ಅಪೊಸ್ತಲ 10:35 - ಕೊಡವ ಬೈಬಲ್

³⁵ ಅಯಿಂಗ ಏದ್ ದೇಶತ್‍ರ ಜನವಾಯಿತ್ಂಜತೇಂಗಿಯು ಆಡ್, ಆಚೇಂಗಿ ಅಯಿಂಗ ದೇವಕ್ ಬೊತ್ತಿತ್, ನೀತಿರ ಬಟ್ಟೇಲ್ ನಡ್ಂದತೇಂಗಿ ಅಂವೊ ಸ್ವೀಕಾರ ಮಾಡ್‌ವ.

ಅಪೊಸ್ತಲ 10:35 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:7

ಯೆಹೋವಂಗ್‌ ಬೊತ್ತಿತ್‌ ನಡ್‌ಪದೇ ಜ್ಞಾನತ್‌ರ ತೊಡಕ; ಆಚೇಂಗಿ ಮೂಡಂಗ ಜ್ಞಾನತ್‌ನ ಪಿಂಞ ಬೋದನೇನ ಕಡೆಗಟ್ಟ್‌ವ.

ಜ್ಞಾನತ್‌ರ ಪಡಿಮ 16:6

ಕೃಪೆಯಿಂಜಲು ಸತ್ಯತ್‌ಂಜಲು, ಪಾಪಕ್‌ ಮನ್ನಿಪ್ ಕ್‌ಟ್ಟು. ಯೆಹೋವಂಗ್‌ ಬೊತ್ತಿತ್‌ ನಡ್‌ಂದತೇಂಗಿ ಜನ ಕ್‍ೕಡ್‌ಂಜ ತಪ್ಪುವ.

ಜ್ಞಾನತ್‌ರ ಪಡಿಮ 2:5

ಇದ್‌ನೆಲ್ಲಾ ಮಾಡ್‌ಚೇಂಗಿ, ಯೆಹೋವಂಗ್‌ ಬೊತ್ತ್‌ವದ್‌ ಎಂತ ಎಣ್ಣಿಯಂಡ್‌ ನೀಕ್‌ ಅರ್ಥ ಆಪ, ದೇವಡ ಅರಿವ್‌ ನೀಕ್‌ ಕ್‌ಟ್ಟುವ.

ಜ್ಞಾನತ್‌ರ ಪಡಿಮ 3:7

ನೀನೇ ಜ್ಞಾನಿ ಎಣ್ಣಿಯಂಡ್‌ ಗೇನ ಮಾಡತೆ, ಯೆಹೋವಂಗ್‌ ಬೊತ್ತಿಯಂಡ್‌ ಪಾಳ್‌ ಬಟ್ಟೆಯಿಂಜ ದೂರ ಇರ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:28

ಅವ ವಾಸ ಮಾಡಿಯಂಡಿಂಜ ಮನೆಲ್ ಆ ದೇವದೂತ ಪ್ರತ್ಯಕ್ಷವಾಯಿತ್ ದೇವಡ ಕರುಣೆಯುಳ್ಳವಳೇ ನೀಕ್ ವಂದನೆ! ಒಡೆಯ ನೀಡ ಕೂಡೆ ಉಂಡ್, ಪೊಮ್ಮಕ್ಕಡ ಮದ್ಯತ್‍ಲ್ ನೀನ್ ದುಂಬ ಆಶೀರ್ವಾದ ಪಡ್ಂದವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಅಪೊಸ್ತಲ 10:28

ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 2:13

ನ್ಯಾಯಪ್ರಮಾಣತ್‍ನ ಕ್‍ೕಪಯಿಂಗ ದೇವಡ ಮಿಂಞತ್ ನೀತಿವಂದಯಿಂಗ ಅಲ್ಲ, ಅದ್ಂಡ ಪ್ರಕಾರ ನಡ್‍ಪಯಿಂಗಳೇ ನೀತಿವಂತಯಿಂಗಳಾಪ.

