ಅಪೊಸ್ತಲ 10:3 - ಕೊಡವ ಬೈಬಲ್

³ ಒರ್ ದಿವಸ ಮಜ್ಜಣ, ಸುಮಾರ್ ಮೂಂದ್ ಗಂಟೆ ಸಮಯತ್‍ಲ್ ಅಂವೊ ಒರ್ ದರ್ಶನ ಕಂಡತ್. ದರ್ಶನತ್‍ಲ್ ಒರ್ ದೇವದೂತ ತಾಂಡ ಪಕ್ಕ ಬಂತ್: ಕೊರ್ನೇಲ್ಯನೇಂದ್ ಕಾಕ್‍ವಾನ ಕಂಡತ್.

ಅಪೊಸ್ತಲ 10:3 ပူးပေါင်းရင်းမြစ်များ

ಮತ್ತಾಯ 27:46

ಸುಮಾರ್ ಮೂಂದ್ ಗಂಟೆಕ್ ಯೇಸು: ಏಲೀ, ಏಲೀ, ಲಮಾ ಸಬಕ್ತಾನೀ ಎಣ್ಣಿಯಂಡ್ ಬಲ್ಯ ಕೂತ್ ಕೊಡ್‍ತತ್. ಆಂಡ ಅರ್ಥ ನಾಡ ದೇವನೇ, ನಾಡ ದೇವನೇ, ಎನ್ನಂಗ್ ನನ್ನ ಕೈ ಬುಟ್ಟಿಯೇಂದ್ ಎಣ್ಣ್‌ವದ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:11

ಅಕ್ಕಣೆಕೆ ಒಡೆಯಂಡ ದೂತ ದೂಪಪೀಠತ್‌ರ ಬಲ್‌ತೆ ಬರಿಲ್ ನಿಂದಂಡಿಪ್ಪನೆಕೆ ಅಂವೊಂಗ್ ಪ್ರತ್ಯಕ್ಷ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:13

ಅಕ್ಕಣೆ ಪರಲೋಕತ್‍ರ ದೂತಂಗಡ ಸೈನ್ಯ ಆ ದೂತಂಡ ಕೂಡೆ ಪ್ರತ್ಯಕ್ಷವಾಯಿತ್,

ಅಪೊಸ್ತಲ 10:17

ಪೇತ್ರ ತಾನ್ ಕಂಡ ದರ್ಶನತ್‍ರ ಅರ್ಥ ಎಂತಾಯಿತಿಕ್ಕೂಂದ್ ಗೇನ ಮಾಡಿಯಂಡಿಪ್ಪಕಲೆ, ಕೊರ್ನೇಲ್ಯ ಅಯಿಚ ಆ ಮನುಷ್ಯಂಗ ಸೀಮೋನಂಡ ಮನೆ ಎಲ್ಲೀಂದ್ ಕ್‍ೕಟಂಡ್, ಆ ಮನೆರ ಪಡಿರ ಮಿಂಞ ಬಂತ್ ನಿಂದಿತ್ಂಜತ್.

ಅಪೊಸ್ತಲ 10:19

ಪೇತ್ರ ಆ ದರ್ಶನತ್‍ರ ವಿಷಯತ್‍ನ ಗೇನ ಮಾಡಿಯಂಡ್ ಇಪ್ಪಕ ಪವಿತ್ರಾತ್ಮ ಅಂವೊಂಗ್: ಈ ಮೂಂದ್ ಮನುಷ್ಯಂಗ ನಿನ್ನ ತ್‍ೕಡಿಯಂಡುಂಡ್.

ಅಪೊಸ್ತಲ 10:30

ಅದ್ಂಗ್ ಕೊರ್ನೇಲ್ಯ: ನಾನ್ ನಾಲ್ ದಿವಸಕ್ ಬಯ್ಯ ಈ ಸಮಯತ್‍ಲ್ ಸುಮಾರ್ ಮೂಂದ್ ಗಂಟೆಕ್ ನಾಡ ಮನೆಲ್ ಪ್ರಾರ್ಥನೆ ಮಾಡಿಯಂಡಿಂಜ್. ಮಿನ್ನುವಂತ ವಸ್ತ್ರ ಇಟ್ಟಿತ್ಂಜ ಒರ್ ಮನುಷ್ಯ ನಾಡ ಮಿಂಞತ್ ನಿಂದಂಡ್:

ಅಪೊಸ್ತಲ 10:9

ಪಿತ್ಯಾಂದ್ ಸುಮಾರ್ ಮಜ್ಜಣ ನೇರತ್ ಅಯಿಂಗ ಪ್ರಯಾಣ ಮಾಡಿತ್ ಆ ಊರ್‌ರ ಪಕ್ಕ ಬಪ್ಪಕ, ಪೇತ್ರ ಪ್ರಾರ್ಥನೆ ಮಾಡ್‌ವಕಾಯಿತ್ ಮನೆರ ಕೊಡಿಕ್ ಪೋಚಿ.

