ಅಪೊಸ್ತಲ 10:28 - ಕೊಡವ ಬೈಬಲ್

²⁸ ಪೇತ್ರ ಅಯಿಂಗಕ್: ಯೆಹೂದ್ಯರಲ್ಲತ ಬೋರೆ ಜನಡ ಕೂಡೆ ಐಕ್ಯತ್‍ಲ್ ಇಪ್ಪದ್‍ನ, ಯೆಹೂದ್ಯಂಗಡ ನ್ಯಾಯಪ್ರಮಾಣ ಅನುಮತಿ ಕೊಡ್‍ಪ್‍ಲೇಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿ, ಏದ್ ಒರ್ ಮನುಷ್ಯನು, ಅಂವೊ ಅಶುದ್ದವಾನಂವೋಂದು, ಅಸಹ್ಯವಾನಂವೋಂದು ಎಣ್ಣ್‌ವಕ್ಕಾಗಾಂದ್ ದೇವ ನಾಕ್ ಕಾಟಿಕೊಡ್‍ತಿತುಂಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 10:28 ပူးပေါင်းရင်းမြစ်များ

ಮಾರ್ಕ 7:2

ಅಕ್ಕ ಯೇಸುರ ಚೆನ್ನ ಶಿಷ್ಯಂಗ, ಪದ್ದತಿರ ಪ್ರಕಾರ ಕೈಯಿನ ಕತ್ತತೆ ಉಂಬದ್‌ನ ಕಂಡಿತ್ ತಪ್ಪ್ ಕಂಡ್‌ಪುಡ್‌ಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:11

ಫರಿಸಾಯ ಎದ್ದಿತ್: ದೇವ! ನಾನ್ ದುರಾಸೆ ಉಳ್ಳಂವೊನೆಕೆ, ಮೋಸ ಮಾಡ್‌ವಂವೊನೆಕೆ ಪಿಂಞ ವ್ಯಬಿಚಾರ ಮಾಡ್‌ವಂವೊನೆಕೆ ಇಲ್ಲತಗುಂಡ್ ನಾನ್ ನೀಕ್ ವಂದನೆ ಎಣ್ಣ್‌ವಿ. ಅದಲ್ಲತೆ ಅಲ್ಲಿ ನಿಂದಿತುಳ್ಳ ಕಂದಾಯ ಎಡ್‌ಪಂವೊನೆಕೆ ನಾನ್ ಇಲ್ಲತಗುಂಡ್ ನೀಕ್ ವಂದನೆ ಮಾಡ್‌ವಿ.

ಯೋಹಾನ 18:28

ಪಿಂಞ ಅಯಿಂಗ, ಕಾಯಫಂಡಿಂಜ ದೇಶಾದಿಪತಿರ ಅರಮನೆಕ್ ಕಾಕಿಯಂಡ್ ಪೋಚಿ. ಅಕ್ಕ ಪೊಲಾಕ ನೇರತೆ ಆಯಿತ್ಂಜತ್. ಯೆಹೂದ್ಯ ಜನ ಅಯಿಂಗಡ ಪದ್ದತಿರ ಪ್ರಕಾರ ಅಶುದ್ದ ಆಕತೆ, ಪಸ್ಕ ನಮ್ಮೆರ ಪುಳಿಯಿಲ್ಲತ ಒಟ್ಟಿನ ತಿಂಬನೆಕೆ, ಅಯಿಂಗ ಅರಮನೆರ ಒಳ್‍ಕ್ ಪೋಕತೆ ಪಾರಕಾತಂಡಿಂಜತ್.

ಯೋಹಾನ 4:27

ಆ ಸಮಯತ್‍ಲ್ ಯೇಸುರ ಶಿಷ್ಯಂಗ ಬಾತ್. ಯೇಸು ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳದ್‍ನ ಕಂಡಿತ್ ಆಶ್ಚರ್ಯ ಪಟ್ಟತ್. ಆಚೇಂಗಿಯು, ದಾರೂ ಅಂವೊಂಡ ಪಕ್ಕ, ನೀಕ್ ಎಂತ ಬೋಂಡೂಂದ್, ಎನ್ನಂಗ್ ಒರ್ ಪೊಣ್ಣಾಳ್‍ರ ಕೂಡೆ ತಕ್ಕ್ ಪರ್‌ದಂಡ್ ಉಳ್ಳಿಯಾಂದು ಕ್‍ೕಟಿತ್‌ಲ್ಲೆ.

ಯೋಹಾನ 4:9

ನಾನ್ ಸಮಾರ್ಯ ಪೊಣ್ಣಾಳ್, ನೀನ್ ಯೆಹೂದ್ಯ ಮನುಷ್ಯ, ಅನ್ನನೆ ಇಪ್ಪಕ, ನೀನ್ ಎನ್ನನೆ ನಾಡ ಪಕ್ಕ ನೀರ್ ತಾಂದ್ ಕ್‍ೕಪಿಯಾಂದ್ ಅವ ಕ್‍ೕಟತ್. ಎನ್ನಂಗೆಣ್ಣ್‌ಚೇಂಗಿ, ಯೆಹೂದ್ಯಂಗ ಸಮಾರ್ಯಂಗಡ ಕೂಡೆ ಏದ್ ವಿಷಯತ್‍ಲು ಸಂಬಂದ ಬೆಪ್ಪುಲೆ.

ಅಪೊಸ್ತಲ 10:29

ಆನಗುಂಡ್ ನಿಂಗ ನನ್ನ ಕಾಕಿತ್ ಅಯಿಪಕ ನಾನ್ ಒರ್ ತಕ್ಕು ಪರಿಯತೆ ಬಂದಿಯೆ. ಇಕ್ಕ ನಿಂಗ ನನ್ನ ಎನ್ನಂಗಾಯಿತ್ ಕಾಕಿರಾಂದ್ ಕ್‍ೕಪೀಂದ್ ಎಣ್ಣ್‌ಚಿ.

ಅಪೊಸ್ತಲ 11:9

ಅದ್ಂಗ್ ದಂಡೆನೆ ಕುರಿ ಬಾನತ್ಂಜ ಆ ವಾಣಿ: ದೇವ ಶುದ್ದಮಾಡ್‍ನಾನ ನೀನ್ ಅಶುದ್ದಾಂದ್ ಎಣ್ಣತೇಂದ್ ನಾಕ್ ಜವಾಬ್ ಕೊಡ್‍ತತ್.