ರೋಮ್ 2:14

ನ್ಯಾಯಪ್ರಮಾಣ ಕ್‍ಟ್ಟತ ಯೆಹೂದ್ಯಂಗಲ್ಲತ ಜನ ಅಯಿಂಗಡ ಸ್ವಾಬಾವಿಕವಾಯಿತ್ ಮಾಡ್‌ವಗುಂಡ್, ನ್ಯಾಯಪ್ರಮಾಣ ಇಲ್ಲತ ಅಯಿಂಗ, ಅಯಿಂಗಕ್ ಅಯಿಂಗಳೇ ನೇರಾಯಿತ್ ನ್ಯಾಯಪ್ರಮಾಣವಾಯುತುಂಡ್.

ರೋಮ್ 3:22

ದೇವಡ ನೀತೀಂದ್ ಎಣ್ಣುವದ್, ಯೇಸು ಕ್ರಿಸ್ತಂಡಲ್ಲಿ ಇಡ್‌ವ ನಂಬಿಕೇರ ಮೂಲಕ ನಂಗಕ್ ಕ್‍ಟ್ಟ್‌ವದ್, ಅದ್ ನಂಬಿಕೆ ಇಡ್‌ವಯಿಂಗ ದಾರಾಯಿತ್ಂಜತೇಂಗಿಯು, ಅಯಿಂಗ ಎಲ್ಲಾರ್‌ಕು ಕ್‍ಟ್ಟುವ, ಏದ್ ಪಕ್ಷಪಾತವು ಇಲ್ಲೆ.

1 ಕೊರಿಂಥ 12:13

ನಂಗ ಯೆಹೂದ್ಯ ಜನವಾಯಿತ್ ಇಂಜತೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನವಾಯಿತ್ ಇಂಜತೇಂಗಿಯು, ಅಡಿಯಾಳಾಯಿತ್ ಇಂಜತೇಂಗಿಯು, ಬುಡ್‍ಗಡೆ ಆನ ಜನವಾಯಿತ್ ಇಂಜತೇಂಗಿಯು, ಎಲ್ಲಾ ಜನಳು ಒರೇ ಆತ್ಮತ್‍ರಗುಂಡ್ ಒರೇ ತಡಿಕ್ ದೀಕ್ಷಾಸ್ನಾನ ಪಡ್ಂದಿತ್, ಒರೇ ಆತ್ಮ ನಂಗಡ ಕೂಡೆ ವಾಸ ಮಾಡಿಯಂಡುಂಡ್.

2 ಕೊರಿಂಥ 7:1

ಪ್ರೀತಿರ ಜನಳೇ, ಇನ್ನತಾನ ವಾಗ್ದಾನವೆಲ್ಲ ನಂಗಕ್ ಉಳ್ಳಗುಂಡ್, ತಡಿ ಪಿಂಞ ಆತ್ಮತ್‌ನ ಅಶುದ್ದ ಮಾಡ್‌ವ ಎಲ್ಲಾನ ಕಳೆಂದಿತ್ ಶುದ್ದಮಾಡಿಯಂಡ್, ಪವಿತ್ರವಾಪದ್‍ಲ್, ದೇವಡ ಮೇಲೆ ಉಳ್ಳ ಪೋಡಿಲ್ ಪೂರ್ತಿಯಾಯಿತ್ ಬೊಳಿಯನ.

ಗಲಾತ್ಯ 3:28

ಯೆಹೂದ್ಯಂಗಾಂದು ಇಲ್ಲೆ ಯೆಹೂದ್ಯಲ್ಲತಯಿಂಗಾಂದು ಇಲ್ಲೆ, ಅಡಿಯಾಳ್‍ೕಂದು ಇಲ್ಲೆ, ಎಜಮಾನಾಂದು ಇಲ್ಲೆ, ಆಣಾಳ್‍ೕಂದು ಇಲ್ಲೆ, ಪೊಣ್ಣಾಳ್‍ೕಂದು ಇಲ್ಲೆ. ನಿಂಗೆಲ್ಲಾರು ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಒಂದಾಯಿತ್ ಉಂಡ್.