ಅಪೊಸ್ತಲ 11:13

ಅಂವೊ ತಾಂಡ ಮನೆಲ್ ಎನ್ನನೆ ಒರ್ ದೇವದೂತನ ಕಂಡತ್‍ೕಂದೂ, ಯೊಪ್ಪ ಪಟ್ಟಣತ್‍ಲ್ ಉಳ್ಳ ಪೇತ್ರ ಎಣ್ಣುವ ಸೀಮೋನನ ಕಾಕ್‍ವಕ್, ಜನಳ ಅಯಿಚಿಕೊಡ್;

ಅಪೊಸ್ತಲ 27:23

ನಾಡ ಬದ್‍ಕ್‍ರ ಒಡೆಯನು, ನಾನ್ ಸೇವೆ ಮಾಡ್‍ವಂವೊನಾಯಿತುಳ್ಳ ದೇವದೂತ ನಿನ್ನಾಂದ್ ಬಯಿಟ್ ನಾಡ ಪಕ್ಕ ಬಂದಿತ್:

ಅಪೊಸ್ತಲ 3:1

ಒರ್ ದಿವಸ ಪೇತ್ರ ಪಿಂಞ ಯೋಹಾನ ಮಜ್ಜಣ ಮೂಂದ್ ಗಂಟೆರ ಪ್ರಾರ್ಥನೆಕಾ‍ಯಿತ್ ದೇವಾಲಯಕ್ ಪೋಯಂಡಿಪ್ಪಕ,

ಅಪೊಸ್ತಲ 5:19

ಆಚೇಂಗಿ ಒಡೆಯಂಡ ದೂತ, ಬಯಿಟ್ ಸೆರೆಮನೇರ ಪಡಿನ ತೊರಂದಿತ್ ಅಯಿಂಗಳ ಪೊರಮೆ ಕಾಕಿಯಂಡ್ ಬಾತ್.

ಅಪೊಸ್ತಲ 9:10

ದಮಸ್ಕತ್‍ಲ್ ಅನನೀಯ ಎಣ್ಣ್‌ವ ಯೇಸುನ ನಂಬುನ ಒಬ್ಬ ಇಂಜತ್; ಅಂವೊಂಗ್ ಒಡೆಯ ದರ್ಶನತ್‍ಲ್ ಬಂದಿತ್: ಅನನೀಯನೇಂದ್ ಕಾಕ್‍ವಕ, ಅಂವೊ: ಒಡೆಯನೇ, ಇದಾ, ನಾನ್ ಇಲ್ಲಿ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:4

ಅಂವೊ ನೆಲಕ್ ಬುದ್ದತ್. ಅಕ್ಕ: ಸೌಲ, ಸೌಲ, ನೀನ್ ನನ್ನ ಎನ್ನಂಗ್ ಹಿಂಸೆ ಮಾಡ್‌ವಿಯಾಂದ್ ಎಣ್ಣ್‌ವ ಒರ್ ವಾಣಿ ಅಂವೊಂಗ್ ಕ್‍ೕಟತ್.

ಇಬ್ರಿಯ 1:14

ಆನಗುಂಡ್, ರಕ್ಷಣೆ ಕ್‍ಟ್ಟ್‌ವಯಿಂಗಕ್ ಸೇವೆ ಮಾಡ್‌ವಕಾಯಿತ್ ದೇವದೂತಂಗ ಎಲ್ಲಾರು, ದೇವ ಅಯಿಚ ಸೇವೇರ ಆತ್ಮವಾಯಿತುಂಡಲ್ಲಾ?

ಇಬ್ರಿಯ 1:4

ಇಂವೊ, ದೇವದೂತಂಗಕು ಬಲ್ಯಂವೊನಾಯಿತ್ ಎಚ್ಚಕ್ ಪೆದ ಎಡ್‌ತಂಡತೋ, ಅಚ್ಚಕ್ ಬಲ್ಯದಾಯಿತ್ ಅಯಿಂಗಕಿಂಜ ಗನ ಪಟ್ಟಂವೊನಾಚಿ.