ಅಪೊಸ್ತಲ 10:34 - ಕೊಡವ ಬೈಬಲ್

³⁴ ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.

ಅಪೊಸ್ತಲ 10:34 ပူးပေါင်းရင်းမြစ်များ

ಮತ್ತಾಯ 22:16

ಅಯಿಂಗ ಹೆರೋದ ರಾಜಂಡ ಜನಡ ಕೂಡೆ ಅಯಿಂಗಡ ಶಿಷ್ಯಂಗಳ ಅಯಿಚತ್. ಅಯಿಂಗ ಬಂತ್, ಉಪಾದ್ಯನೇ, ನೀನ್ ಸತ್ಯ ಉಳ್ಳಂವೊನು, ದೇವಡ ಚಿತ್ತತ್‍ರ ವಿಷಯತ್ ಜನಕ್ ಸತ್ಯವಾಯಿತ್ ಬೋದನೆ ಮಾಡ್‍ವಿಯಾಂದೂ, ದಾರ್‌ಕು ಬೊತ್ತ್‌ವಂವೊ ಅಲ್ಲಾಂದು, ಪಕ್ಷಪಾತ ಇಲ್ಲತಂವೋಂದು ನಂಗಕ್ ಗೊತ್ತುಂಡ್.

ಮತ್ತಾಯ 5:2

ಅಂವೊ ಬೋದನೆ ಮಾಡ್‌ವಕ್ ಸುರ್ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:21

ಅಯಿಂಗ ಯೇಸುರ ಪಕ್ಕ ಬಂತ್: ಉಪಾದ್ಯನೇ, ನೀನ್ ಪರಿಯುವ ತಕ್ಕ್ ಪಿಂಞ ಮಾಡ್‌ವ ಬೋದನೆ ಸತ್ಯಾಂದ್ ನಂಗಕ್ ಗೊತ್ತುಂಡ್. ಏದ್ ತರತ್‍ರ ಜನ ಆಯಿತುಂಡೇಂಗಿಯು, ನೀನ್ ಅಯಿಂಗಳ ಒರೇ ತರತ್‍ಲ್ ನೋಟಿತ್ ದೇವಡ ವಿಷಯತ್‍ನ ಸತ್ಯವಾಯಿತ್ ಬೋದನೆ ಮಾಡ್‌ವಿಯ.

ಅಪೊಸ್ತಲ 10:33

ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 15:9

ಇದ್‍ಲ್ಲತೆ ನಂಗಕು ಅಯಿಂಗಕು ಪಕ್ಷಪಾತ ಮಾಡತೆ, ಅಯಿಂಗಡ ಹೃದಯತ್‍ನ ನಂಬಿಕೇರ ಮೂಲಕ ಪವಿತ್ರ ಮಾಡ್‍ಚಿ.

ಅಪೊಸ್ತಲ 8:35

ಅಕ್ಕ, ಫಿಲಿಪ್ಪ, ತಕ್ಕ್ ಪರಿಯುವಕ್ ಸುರು ಮಾಡಿತ್, ಈ ದೇವಡ ವಾಕ್ಯತ್‍ರ ಮೂಲಕವೇ, ಯೇಸುರ ನಲ್ಲ ಸುದ್ದಿನೆಲ್ಲ ಎಣ್ಣ್‌ಚಿ.

ರೋಮ್ 2:11

ದೇವ ದಾರ್‌ಕು ಪಕ್ಷಪಾತ ಮಾಡುಲೆ.

ರೋಮ್ 3:29

ಯೆಹೂದ್ಯಂಗಕ್ ಮಾತ್ರ ಅಂವೊ ದೇವನಾ? ಯೆಹೂದ್ಯ ಅಲ್ಲತಯಿಂಗಕೂ ಅಂವೊ ದೇವ ತಾನೇ? ಅಕ್ಕು, ಯೆಹೂದ್ಯ ಅಲ್ಲತಯಿಂಗಕು ಅಂವೊ ದೇವ.

ಗಲಾತ್ಯ 2:6

ಅಯಿಂಗಡ ಪೆರಿಯಯಿಂಗಾಂದ್ ಎಣ್ಣ್‌ವಯಿಂಗ ನಾನ್ ಎಣ್ಣ್‌ನ ವಿಷಯತ್‍ರ ಕೂಡೆ ಒಂದು ಕೂಟಿತ್ ತಕ್ಕ್ ಪರ್ಂದಿತ್‌ಲ್ಲೆ. (ಅಯಿಂಗ ಎಚ್ಚಕ್ ಪೆರಿಯಯಿಂಗಳಾಯಿತ್ ಇಂಜತೇಂಗಿಯು ನಾಕ್ ಒಂದು ಇಲ್ಲೆ, ಎನ್ನಂಗೆಣ್ಣ್‌ಚೇಂಗಿ, ದೇವಡ ಮಿಂಞತ್‍ಲ್ ಪೆರಿಯಂವೊ ಚೆರಿಯಂವೋಂದ್ ದಾರೂ ಇಲ್ಲೆ).