ಎಫೆಸ 1:6

ಅನ್ನನೆ, ದೇವ ಪ್ರೀತಿ ಮಾಡ್‌ವ ಅಂವೊಂಡ ಮೋಂವೊಂಡಲ್ಲಿ ನಂಗಡ ಮೇಲೆ ಇನಾಮಾಯಿತ್ ಬೂಕ್‌ನ ಅಂವೊಂಡ ಮಹಿಮೇರ ಕೃಪೆಕಾಯಿತ್ ಅಂವೊನ ತುದಿಪನೆಕೆ ಮಾಡ್‍ಚಿ.

ಎಫೆಸ 5:21

ಕ್ರಿಸ್ತಂಡ ಮೇಲೆ ಉಳ್ಳ ಬಕ್ತಿರಗುಂಡ್ ಒಬ್ಬೊಂಗೊಬ್ಬ ತಗ್ಗಿತ್ ನಡ್‌ಕಂಡು.

ಫಿಲಿಪ್ಪಿ 3:3

ಅಯಿಂಗಕ್ ಸುನ್ನತಿ ಆನಗುಂಡ್ ಅಯಿಂಗಳೇ ನೇರಾನ ದೇವಡ ಜನಾಂದ್ ಅಯಿಂಗ ಗೇನ ಮಾಡಿಯಂಡುಂಡ್. ಆಚೇಂಗಿ, ಸುನ್ನತಿ ಮಾಡಿತುಂಡೇಂಗಿಯು, ಮಾಡತೆ ಇಂಜತೇಂಗಿಯು ನಂಗಳೇ ನೇರಾನ ದೇವಡ ಮಕ್ಕ. ಎನ್ನಂಗೆಣ್ಣ್‌ಚೇಂಗಿ, ಅಂವೊನ ತುದಿಪಕ್ ದೇವಡ ಆತ್ಮ ನಂಗಕ್ ಸಹಾಯ ಮಾಡಿಯಂಡುಂಡ್; ನಂಗ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಕುಶಿಪಟ್ಟಂಡುಂಡ್. ನಂಗಡ ತಡೀಲ್ ಮಾಡ್‌ವ ಏದ್ ಪದ್ದತಿರಗುಂಡು ನಂಗ ದೇವಡ ಮಕ್ಕಳಾಪುಲೆ.

ಕೊಲೊಸ್ಸೆ 1:6

ನಿಂಗಡ ಪಕ್ಕ ಬಂದ ಆ ದೇವಡ ನಲ್ಲ ಸುದ್ದಿ, ಇಡೀ ಲೋಕಕ್ ಪೋಯಂಡುಂಡ್. ಅದ್ ನಿಂಗಡ ಪಕ್ಕ ಬಂದಿತ್, ನಿಂಗ ಅದ್‍ನ ಕ್‍ೕಟಿತ್ ದೇವಡ ಕೃಪೇನ ನೇರಾಯಿತ್ ಅರ್ಥಮಾಡ್‍ನ ದಿವಸತ್ಂಜ ನಿಂಗಡ ಬದ್‍ಕ್‍ಲ್ ಎನ್ನನೆ ಫಲ ತಂದ್‍ೕಂಡುಂಡೊ, ಅನ್ನನೆ ಅದ್ ಪೋಪ ಜಾಗತ್‍ಲೆಲ್ಲಾ ಸಹ, ಜನಡ ಬದ್‍ಕ್‍ಲ್ ಮಾಡಿಯಂಡುಂಡ್.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

1 ಯೋಹಾನ 2:29

ಕ್ರಿಸ್ತ ನೀತಿವಂತಂವೊನೇಂದ್ ನಿಂಗಕ್ ಗೊತ್ತಾನಗುಂಡ್, ನೀತಿಲ್ ನಡ್‍ಪಯಿಂಗೆಲ್ಲಾ ದೇವಡ ಮಕ್ಕಾಂದ್ ನಿಂಗಕ್ ಗೊತ್ತಿರಂಡು.