಪ ರಾಜಂಗ್, ಈ ಸಂಗತಿಯೆಲ್ಲ ಗೊತ್ತುಂಡ್, ಆನಗುಂಡ್, ದೈರ್ಯವಾಯಿತ್ ಅಯಿಂಗಡ ಮಿಂಞ ತಕ್ಕ್ ಪರಿವಿ. ಇದ್‍ಲ್ ಅಂವೊಂಗ್ ಗೊತ್ತಿಲ್ಲತ ವಿಷಯ ಒಂದು ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಇದ್ ಒರ್ ಮೂಲೆಲ್ ನಡ್ಂದ ಸಂಗತಿಯಲ್ಲ.

ಅಪೊಸ್ತಲ 28:22

ಆಚೇಂಗಿ ಎಲ್ಲಾ ಜಾಗತ್‍ಲು, ಈ ಮಾರ್ಗತ್‍ರ ವಿಷಯಕ್ ವಿರೋದವಾಯಿತ್ ತಕ್ಕ್ ಪರ್ಂದಂಡುಂಡ್. ಆಚೇಂಗಿ, ಇದ್‍ಲ್ ನೀಡ ಅಬಿಪ್ರಾಯತ್‍ನ ಕ್‍ೕಪದ್ ನಂಗಕ್ ನಲ್ಲದ್‍ೕಂದ್ ಎಣ್ಣ್‌ಚಿ.