ಅಪೊಸ್ತಲ 10:17 - ಕೊಡವ ಬೈಬಲ್

¹⁷ ಪೇತ್ರ ತಾನ್ ಕಂಡ ದರ್ಶನತ್‍ರ ಅರ್ಥ ಎಂತಾಯಿತಿಕ್ಕೂಂದ್ ಗೇನ ಮಾಡಿಯಂಡಿಪ್ಪಕಲೆ, ಕೊರ್ನೇಲ್ಯ ಅಯಿಚ ಆ ಮನುಷ್ಯಂಗ ಸೀಮೋನಂಡ ಮನೆ ಎಲ್ಲೀಂದ್ ಕ್‍ೕಟಂಡ್, ಆ ಮನೆರ ಪಡಿರ ಮಿಂಞ ಬಂತ್ ನಿಂದಿತ್ಂಜತ್.

ಅಪೊಸ್ತಲ 10:17 ပူးပေါင်းရင်းမြစ်များ

ಯೋಹಾನ 13:12

ಯೇಸು ಅಯಿಂಗಡ ಕಾಲ್‌ನ ಕತ್ತಿತ್ ಆನ ಪಿಂಞ ಅಂವೊಂಡ ಬಟ್ಟೇನ ಇಟ್ಟಂಡ್ ಅಂವೊಂಡ ಜಾಗಕ್ ಬಾತ್. ನಾನ್ ನಿಂಗಕ್ ಎಂತ ಮಾಡಿಯೇಂದ್ ನಿಂಗಕ್ ಗೊತ್ತಾಚಾಂದ್ ಕ್‍ೕಟತ್.

ಅಪೊಸ್ತಲ 10:3

ಒರ್ ದಿವಸ ಮಜ್ಜಣ, ಸುಮಾರ್ ಮೂಂದ್ ಗಂಟೆ ಸಮಯತ್‍ಲ್ ಅಂವೊ ಒರ್ ದರ್ಶನ ಕಂಡತ್. ದರ್ಶನತ್‍ಲ್ ಒರ್ ದೇವದೂತ ತಾಂಡ ಪಕ್ಕ ಬಂತ್: ಕೊರ್ನೇಲ್ಯನೇಂದ್ ಕಾಕ್‍ವಾನ ಕಂಡತ್.

ಅಪೊಸ್ತಲ 2:12

ಎಲ್ಲಾರು ಆಶ್ಚರ್ಯತ್‍ಲ್ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ ಪೋಡಿಲ್, ಇದ್ ಎಂತಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 25:20

ಇಂತ ಒರ್ ವಿಷಯತ್‍ನ ನಾಕ್ ಚಾಯಿತೆ ವಿಚಾರಣೆ ಮಾಡ್‌ವಕ್ ಕಯ್ಯತಗುಂಡ್, ನೀನ್ ಯೆರೂಸಲೇಮ್‌ಕ್ ಪೋಯಿತ್ ಅಲ್ಲಿ ಇದ್ಂಡ ವಿಷಯತ್‍ಲ್ ವಿಚಾರಣೆ ಮಾಡ್‌ವಕ್ ನೀಕ್ ಮನಸ್ಸ್ ಉಂಡಾಂದ್ ನಾನ್ ಕ್‍ೕಟ.

ಅಪೊಸ್ತಲ 5:24

ದೇವಾಲಯತ್‍ರ ಸೇನೆರ ಅದಿಕಾರಿಯ ಪಿಂಞ ಮುಕ್ಯ ಯಾಜಕಂಗ ಈ ಸುದ್ದಿನ ಕ್‍ೕಟಿತ್ ಇದ್ಂಡ ವಿಷಯತ್ ಎಂತ ಆಪಾಂದ್ ಗಾಬರಿ ಪಟ್ಟತ್.

ಅಪೊಸ್ತಲ 9:10

ದಮಸ್ಕತ್‍ಲ್ ಅನನೀಯ ಎಣ್ಣ್‌ವ ಯೇಸುನ ನಂಬುನ ಒಬ್ಬ ಇಂಜತ್; ಅಂವೊಂಗ್ ಒಡೆಯ ದರ್ಶನತ್‍ಲ್ ಬಂದಿತ್: ಅನನೀಯನೇಂದ್ ಕಾಕ್‍ವಕ, ಅಂವೊ: ಒಡೆಯನೇ, ಇದಾ, ನಾನ್ ಇಲ್ಲಿ ಉಳ್ಳ್‌ೕಂದ್ ಎಣ್ಣ್‌ಚಿ.

ಅಪೊಸ್ತಲ 9:43

ಪಿಂಞ ಪೇತ್ರ ಯೊಪ್ಪತ್‍ಲ್ ಚರ್ಮಕಾರನಾನ ಸೀಮೋನ ಎಣ್ಣ್‌ವಂವೊಂಡ ಪಕ್ಕ ದುಂಬ ದಿವಸ ಒಳಿಂಜತ್.

1 ಪೇತ್ರ 1:11

ಅಯಿಂಗಡಲ್ಲಿ ಇಂಜ ಕ್ರಿಸ್ತಂಡ ಆತ್ಮ, ಕ್ರಿಸ್ತಂಗ್ ಬಪ್ಪಕುಳ್ಳ ಕಷ್ಟತ್‍ನ ಪಿಂಞ ಅದ್‍ನಗುಂಡ್ ಬಯ್ಯ ಬಪ್ಪ ಮಹಿಮೆನ ಮಿಂಞಲೇ ಎಣ್ಣುವಕ, ಏದ್ ಕಾಲತ್‍ಲ್ ಇನ್ನನೆಲ್ಲ ಆಪಾ, ಆ ಕಾಲತ್‍ಲ್ ಎಂತೆಲ್ಲಾ ಆಪಾಂದ್ ಸಹ ಪಡಿಚಂಡಿಂಜತ್.