ಎಫೆಸ 6:9

ಎಜಮಾನಂಗಳೇ, ನಿಂಗಳು ಸಹ, ಅಡಿಯಾಳ್‌ವಕ್ ಮಾಡ್‌ವಕ್ಕುಳ್ಳಾನ ಮಾಡಿತ್, ಅಯಿಂಗಕು ನಿಂಗಕು ಒರೇ ಎಜಮಾನ ಪರಲೋಕತ್‍ಲ್ ಉಂಡ್‍ೕಂದು ಪಿಂಞ ಅಂವೊ ದಾರ್‌ಕು ಪಕ್ಷಪಾತ ಮಾಡುಲೇಂದ್ ಗೇನ ಮಾಡಿತ್, ಅಯಿಂಗಳ ಬೊತ್ತ್‌ಚಿಡತಿ.

ಕೊಲೊಸ್ಸೆ 3:11

ಇದ್‍ಲ್ ಯೆಹೂದ್ಯಂಗಲ್ಲತಯಿಂಗಾಂದ್, ಯೆಹೂದ್ಯಂಗಾಂದ್, ಸುನ್ನತಿ ಮಾಡ್‌ನಯಿಂಗಾಂದ್, ಸುನ್ನತಿ ಮಾಡತಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತುಳ್ಳಯಿಂಗಾಂದ್, ಚಾಯಿ ಇಪ್ಪಕ್ ಗೊತ್ತ್‌ಲ್ಲತಯಿಂಗಾಂದ್, ಅಡಿಯಾಳ್‍ೕಂದ್, ಅಡಿಯಾಳ್ ಅಲ್ಲತಯಿಂಗಾಂದ್, ಇದ್‍ನೆಲ್ಲಾ ದೇವ ನೋಟಿಯಂಡ್ ಇಲ್ಲೆ; ಕ್ರಿಸ್ತನೇ ಎಲ್ಲಾಡ ಒಳ್‍ಲ್ ಎಲ್ಲಾವಾಯಿತ್ ಉಂಡ್.

ಕೊಲೊಸ್ಸೆ 3:25

ಆಚೇಂಗಿ, ನಿಂಗ ಅನ್ಯಾಯ ಮಾಡ್‍ಚೇಂಗಿ, ನಿಂಗ ಮಾಡ್‍ನ ಅನ್ಯಾಯಕ್ ತಕ್ಕಂತ ಫಲ ಕ್‍ಟ್ಟುವ, ಎನ್ನಂಗೆಣ್ಣ್‌ಚೇಂಗಿ, ದೇವ ದಾರ್‌ಕು ಪಕ್ಷಪಾತ ಮಾಡುಲೆ.

ಯಾಕೋಬ 2:1

ನಾಡ ಅಣ್ಣತಮ್ಮಣಂಗಳೇ, ಮಹಿಮೇರ ಒಡೆಯ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗ, ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಮರ್ಯಾದೆ ಮಾಡತಿ.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?

ಯಾಕೋಬ 2:9

ಆಚೇಂಗಿ ನಿಂಗ ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಅದ್ಂಡ ಪ್ರಕಾರ ಮರ್ಯಾದೆ ಮಾಡ್‍ಚೇಂಗಿ, ನಿಂಗ ಪಾಪ ಮಾಡಿತ್, ನ್ಯಾಯಪ್ರಮಾಣಕ್ ವಿರೋದವಾಯಿತ್ ಮಾಡ್‌ನಯಿಂಗಾಂದ್ ತೀರ್ಪ್ ಆಪಿರ.

1 ಪೇತ್ರ 1:17

ಮೂಡ್‍ನ ನೋಟಿತ್ ಪಕ್ಷಪಾತವಿಲ್ಲತೆ, ಅಯಿಂಗಡ ಕ್ರೀಯರನೆಕೆ ನ್ಯಾಯತೀರ್ಪ್‌ನ ತಪ್ಪ ಅಪ್ಪನ ನಿಂಗ ಆರಾದರನೆ ಮಾಡಿಯಂಡ್ ಉಳ್ಳಾಂಗ್, ಈ ಲೋಕತ್‍ಲ್ ಚೆನ್ನ ಕಾಲ ಮಾತ್ರ ಬದ್‍ಕ್‍ವನೆಕೆ, ದೇವಡ ಮೇಲೆ ಪೋಡಿಲ್ ಬದ್‍ಕಂಡು.