ಅಪೊಸ್ತಲ 10:33 - ಕೊಡವ ಬೈಬಲ್

³³ ಅನ್ನನೆ ತಡೆಮಾಡತೆ ನಾನ್ ನೀಡ ಪಕ್ಕ ಅಯಿಚಿಯೆ. ನೀನ್ ಬಪ್ಪಕ್ ಮನಸ್ಸ್ ಮಾಡ್‍ನದ್ ನಲ್ಲದಾಚಿ. ಇನ್ನನೆ ಇಪ್ಪಕ, ನಂಗಕ್ ಎಂತ ಎಣ್ಣಂಡೂಂದ್ ಒಡೆಯ ನೀಕ್ ಅಪ್ಪಣೆ ತಂದತೋ ಅದ್‍ನೆಲ್ಲಾನ ಕ್‍ೕಪಕಾಯಿತ್ ಇಲ್ಲಿ ದೇವಡ ಪ್ರಸನ್ನತ್‌ಲ್ ನಂಗೆಲ್ಲಾ ಕೂಡಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:33 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 1:5

ಬುದ್ದಿವಂತಂವೊ ಈ ಜ್ಞಾನತ್‌ರ ಪಡಿಮನ ಕ್‍ೕಟಿತ್‌ ಇಂಞು ಬುದ್ದಿವಂತಂವೊನಾಪ. ವಿವೇಕ ಉಳ್ಳಂವೊಂಗ್‌ ಇಂಞು ಆಲೋಚನೆ ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 18:15

ಬುದ್ದಿವಂತಂವೊಂಡ ಮನಸ್ಸ್‌ ಅರಿವುನ ಸಂಪಾದನೆ ಮಾಡುವ. ಜ್ಞಾನ ಉಳ್ಳಂವೊಂಡ ಕೆಮಿ ಅರಿವುನ ತ್‍ೕಡುವ.

ಜ್ಞಾನತ್‌ರ ಪಡಿಮ 25:12

ಕ್‍ೕಪಕ್‌ ಕುಶಿ ಉಳ್ಳಂವೊನ ಎಚ್ಚರಿಕೆ ಮಾಡ್‌ವಂವೊ ಪೊನ್ನ್‌ರ ಓಲೆಕು, ಪೊನ್ನ್‌ರ ಮಾಲೆಕು ಸರಿಸಮ.

ಮತ್ತಾಯ 18:4

ಆನಗುಂಡ್ ಒರ್ ಚೆರಿಯ ಕುಂಞಿರನೆಕೆ ದಾರ್ ಒಬ್ಬ ಅಂವೊನ ತಗ್ಗ್‌ಚಿಡ್‌ವ, ಅಂವೊನೇ ಪರಲೋಕ ರಾಜ್ಯತ್‍ಲ್ ಎಲ್ಲಾಕಿಂಜ ಬಲ್ಯಂವೋಂದ್ ಎಣ್ಣ್‌ಚಿ.

ಮತ್ತಾಯ 19:30

ಮಿಂಞತ್‍ಲ್ ಇಪ್ಪ ದುಂಬ ಜನ ಬಯ್ಯತ್ ಆಪ, ದಾರ್ ಬಯ್ಯತ್‌ಲ್ ಇಪ್ಪ ಅಯಿಂಗ ಮಿಂಞಕ್ ಬಪ್ಪ ಎಣ್ಣಿಯಂಡ್ ಯೇಸು ಎಣ್ಣ್‌ಚಿ.

ಮಾರ್ಕ 10:15

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅಯಿಂಗ ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವೀಂದ್ ಎಣ್ಣಿತ್,

ಅಪೊಸ್ತಲ 10:32

ಇಕ್ಕ ನೀನ್ ಜನಳ ಯೊಪ್ಪ ಪಟ್ಟಣಕ್ ಅಯಿಚಿತ್ ಪೇತ್ರ ಎಣ್ಣುವ ಸೀಮೋನನ ಕಾಕ್‍ಚಿಡ್. ಅಂವೊ ಸಮುದ್ರತ್‍ರ ಪಕ್ಕತ್‍ಲ್ ಚರ್ಮಕಾರನಾನ ಸೀಮೋನಂಡ ಮನೆಲ್ ಉಂಡ್; ಅಂವೊ ಬಂತ್ ನೀಡ ಕೂಡೆ ತಕ್ಕ್ ಪರಿವಾಂದ್ ಎಣ್ಣ್‌ಚಿ.

ಅಪೊಸ್ತಲ 10:34

ಅಕ್ಕ ಪೇತ್ರ ತಕ್ಕ್ ಪರಿಯುವಕ್ ಸುರು ಮಾಡಿತ್, ದೇವ ಪಕ್ಷಪಾತ ಮಾಡುಲೇಂದ್ ಇಕ್ಕ ನಾಕ್ ಅರ್ಥ ಆಚಿ.

ಅಪೊಸ್ತಲ 28:28

ಆನಗುಂಡ್ ದೇವಡ ರಕ್ಷಣೆರ ವಿಷಯತ್ ದೇವಡ ವಾಕ್ಯ ಯೆಹೂದ್ಯಂಗ ಅಲ್ಲತ ಬೋರೆ ಜಾತಿ ಜನಕ್ ಪೋಯಂಡುಂಡ್‍ೕಂದ್ ನಿಂಗಕ್ ಚಾಯಿತೆ ಗೊತ್ತಿರಡ್; ಅಯಿಂಗ ಇದ್‍ನ ಕ್‍ೕಟಿತ್ ಅದ್ಂಗ್ ಕೆಮಿ ಕೊಡ್‍ಪಾಂದ್ ಎಣ್ಣ್‌ಚಿ.

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

ಗಲಾತ್ಯ 4:14

ನಾನ್ ನಿಂಗಡ ಪಕ್ಕ ಬಪ್ಪಕ ನಾಕ್ ಸೌಕ್ಯ ಇಲ್ಲತೆ ಇಂಜತ್. ನಾನ್ ನಿಂಗಕ್ ದುಂಬ ತೊಂದರೆ ತಂದಿಯೆ, ಆಚೇಂಗಿಯು ನಿಂಗೆಲ್ಲಾರು ನಾನ್ ನಿಂಗಡ ಪಕ್ಕ ಬರಂಡಾಂದ್ ಎಣ್ಣತೆ ಪಿಂಞ ತ್‍ಕ್ಕಾರ ಮಾಡತೆ ದುಂಬ ಕುಶೀಲ್ ನನ್ನ ದೇವದೂತಂಡನೆಕೆ, ಯೇಸು ಕ್ರಿಸ್ತಂಡನೆಕೆ ತಕ್ಕಾರ ಮಾಡಿರ.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

ಯಾಕೋಬ 1:19

ನಾಡ ಅಣ್ಣತಮ್ಮಣಂಗಳೇ! ಎಲ್ಲಾರು ಕ್‍ೕಪಕ್ ಚುರ್‌ಕಾಯಿತು, ತಕ್ಕ್ ಪರಿಯುವಕ್ ನಿದಾನವಾಯಿತು, ಚೆಡಿ ಮಾಡ್‌ವಕ್ ತಾಳ್ಮೆಯಾಯಿತು ಇಕ್ಕಂಡು.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.